PSALMS 114 - Ottawa New Testament Penteteuch and Psalms 18741 Uhpe Israel Egypting keöonjesahguhung, oo denoodawezewin owh Jacob, oonje anduhnuhkeewaud mayug‐inwajig ahnishenahbag. 2 Judah oodahnuhmeä‐weguhmigoom keähwun: kuhya Israel oodoogemahwewin keähwe. 3 Kechegumme oogewahbundaun kuhya keöozhemoomahgud: Jordan kequaketahmahgud. 4 Debishkoo ahyahba‐mahnishtahnisheeng kequaushquunemahgudoon wahjewun: kuhya wahjewansun debishkoo mahnishtahnisheensing. 5 Ahneen kahandeyun, O kechegumme keöozhemooyun: kuhya keen Jordan kequaketahyun? 6 Kenuhwah wahjewedoog kequaushkwuneyag debishkoo ahyahba‐mahnishtahnisheeng: kuhya wahjewansedoog debishkoo mahnishtahnisheensing? 7 Nuhningishkaun keen uhkee anahsuhmid Tabaningad: anahsuhmuhbenid Jacob ooKesha‐Muhnedoomun. 8 Owh kahenahkoonegad cheähtagwahzhebeäunse emuh ahzhebikaung: seebe cheöonjejewung emuh pewahnukoong. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society