PSALMS 116 - Ottawa New Testament Penteteuch and Psalms 1874

¹ Neminwanemah Jehovah: kebezindung nindinwawin kuhya nindahnuhmeäwin;

² Kebezindahwid: mesuh kaöonjenuhnaundoomug menik kabemahdezeyaun.

³ Ningekeewetaushkahgoonun enewh neboowine‐wesugganduhmoowinun: kuhya ningeminjeminegoonun ahnahmuhkummig wanjebahmahgukkin kooduggetoowinun kuhya ketemahgazewin.

⁴ Medush uhpe kenahnaundoomug owh Jehovah: O Jehovah, kepahgoosanemin, bemahjewh ninjechaug.

⁵ Shahwanjega Jehovah, kuhya quuhyuk‐wahdeze: aahe, ketemahganjega Kekesha‐Muhnedoomenaun.

⁶ Jehovah oobemahjeaün enawh agahsanemoonejin: ningenesebenegoo, ningeweedookaug edush.

⁷ Peëzhekewan emuh kedaunwabewining, O Ninjechaug: kegekeche‐tabeïk mah owh Jehovah.

⁸ Kegebemahjeäh mah ninjechaug cheneboosig: nishkeenzhegoon chemuhwesewaun, kuhya nesittun chepungeshinsewaun.

⁹ Ningahbemoosa anahsuhmid Jehovah: emuh ooduhkeemewaung egewh bamahdezejig.

¹⁰ Ningedabwayandum, mesuh kahoonjekekedooyaun; ningekeche‐kooduggetoo: ningeëkid emuh nesagezewining, Kuhkenuhwishkewug kuhkenuh enenewug.

¹¹ Wagoonash katebahahmahwug owh Jehovah: oonje nebewah shahwanjegawinun keshahwanemid?

¹² Ningahoodahpenaun ewh bemahjeëwawine menequahjegun: kuhya nigahwahweendaun oodezhenekahzoowin owh Jehovah.

¹³ Ningahtebahahmahwah owh Jehovah menik kahwahweenduhmahwug, noongoom anahsuhmenid kuhkenuh oodahnishenahbamun:

¹⁴ Keche‐ahpeetandahgwudene anahsuhmuhbid Jehovah, ooneboowinene enewh anuhmeätahgoojin.

¹⁵ Jehovah kagate kebuhmeetahgun nindow: kuhya nindoonejahnesemik kebuhmeetahguneëquam: kegepuhkishkaunun netuhkoobejegunun.

¹⁶ Kegahmeenin ewh mahmooyahwawine‐puggedenegawin: kuhya ningahnuhnaundoomah Jehovah.

¹⁷ Ningahtebahahmanwah owh Jehovah menik kahwahweendahmahwug: noongoom anahsuhmenid kuhkenuh oodahnishenahbamun.

¹⁸ Emuh oowegewauming owh Jehovah: emuh nahwuhyeëeeng keen, O Jerusalem! Wahwezhanemik owh Jehovah.