PSALMS 115 - Ottawa New Testament Penteteuch and Psalms 1874

¹ Kahween nenuhwind, Jehovah, kahween nenuhwind ningahwahwezhanemegoosenaun, keen atuh kedezhenekahzoowin tahwahwezhandahgwud: oonje keshahwanjegawin kuhya oonje kedabwawin.

² Ahnishwin kaöonjeëkedoowaud egewh mayugahnishenahbag: Ahneende dush ooKesha‐Muhnedoomewaun?

³ Ishpeming suh ahyah keKesha‐Muhnedoomenaun: kuhkenuh menik anandung keëzhechega.

⁴ Oomuzzenenechegunewaun suh shooneyahwewun kuhya oosahwah‐shooneyahwewun: oogeöozheëgoowaun enewh enenewun.

⁵ Ooodoonewug kah dush kekedoosewug: ooshkinzhegoomewug kah dush wahbesewug.

⁶ Ootahwugahwug kah dush noonduhsewug: oochaunzewug kah dush minaunjegasewug.

⁷ Ooneenjewug kah dush taungenegasewug: oosittahwug kah dush bemoosasewug: kah dush noondahgoozesewug oonje oogoondahgunewaung.

⁸ Mesuh nahsaub azhewabezewaud egewh wazheähjig: egewh apanemahjig.

⁹ O Israel Ahpanim Jehovah: ooweedookahgoowinewaun ahwe kuhya oodushwewinewaun.

¹⁰ O kenuhwah wagwissemenag Aaron ahpanemik Jehovah: ooweedookahgoowinewaun ahwe kuhya oodushwewinewaun.

¹¹ Kenuhwah quasag Jehovah, ahpanemik Jehovah: ooweedookahgoowinewaun ahwe kuhya oodushwewinewaun.

¹² Kegemequanemegoonaun Jehovah: oogahshahwandaun oogahshahwandaun Israel oowegewaumun: oogahshahwandaun Aaron oowegewaumun.

¹³ Oogahshahwanemaun enewh wahdookahgoojin Jehovah: enewh agahsheenejin kuhya kacheahyahenejin.

¹⁴ Mahnoo ashkum kegahmeshenooëgoowah Jehovah: kenuhwah kuhya kenejahnesewaug.

¹⁵ Keshahwanemegoowah Jehovah owh wazhetood kezhig kuhya uhkee.

¹⁶ Jehovah oodebandaunun kezhigoon: oogemeenaun dush enene oonejahnesun ewh uhkee.

¹⁷ Kahween Jehovah oowahwezhanemegooseen enewh kahneboonejin: kah kuhya enewh chebaguhmigoong kahezhahnejin.

¹⁸ Kegahwahwezhanemahnaun dush ween Jehovah: noongoom kuhya kahgenig. Hallelujah.