PSALMS 11 - Ottawa New Testament Penteteuch and Psalms 18741 Nindahpanemah suh owh Jehovah: ahnishwin dush oo‐oo azhekuhnoonag ninjechaug, ezhenezhemoon ewede wahjewing debishkoo penasheeng. 2 Benuh suh egewh maje‐ezhewabezejig oodoombuttabenahwaun oometikwahbewaun: oowahwazhe-toonahwah enewh keenwaukwun emuh ahchaubeeng, keemooj wepemwahwaud manoo‐ezhewabezenejin. 3 Kishpin kebahnahjechegahdag enewh uhshootahbekesejegunun: ahneen kaëzhechegad owh quuhyuk‐ezhewabezid? 4 Ahyah suh owh Jehovah emuh ookechetwahweguhmigoong: oodoogemah‐wuhbewin owh Jehovah ishpeming duhgoomahgudene. 5 Ooshkinzhegoon ahyood oonahnahgahdahwahbuhmaun enewh katemahgezenejin: kuhya ooshkinzhegoo kebahegunun ahyood oonundahkekanemaun enewh enenewug oonejahnesewaun. 6 Oonundahkekanemaun suh owh Jehovah enewh manooëzhewabezenejin: oosheenganemaun dush enewh majeëzhewabezenejin, kuhya manwanduhmenejin pahpenuhdahdewin. 7 Oogahpenesenahmahwaun enewh majeëzhewabezenejin nuhgwahgunun, kuhya muhyahzhemahgwuk ishkootan, kuhya kagwahnesuggahnemuk nootin; mesuh oonoo kamenuhindwah. 8 Owh mah manooëzhewabezid Jehovah oosahgetoon quuhyuk ezhewabezewin: oowahbuhmaun enewh quuhyuk azhewabezenejin. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society