PSALMS 119 - Ottawa New Testament Penteteuch and Psalms 1874

¹ Shahwandaagoozewug egewh quayukwahdezejig emuh meekunaung: bamoosajig emuh ootebahkoonegawining Jehovah.

² Shahwandahgoozewug egewh ganuhwandungig ootebahjemoowinun: nandoonaähjig anegookoodaäwaud.

³ Egewh mahkinduhsegoog mujje‐ezhewabezewin: bamoosajig emuh oomeekunaung.

⁴ Kegeënahkoonega kekuhgequawinun: wawane cheguhnuhwanjegahdag.

⁵ O Ahpagish quuhyukoosechegahdagebun kuhkenuh nemeekunun: chemekinduhmaun kedenahkoonegawinun.

⁶ Kah dush ningahahgujjese: oonje nahnahgahdahwahbuuduhmaun kekuhgequawinun.

⁷ Kwuhyukoodaäyaun kegahmahmooyahwahmin: uhpe ketakekenooähmahgooyaun azhemenooenah-koonegamahguk kequuhyukwahdezewin.

⁸ Ningahguhnuhwandahnun kekuhgequawinun: O kagoo ahpeche nuhguhneshekan.

⁹ Ahneen ooshkenuhwa kaëzhepeenetood oomeekunun: cheguhnuhwandung debishkoo akedoomahguk kedekedoowin?

¹⁰ Anegookoodaäyaun kegeöondoonaïn: kagoo puggedeneshekan chewuhneshenooyaun oonje kekuhgequawining.

¹¹ Emuh nindaïng ningekahdoon kedekedoowin: cheöonjemujje‐doodoosenaun.

¹² Mahnoo kegahshahwandahgooz Jehovah: kekenooähmahweshin kedenahkoonegawinun.

¹³ Nindooning ningeähgindaunun kuhkenuh kedenahkoonegawinun: anahkoonegamahguk kedoon.

¹⁴ Emuh kedebahjemoowine‐meekunaung bemoosayaun: nindoonjemoojegiz, debishkoo kekechetebenuhwawezeyaunbaun.

¹⁵ Ningahnahnahgahdahwandaunun kuhkenuh kekuhgequawinun: kuhya ningahnahnahgahdahwahbundaunun kemeekunun.

¹⁶ Emuh ketebahkoonegawining ningahoonjemoojegiz: kahween ningahwuhnandunseen kedekedoowin.

¹⁷ Shahwanim kebuhmetahgun chebemahdezeyaun: ningahguhnuhwandaun dush kedekedoowin.

¹⁸ Pahkahkahbeëshin: cheöonjewahbunduhmaun enewh mamaundahwukkin oonje ketebahkoonegawining.

¹⁹ Nemahyuggiz oomah uhkeeng: kagoo kahdoomahweshin kekuhgequawinun.

²⁰ Nemegooshkahjedaä: ahpena nunduhwanduh maun ketebahkoonegawinun.

²¹ Kegenuhneebekemaug egewh mamenahdezejig: kagwahnesuggandahgoozejig: pakatahjig kekuhgequawinun.

²² Ekoonuhmahweshin nuhneebekemegoowin kuhya dahbussanemegoowin: ningeguhnuhwandahnun mahkedebahjemoowinun.

²³ Kuhkenuh egewh keche‐oogemaug kenuhmuhduhbewug kuhya ningemujje‐kuhnoonegoog: kuhya kebahmeetahgun oonahnahgahdahwandaunun ketebahkoonegawinun.

²⁴ Neminwandaunun kuhkenuh kedebahjemoowinun: nebezindaunun dush.

²⁵ Ninjechaug ahpuggezoo emuh weyuggussang: bemahjeëshin debishkoo kahekedooyun.

²⁶ Ningewahweendahnun nindezhewabezewinun, kuhya kegenuhquatow: kekenooähmahweshin ketebahkoonegawinun.

²⁷ Weedookahweshin ehenesittootuhmaun enewh kekuhnequawinun: kuhya ningahnahnahgahdahwandahnun kemahmaundahwechegunun.

²⁸ Ninjechaug muhwe oonje kushkanduhmoowin: oombeneshin debishkoo anandahgwuk kedekedoowin.

²⁹ Ekoonuhmahweshin ewh kuhkenuhwishke‐ezhewabezewin: kuhya emuh keshahwanjegawining meezheshin ketebahkoonegawin.

³⁰ Ningewahwanahbundaun ewh dabwawine meekun: ningeähtoonun ketebahkoonegawinun chewahbunduhmaun.

³¹ Ninjeminjeminaunun kedebahjemoowinun, O Jehovah: kagoo ahgujjeëshekan.

³² Ningahahbuhtoo emuh kekuhgequawine‐meekunaung: nahwuj mah kagate kemungahdatoon ninda.

³³ Kekenooähmahweshin anenuhmook kekuhgequawine‐meekun: uhpena cheguhnuhwanduhmaun.

³⁴ Weedookahweshin chetanesittootuhmaun, ningahguhnuhwandaun dush kekuhgequawin: aahe ningahguhnuhwandaun anegookoodaäyaun.

³⁵ Weedookahweshin chetuhkookeeyaun emuh kekuhgequawine‐meekaunsing: mesuh ewh manwanduhmaun.

³⁶ Ezhedaäëshin chesahgetooyaun kekuhgequawinun: chebahmanduhsewaun dush tebenuhwawezewin.

³⁷ Quakekahbahweëshin chewahbunduhsewaun kuhkebahdezewin: bemahjeëshin emuh kemeekunaung.

³⁸ Debishkoosittuhmow kebuhmeetahgun kedekedoowin: oonje keche‐koosik.

³⁹ Wabenuhmahweshin nindahguhdandahgoozewin ewh quatuhmaun: oonesheshinoon mah ketebahkoonegawinun.

⁴⁰ Benuh neminwandaunun kekuhgequawinun: bemahjeëshin emuh kemenoo‐ezhewabezewining.

⁴¹ Kuhya mahnoo ningahoodissegoon keshahwanjegawin, O Jehovah: kuhya kebemahjeëwawin debishkoo kahekedooyun.

⁴² Mesuh kaöonjeähyahmaun kanuhquatuhwug owh buhyahpenoodahwid: nindahpanemoon mah kedekedoowin.

⁴³ Kagoo dush ahpeche muhkummeshekan kedabwawine‐ekedoowin oonje nindooning: nindahpanemoonun mah ketebahkoonegawinun.

⁴⁴ Uhpena dush ningahguhnuhwandaun ketebahkoonegawin: kahgenig kuhya kahgenig.

⁴⁵ Ningahbemoosa dush emuh akoo‐mungahtaäug: ningeöondoonaäunun mah kekuhgequawinun.

⁴⁶ Ningahdebahdoodaunun kekuhgequawinun anahsuhmewaud egewh keche‐oogemaug: kah dush ningahahgujjese.

⁴⁷ Ningahoonahnegwandum oonje kekuhgequawinun: enewh suhyahgetooyaunin.

⁴⁸ Nesheebeneenjin chetuhkoonuhmaun kekuhgequawinun suhyahgetooyaunin: kuhya ningahnahnahgahdahwandaunun kekuhgequawinun.

⁴⁹ Mequanduhmow kebuhmetahgun kedekedoowin: oonje kemeezheyun ahpanemoowin.

⁵⁰ Mesuh maunduh manoo‐daäshkahgooyaun emuh nekooduggetoowining: nebemahjeëgoon dush kedekedoowin.

⁵¹ Nekeche‐bahpeëgoog egewh maminahdezejig: kah mah nepuhkawedooseen kedekedoowin.

⁵² Ningemequandaunun kuhyet ketebahkoonegawinun, O Jehovah: kuhya ningemenoodaäëdiz.

⁵³ Nekuhgwahnesuge‐nishkahdiz: oonje maje‐ezhewabezejig wabenuhmoowaud ketebahkoonegawin.

⁵⁴ Ningenuhguhmootaunun ketebahkoonegawinun: emuh newegewauming ewede wahsuhwakummig kebahbahduhnezeyaun.

⁵⁵ Ningemequandaun kedezhenekahzoowin, O Jehovah tabekuk; kuhya neguhnuhwandaun ketebahkoonegawin.

⁵⁶ Mesuh kahdoodahgooyaun: ningeguhnuhwandahnun mah kekuhgequawinun.

⁵⁷ Netebandahsoowinkedow, O Jehovah: ningeëkid cheguhnuhwanduhmaun kedekedoowinun.

⁵⁸ Ningenunduhwandaun keshahwanjegawin anegookoodaäyaun: shahwanemeshin debishkoo anandahgwuk kedekedoowin.

⁵⁹ Ningenahnahgahdahwandaunun nemeekunun: kuhya ningequakekahbow chebemoosayaun emuh kedebahjemoowining.

⁶⁰ Ningewaweebetah, kah dush bahnemah ningeenanduhse: cheguhnuhwanduhmaun kekuhgequawinun.

⁶¹ Ningekeemoodemegoog waqueenoojig maje‐ezhewabezejig: kah dush ningewahnanduhseenun kekuhgequawinun.

⁶² Ahyahbetah‐tebekuk ningahkooshkoos chemahmooyahwuhmenaun: oonje kequuhyuk‐tebahkoonegawinun.

⁶³ Neweedookahwaug kuhkenuh egewh quasikig: kuhya egewh ganuhwandungig kekuhgequawinun.

⁶⁴ Uhkee mooshkena keshahwanjegawin, O Jehovah: kekenooähmahweshin ketebahkoonegawinun.

⁶⁵ Kegemenoo‐doodahwah kebuhmeetahgun O Jehovah: debishkoo anandahgwuk kedekedoowin.

⁶⁶ Kekenooähmahweshin wanesheshing nebwahkahwin kuhya kekanjegawin: nindabwataunun mah kekuhgequawinun.

⁶⁷ Chepwah koodugganduhmaunbaun, ningewuhneshinoobun: noongoom dush nenuhittaun kedekedoowin.

⁶⁸ Kemenoo‐ezhewabiz keen kuhya kemenoo‐doodahga: kekenooähmahweshin kedenahkoonegawinun.

⁶⁹ Egewh maminahdezejig enenewug ningekuhkenuhwishke‐enahjemegoog: anegookoodaäyaun ningahguhnuhwandaunun kekuhgequawinun.

⁷⁰ Oodaëwaun wenenoowenewun debishkoo pemedang: neen dush ween neminwandaun ketebahkoonegawin.

⁷¹ Ningetabeëgoo kekoodugganduhmaun, me mah kahoonjekekenooähmahgoozeyaun kekuhgequawinun.

⁷² Ewh tebahkoonegawin kedooning kahooonjeemahguk: nahwuj nemenoo‐doodahgoon dush ween metauswauk duswahbik oozahwah shooneyaun kuhya shooneyaun.

⁷³ Kegeoozhetoon neyow keneenjeen keähyooyun: mahnoo ningahnesittootaunun kuhya ningahkekenooähmahgoonun kuhkenuh kekuhgequawinun.

⁷⁴ Egewh quasikig ningahwahbuhmegoog kuhya tahmoojegezewug; ningeähpanemoon mah kedekedoowin.

⁷⁵ Nekekandaun suh chequuhyuhwuk ketebahkoonegawinun: kuhya oonje dabwayun kegekoodugewh.

⁷⁶ O Mahnoo ningahmenoodaäshkahgoon keshahwanjegawin: debishkoo kahenud kebuhmeetahgun.

⁷⁷ Mahnoo ningahoodissegoonun keshahwanjegawinun, ningahbemahdiz dush; neminwandaun mah ketebahkoonegawin.

⁷⁸ Tahahgujjewug egewh mamenahdezejig: kenuhwishkewaud mah ningemujjedoodahgoog: ningahnahnahgahdahwandaunun kekuhgequawinun.

⁷⁹ Mahnoo ningahpenaunzekahgoog egewh quasikig: kuhya egewh kakandungig kedebahjemoowinun.

⁸⁰ Mahnoo quuhyukesetoon ninda emuh kekuhgequawining: cheähgujjeëgoosewaun.

⁸¹ Ninjechaug kenoondashin apeech nunduhwanduhmaun kebemahjeëwawin: nebeetoon mah kedekedoowin.

⁸² Ahnahwawezemahgudoon nishkinzhegoon oonje kedekedoowin: oo‐oo akedooyaun, ahneen uhpe kamenoodaäëyun.

⁸³ Ningeëzheähyah debishkoo pushquagin‐omoody agoojing emuh paquanag: kahween ningeöonanduhsenun ketebahkoonegawinun.

⁸⁴ Ahneen menik kabemahdezid kebuhmeetahgun: ahneen uhpe kadoodahwudwah egewh maje‐doodahwejig ewh kahenahkoonudwah.

⁸⁵ Mamenahdezejig wahnekawug chepeenjesayaun emuh: ahnahween anandahgussenook ketebahkoonegawin.

⁸⁶ Kagate dabwamahgudoon kuhkenuh kekuhgequawinun: kuhkenuhwishkewaud nemujje‐doodahgoog: weedookahweshin.

⁸⁷ Gagah ningebahnahjeëgoog oomah uhkeeng: kah dush ningenuhguhdunsenun kekuhgequawinun

⁸⁸ Debishkoo anandahgwuk keshahwanjegawin bemahjeëshin: mesuh kaöonjeguhnuhwanduhmaun enewh debahjemoowinun kedooning wanjebahmahgukkin.

⁸⁹ Jehovah kedekedoowin: kahgenig minjemoosin ewede kezhigoong.

⁹⁰ Kedabwawin tahduhgoomahgud kahgenig: kegeminjemoosetoon uhkee mesuh kaöonjemahmah jesasenook.

⁹¹ Oonje mah ketebahkoonegawin ahyahmahgudoon noongoom kezheguk: kebuhmeetahgoonun mah kuhkenuh:

⁹² Kishpin minwanduhsewaunbaun ketebahkoonegawin: nindahgenesegoon nekooduggeëgoowin.

⁹³ Kah wekah ningahwuhnanduhsenun kekuhgequawinun: me mah enewh kahoonjebemahjeëyun.

⁹⁴ Ketebanim suh, bemahjeëshin: ningenundahwandaunun mah kekuhgequawinun.

⁹⁵ Ningeähkahwahbuhmegoog maje‐ezhewabezejig enenewug chebahnahjeëwaud: ningahnesittootaunun kedebahjemoowinun.

⁹⁶ Ningewahbundaun wuhyaquaug kuhkenuh quuhyukwahdezewinun: keen atuh kekuhgequawin ahpeche mechahmahgud.

⁹⁷ Kagate nekeche‐sahgetoon kekuhgequawin: kuhpa‐kezhig nenahnahgahdahwandaun ewh.

⁹⁸ Keen kedezheh nahwuj chenebwahkahyaun dush ween egewh shaunganemejig, kekuhgequawinun oonje: ahpena mah neweejewegoonun enewh.

⁹⁹ Ahwahshema nenebwahkah dush ween kuhkenuh egewh kakenooähmahwejig: nenahnahgahdahwandaunun mah kedebahjemoowinun.

¹⁰⁰ Nahwuj nebewah nenesittootaunun dush ween egewh katezejig: oonje keguhnuhwanduhmaun kekuhgequawinun.

¹⁰¹ Neguhnuhwandahnun nesittun chebemoosasewaun emuh mujje‐meekunaung: cheöonjeguhnuhwanduhmaun kedekedoowin.

¹⁰² Kahween nenuhguhdunsenun ketebahkoonegawinun: keen muh kekekenooähmow.

¹⁰³ Kagate keche‐wishkoobunoon kedekedoowinun emuh nenahguskoong: nahwuj wiskoobunoon dush ween ahmoo sinsebahquud emuh nindooning.

¹⁰⁴ Kekuhgequawining nindoondenaun nebwahkahwin: mesuh wanjesheenganduhmaun kuhkenuh kuhkenuhwishkewine‐meekunun.

¹⁰⁵ Debishkoo wahsuhkoonanjeguning nindenahbujjetoon kedekedoowin bamoosayaunin: chewahsayaug emuh nemeekunaung.

¹⁰⁶ Ningemushkahwahweendahmahga, kuhya ningahezhechega: cheguhnuhwanduhmaun quayukwukkin ketebahkoonegawinnun.

¹⁰⁷ Ahpeche nekeche‐kooduggandum: Jehovah bemahjeëshin debishkoo kahekedooyun.

¹⁰⁸ Oodahpenun enewh nepuggedenegawinun wawane azhepuggedenegamahguk nindoon, kepahgoosanemin Jehovah: kuhya kekenooähmahweshin ketebahkoonegawinun.

¹⁰⁹ Uhpena neneenjeeng nindahyahwah ninjechaug: pooch‐enunga nindoonandaun ketebahkoonegawin.

¹¹⁰ Ningedahgoodahgoog egewh maje‐ezhewabezejig: kah dush ningepuhkatahse kedenahkoonegawinun.

¹¹¹ Nindebandaunun kedebahjemoowinun ahpena kahgenig: nemoojegedaä mah oonje enewh.

¹¹² Ningeëzhesittoon ninda kahgenig cheguhwanduhmaun ketebahkoonegawinun: kahgenig ahpena kahgenig.

¹¹³ Nesheenganemaug egewh quayaquakandungig: nesahgetoon dush ween ketebahkoonegawin.

¹¹⁴ Keen suh kedow nekahzoowin, kuhya nepahkahquahaun: nindahpanemoon kedekedoowin.

¹¹⁵ Nuhguhzheshig, kenuhwah maje‐ezhewabezeyag: ningahguhnuhwandaunun dush ookuhgequawinun owh Kesha‐Muhnedoo.

¹¹⁶ Pemeähsooneshin debishkoo kahwahweenduhmahweyun cheöonjebemahdezeyaun: kah dush ningahahgujjese oonje nindahpanemoowin.

¹¹⁷ Pemeähsooneshin kuhya ningahbemahjeëgoo: ningahnahnahgahdahwahbundaunun ketebahkoonegawinun kahgenig.

¹¹⁸ Kegetuhkookaunaug kuhkenuh egewh pakashkungig ketebahkoonegawinun: oowuhyazhemegoonahwah tebenuhwa ookuhkenuhwishkewinewaun.

¹¹⁹ Debishkoo wabeneguning kegewabenaug kuhkenuh maje‐ezhewabezejig oomah uhkeeng: mesuh wanjesahgetooyaun kedebahjemoowinun.

¹²⁰ Nuhningishkahmahgud neyaus oonje koosinaun: kuhya oonje kootuhmaun kekooduggeëwawinun.

¹²¹ Ningedoodum ewh wanesheshing kuhya quayukwuk: kagoo puggedeneshekan: chemujje‐doodahwewaud egewh wahmujje‐doodahwejig.

¹²² Kuhnooduhmow kebuhmeetahgun cheöonje menoodoodahgooyaun: kah dush nigahkoodugge-egooseeg egewh mamenahdezejig.

¹²³ Ahnahwawezemahgudoon nishkinzhegoon oonje nunduhwanduhmaun bebemahjeëwawin: kuhya kemenoo‐ezhewabezewine‐ekedoowin.

¹²⁴ Doodow kebuhmeetahgun debishkoo anandahgwuk keshahwanjegawin: kuhya kekenooähmahweshin kedenahkoonegawinun.

¹²⁵ Nindow kebuhmeetahgun: meezheshin nesittootahgawin cheöonjekekanduhmaun kedebahjemoowinun.

¹²⁶ Ahzhe debishkoosa uhpe kaähnookeed Jehovah: oopeegoobetoonahwah mah ketebahkoonegawin.

¹²⁷ Mesah ahwahshema wanje‐sahgetooyaun kekuhgequawiuun dush ween oozahwah shooneyah aahe ahwahshema nesahgetoonun dush ween wanesheshid oozahwah‐shooneyah.

¹²⁸ Mesuh wanjeënanduhmaun kuhkenuh ahnooj doowun kekuhgequawinun chequuhyukwuk: nesheengandaunun kuhkenuh kuhkenuhwishkewine‐meekunun.

¹²⁹ Mahmaundahwudoon kedebahjemoowinun: mesuh ninjechaug wanjeguhnuhwandung enewh.

¹³⁰ Kedekedoowinun paundegamahgukkin wahsashkahgamahgudoon: mesuh wahjenesittootuhmoowaud egewh kakanjegasigoog.

¹³¹ Ningetahwun kuhya ningekishkuhnaum: ningemahmedahwandaunun mah kekuhgequawinun.

¹³² Guhnuhwahbuhmeshin kuhya shahwanemeshin: debishkoo moonzhug andoodahwudwah egewh suhyahgetoojig kedezhenekahzoowin.

¹³³ Ezhesittoonun netuhkookeewinun emuh kedekedoowining: kah dush ningahshahgoojeëgooseen mujje‐ezhewabezewin.

¹³⁴ Bemahjeëshin oonje azhekooduggeëwaud enenewug: kuhya ningahguhnuhwandaunun kekuhgequawinun.

¹³⁵ Mahnoo kebuhmeetahgun oogahwahsashkahgoon kishkinzhegoon: kuhya kekenooähmahweshin kedebahkoonegawinun.

¹³⁶ Nishkinzhegoong oonjejewun‐nebeen: oonje guhnuhwanduhsigwah ketebahkoonegawin.

¹³⁷ Kequuhyukwahdiz, O Jehovah: kuhya oonesheshinoon ketebahkoonegawinun.

¹³⁸ Kegeëkid chequuhyukwahdezeyaung, emuh kedebahjemoowining: kuhya cheähpeche‐dabwayaung.

¹³⁹ Nechahgahkizoogoon nekahwawin: oonje mahgahzhejig oonanduhmoowaud kedekedoowin.

¹⁴⁰ Kechepeenud suh kedekedoowin: mesuh kebuhmeetahgun wanjesahgetood.

¹⁴¹ Nindahgahshewh kuhya nedahbussandahgooz: pooch‐enunga nindoonandaunun kekuhgequawinun.

¹⁴² Quuhyukwandahgwud suh kequuhyukwahdezewin kahgenig: kuhya dabwamahgud ketebahkoonegawin.

¹⁴³ Ningeöodissegoonun kushkanduhmoowin kuhya koodugganduhmoowin: pooch neminwandaunun kekuhgequawinun.

¹⁴⁴ Quuhyukwudoon kedebahjemoowinun ahpena kahgenig: kekenooähmahweshin chenesittootuhmaun cheöonjebemahdezeyaun.

¹⁴⁵ Kenahnaundoomin anegookoodaäyaun: nahquatuhweshin Jehovah: ningahguhnuhwandaunun kekuhgequawinun.

¹⁴⁶ Kenuhnaundoomin, bemahjeëshin: ningahguhnuhwandaunun kedebahjemoowinun.

¹⁴⁷ Keche‐kekezhab ningepeëzhah emuh anahsuhmeyun kuhya kegenuhnaundoomin: ningeähpanemoon kedekedoowin.

¹⁴⁸ Chepwah kooshkoosewaud egewh nababetungig nekooshkooz: chenahnahgahdahwanduhmaun kewahweendahmahgawin.

¹⁴⁹ Bezindun nindahnemetahgoozewin oonje shahwanjegayun, O Jehovah: debishkoo enandahgwuk ketebahkoonegawinun bemahjeëshin.

¹⁵⁰ Pashoo nepenaunzekahgoog egewh nwahpenuhdungig mujje‐ezhechegawin: wahsuh dush oonuhguhdahnahwah ketebahkoonegawin.

¹⁵¹ Pashoo suh keduhniz Jehovah: kuhya dabwamahgudoon kuhkenuh kekuhgequawinun.

¹⁵² Kuhyet ningekekandaun oonje kedekedoowining: keminjemoosittooyun uhpena kahgenig.

¹⁵³ Nahnahgahdahwahbundun nekooduggetoowin kuhya bemahjeëshin: kah mah nindoonanduhseen ketebahkoonegawin.

¹⁵⁴ Guhnooduhmahweshin, kuhya bemahjeëshin: bemahjeëshin debishkoo kahekedooyun.

¹⁵⁵ Wahsuh ahtane oobemahjeëgoowinewaun egewh maje‐ezhewabezejig: oonje nunduhwanduhsigwah ketebahkoonegawinun.

¹⁵⁶ Bahteïnudoon keshahwanjegawinun, O Jehovah: debishkoo anandahgwuk ketebahkoonegawinun.

¹⁵⁷ Bahtuheïnwug egewh maje‐doodahwejig kuhya quaduggeëjig: kahween nepuhkashkunsenun kedebahjemoowinun.

¹⁵⁸ Ningewahbuhmaug egewh kagaunzetungig kuhya ningemauzhedaä: oonje keguhnuhwanduhsigwah kedekedoowin.

¹⁵⁹ Wahbuhmeshin menik sahgetooyaun kekuhgequawinun Jehovah: debishkoo anandahgwuk keshahwanjegawin bemahjeëshin.

¹⁶⁰ Kedekedoowin dabwamahgud oonje wahyashkud: kahgenig duhgoomahgudoon kuhkenuh kemenoo‐tebahkoonegawinun.

¹⁶¹ Ningepeneshe — mujje — doodahgoog egewh keche‐oogemaug: nekootaun dush kedekedowin emuh nindaïng.

¹⁶² Nemoojegiz oonje kedekedoowin: debishkoo azhemoojegezid ahweyah makung nebewah tebenuhwawezewinun.

¹⁶³ Nesheengandaun kuhya nekuhgwahnesuggandaun kuhkenuhwishkewin: nesahgetoonun dush ween kedebahjemoowinun.

¹⁶⁴ Neezhwahching kemahmooyahwahmin anduhsoo keezhik: oonje keche‐minwandahgwuk ketebahkoonegawin.

¹⁶⁵ Keche‐pezaunewawin oodahyahnahwah egewh suhyahgetoojig ketebahkoonegawin: kah dush gagoo oogahmekunsenahwah kaöonje — oosittahwanduhmoowaud.

¹⁶⁶ Nindahpanemoon kebemahjeëwawin, O Jehovah: kuhya neguhnuhwandaunun kekuhgequawinun.

¹⁶⁷ Ninjechaug oogeguhnuhwandaunun kedebahjemoowinun: kuhya nekeche‐sahgetoonun enewh.

¹⁶⁸ Neguhnuhmandaunun kekuhgequawinun kuhya kedebahjemoowinun: kewahbundaunun mah kuhkenuh nindezhewabezewinun.

¹⁶⁹ Mahnoo kegahoodissegoon nenuhnaundoongawin, Jehovah: meezheshin nesittootumoowin debishkoo kahekedooyun.

¹⁷⁰ Kegahoodissegoon nindahnuhmeäwin: debishkoo kahwahweendahmahgayun bemahjeëshin.

¹⁷¹ Nindooning tahoonjeemahgud wahwezhanduhmoowin: uhpe kekekenooähmahweyun ketebahkoonegawinun.

¹⁷² Aahe emuh nindanuhnewing ningahnuhquataun kedekedoowin: quuhyukwudoon mah kuhkenuh kekuhgequawinun.

¹⁷³ Mahnoo ningahweedookahgoon keneenj: ningewuhwanahbundaunun mah kekuhgequawinun.

¹⁷⁴ Ningemahmetahwandaun kebemahjeëwawin, O Jehovah: neminwandaunun dush kekuhgequawinun.

¹⁷⁵ O Mahnoo tahbemahdeze ninjechaug kuhya kegahmahmooyahwahmik: ningahweedookahgoonun dush ketebahkoonegawinun.

¹⁷⁶ Newuhneshin debishkoo mahnishtahnish waneshinood: oondonaöwh kebuhmeetahgun kah mah newuhnandunsenun kekuhgequawinun.