PSALMS 112 - Ottawa New Testament Penteteuch and Psalms 1874

¹ Hallelujah! Shahwandahgooze enene quasaud Jehovahun: kache‐minwandung ookuhgequawinun.

² Tahkeche‐mushkahwezewun oomah uhkeeng oonejahnesun: tahshahwandahgoozewun enewh manoo‐ëzhewabezejig kaöonejahnesewahjin.

³ Kechetwahwezewin kuhya keche‐tebenuhwawezewin tahahyahmahgudoon emuh oowegewauming: kuhya ooquuhyukwahdezewin kahgenig duhgoomahgudene.

⁴ Mookesane oowahsayahzewin owh quayukwahdezid magwah‐kushketebekuk: shahwanjega, ketemahganjega, kuhya quuhyukwahdeze.

⁵ Shahwandahgooze owh enene shawanjegad kuhya aweëwad: emuh quuhyuk tebahkoonegawining tahezhetebahkoonega.

⁶ Kah wekah tahmahmahdenahse owh manoo‐ezhewabezid: owh quuhyukwahdezid kahgenig tahmequanemah.

⁷ Kahween tahsagezese oonje mujje‐enuhkummeguk: kagate soongedaä oonje ahpanemaud Jehovahun.

⁸ Minjemoosinene ooda, kahween tahsagezese: nahnauzh wahbuhmaud enewh shaunganemegoojin.

⁹ Kesuhswawabenega, oogemeenaun enewh katemahgezenejin: kahgenig duhgoomahgudene ooquuhyukwahdezewin; oodashkun tahoombenegahdane oonje kechetwahwandahgoozewin.

¹⁰ Owh maje‐ezhewabezid oogahwahbundaun kuhya tahkushkandum: tahmuhtwayahbidasa kuhya tahningezoo: tahbahnahdudene oonunduhwanduhmoowin owh maje‐ezhewabezid.