PSALMS 118 - Ottawa New Testament Penteteuch and Psalms 1874

¹ Mahmooyahwahmik Jehovah, oonesheshe mah: kahgenig mah ahyahmahgudene ooshahwanjegawin.

² Mahnoo tahekedoo Israel: kahgenig cheähyahmahgudenig ooshahwanjegawin.

³ Mahnoo tahekedoowun Aaron oonejahnesun: kahgenig cheähyahmahgudenig ooshahwanjegawin.

⁴ Mahnoo egewh quasahjig Jehovahun tahekedoowug: kahgenig cheähyahmahgudenig ooshahwanjegawin.

⁵ Oonje keche‐megooshkahdanduhmoowining ningenuhnaundoomah Jehovah: ningebezindaug dush Jehovah kuhya ningeähsik emuh akoo munguhdaäug.

⁶ Neweedookaug Jehovah, kahween ningahsagezese: ahneen kadoodahwewaud enenewug?

⁷ Jehovah ooweedookahwaun enewh wahdookahwenejin: ningahwahbuhmaug egewh shaunganemejig chedoodahwindwah azhenunduhwanduhmaun.

⁸ Ahwahshema keche‐oonesheshin cheähpanemung Jehovah: dush ween cheähpanemungwahpun enenewug.

⁹ Ahwahshema oonesheshin cheähpanemung Jehovah: dush ween cheähpanemungwahpun oogemaug.

¹⁰ Ningekewetah‐kahbahwetahgoog ahnooj azheweenzoojig ahnishenahbag: emuh Jehovah oodezhenekahzoowining ningahbahnahjeäug.

¹¹ Nekewetah‐kahbahwetahgoog, aahe nekewetahkahbahwetahgoog: emuh Jehovah oodezhenekahzoowining ningahbahnahjeäug.

¹² Nekewetaushkahgoog debishkoo ahmoog: ahtaähwug debishkoo menasahgahwunzhe‐ishkootang: emuh Jehovah oodezhenekahzoowining ningahbahnahjeäug.

¹³ Kegepukkedaöowh, kegepukkedaöowh chepungeshemeyun: ningeweedookaug dush ween Jehovah.

¹⁴ Jehovah nemushkahwezewin kuhya nenuhguhmoowin ahwe: kuhya ningebemahjeïk.

¹⁵ Moojegetahgoozewin kuhya bemahjeëwawin duhgoomahgudoon emuh oowegewaumewaung egewh quayukwahdezejig: kemashkahwezemahgudene Kesha‐Muhnedoo ookechenik.

¹⁶ Oombeneenje Jehovah ookecheneenj: Jehovah ookecheneenj kechemushkahwezemahgudene.

¹⁷ Kahween ningahneboose, ningahbemahdiz atuh: kuhya ningahdebahdoodaunun Jehovah oodahnookeewinun.

¹⁸ Kagate ningepuhzhunzhaïk Jehovah: kah dush ningepuggedenegoose emuh neboowining.

¹⁹ Nesahkoonahmahweshin quuhyuk‐wahdezewine‐keche‐ishquaundamuu: mesuh kaëzhepeendegayaun; ningahmahmooyahwahmah Jehovah.

²⁰ Mesuh maunduh ishquaundam Jehovah kahoozhetood: quayukwahdezejig tahpeendegawug emuh.

²¹ Kegahmahmooyahwahmin kegenuhquatow mah: kuhya kegebemahjew.

²² Ahsin kahwabenegood enewh wazheganejin; wequayahbikesechegun ahwe.

²³ Jehovah suh keëzhechega: mahmaundahwahkummig emuh kishkeënzhegoonahning.

²⁴ Mesuh noongoom kezheguk, ewh kezhegud Jehovah kahoozhetood: kegahmoojegezemin kuhya kegahwahwezhanduhmoomin noongoom kezheguk.

²⁵ Mahnoo bemahjeëshenaum Jehovah: Jehovah kepahgoosanemegoo chemenoo‐doodahweyauug.

²⁶ Shahwandahgooze suh owh pahtuhgwishing emuh oodezhenekahzoowining owh Jehovah: kewahwezhanemegoo oonje oowegewauming owh Jehovah.

²⁷ Mushkahweze Jehovah kegemeenegoonaun dush wahsayahzewin: tahkoobenik owh ahwahkaun pagedenegahzood enewh ahsubaubeensun emuh wadashkunewung sahsahgewejegunahbik.

²⁸ Nekesha‐Muhnedoom kedow kegahmahmooyahwahmin dush: neKesha‐Muhnedoom kegahwahwezhanemin.

²⁹ Mahmooyahwahmik Jehovah: oonesheshe mah kuhya ooshahwanjegawin ahyahmahgudene kahgenig.