PSALMS 111 - Ottawa New Testament Penteteuch and Psalms 1874

¹ Mahmooyahwuhmik Jehovah; ningahmahmooyahwahmah Jehovah anegookoodaäyaun: emuh anduhzhe‐mahoonjeëdewaud egewh quayukwahdezejig kuhya anuhmeähjig.

² Keche‐ahpeetandahgwudenewun kuhkenuh oodahnookeewinun owh Jehovah: kuhkenuh egewh manwandungig oonundahwahbundahnahwah enewh.

³ Kechetwahwandahgwudene kuhya keche‐oogemahwandahgwudene oodahnookewin: kuhya kahgenig tahduhgoomahgudene ooquuhyukwahdezewin.

⁴ Oogeëzhetoonun oomahmaundahwejegunun chemequanjegahdanig: shahwanjega kuhya ketemahganjega Jehovah.

⁵ Oogeähshummaun enewh quasegoojin: kahgenig oogahmequandaun oowahweendahmahgawin.

⁶ Oogewahweendahmahwaun enewh oodahnishenahbamun azhemushkahwezemahgudenig oodahnookeewinun: cheöonjemeenaud ooduhkeemewaun egewh mayug‐ahnishenahbag.

⁷ Oodahnookewinun anuhnookemahgudenig enewh ooneenjeen mesuh dabwawin kuhya quuhyuk tebahkoonegawin: puhkukkandahgwudenewun kuhkenuh ookuhgequawinun.

⁸ Minjemoosinenewun kahgenig kuhya kahgenig: emuh dabwawining kuhya quuhyukwahdezewining keënuhnookeem.

⁹ Oogebemahjeäun enewh oodahnishenahbamun, kahgenig oogeöozhetoon oowahweendahmahgawin: keche‐ahpeetandahgwudene kuhya kootahmegwandahgwudene oodezkenekahzoowin.

¹⁰ Ookoosegoowin owh Jehovah mesuh wanjemahjesag nebwahkahwin: quuhyuk nebwahkahwug kuhkenuh egewh ganuhwandungig ookuhgequawinun, kahgenig duhgoomahgudene oowahwezhanemegoowin.