PSALMS 109 - Ottawa New Testament Penteteuch and Psalms 1874

¹ Kagoo pezaunuhbekan Kesha‐Muhnedoo keen mahyahmooyahwahmenaun: ketahwunewug mah egewh maje‐ezehewabezejig kuhya wahyazhingashkejig enenewug chemujjeduhzhemewauk kuhkenuhwishkewaud.

² Ningekewetaushkahgoonun sheenganjegawineekedoowinun: kuhya ningepeneshe‐megahnegoog.

³ Oonje kesahgeügwah ningesheenganemegoog: neen edush nindahnuhmeäh.

⁴ Ningemujjedoodahgoog ahnahween goo kemenoodoodahwugwah: kuhya nesheenganemegoog ahnahween goo kesahgeügwah.

⁵ Mahnoo kegahpuggedenah cheöogemahkundahgood enewh maje‐ezhewabezenejin: mahnoo mujje‐ahyahahwish tahnebahwe emuh ookechenikaung.

⁶ Uhpe tabahkoonind mahnoo tahnahneboomah: kuhya mujje‐ezhewabezewining tahenandahgwudene oodahnuhmeäwin.

⁷ Tahpungewahgudenewun ookezhegudoomun: mahnoo bakahnezid oogahoodahpenaun oodahnoonegoowin.

⁸ Tahkewezewun oodahbenoojeëmun kuhya oowedegamahgunun tahshegahwewun.

⁹ Mahnoo tahpahbahnundoodahmahgawun enewh oonejahnesun: kuhya oogahnundooaäunahwah oomeejimewaun emuh buhgwuhduhkummig.

¹⁰ Oogahmuhkummegoon enewh makundwashkenejin kuhkenuh ooduhyeemun: kuhya egewh mayugahnishenahbag oogahbahnahjetoonahwahoodahnookewinewaun.

¹¹ Kahween oogahshahwanemegooseen ahweyah enenewun: kah dush ahweyah oogahmenoodoodahwahseen enewh kahwezenejin oodahbenoojeëmun.

¹² Mahnoo kuhkenuh tahchahgenawun oonejahnesun: kuhya nahguj tahkuhsebeëgahdane oodezhenekahzoowin.

¹³ Jehovah oogahmequandaun kahmujje‐ezhewabezenid oosebuneen: kuhya oogeen oomujje‐ezhewabezewin kahween tahkuhseebeëgahdasenene.

¹⁴ Anahsuhmuhbid Jehovah tahahtanewun: kuhya tahenahkoonega chemequanemahsewind oomah uhkeeng.

¹⁵ Kah mah oogemequanduhseen shahwanjegawin: kuhya oogekooduggeäun enewh ahyahnemezenejin kuhya katemahgezenejin enenewun kuhya enewh magooshkahjedaänejin, chenesaud enewh.

¹⁶ Oogesahgetoon mujje‐duhzhingawin mesuh kahoonjemujje‐duhzhemind: kahween oogeminwanduhseen shahwanjegawin mesuh wanjeshahwandahgoozesig.

¹⁷ Oogepesekaun mujje‐kezhwawin debishkoo oodahgwewining: oogahpeendegashkahgoon debishkoo neebeeng emuh oonuhgesheeng kuhya debishkoo pemedang emuh ookuning.

¹⁸ Debishkoo oodahgwewining oogahahgwin ewh: kuhya debishkoo kechepezoowining ahpena oogahkechepezoon.

¹⁹ Mesuh kaëzhetebahmahgoowaud egewh shaunganemejig, enewh Jehovahun: kuhya egewh majeduhzhe‐mahjig ninjechaugwun.

²⁰ Keen dush ween Jehovah shahwanemeshin oonje kedezhenekahzoowin: oonje keche‐oonesheshing keshahwanjegawin bemahjeëshin.

²¹ Nekooduggetoo mah kuhya neketemahgiz: nemegooshkahjedaä peenjenuh.

²² Debishkoo ahgahwahtashemoowining uhpe apungeshemook nindezhemahjah: nemahjenahzhahoogoo debishkoo ahtessahwuhyasheeng.

²³ Noondashinoog ninkedigoog oonje kekeëquishemooyaun; kuhya dush neyaus bahnahdud oonjeweninoosewaun.

²⁴ Ningebahpeëgoog suh oogoo: uhpe kahwahbuhmewaud kewabequanewug.

²⁵ Weedookahweshin O Jehovah Nekesha‐Muhnedoom: bemahjeëshin debishkoo anandahgwuk keshahwanjegawin.

²⁶ Oogahkekanedahnahwah dush keen keneenj cheähwung: keen Jehovah kegeëzhechega.

²⁷ Mahnoo ningahmujje‐duhzhemegoog egewh, keen mah kegahmenoo‐kuhnoozh: wenuhwah tahpuhsegwewug kuhya tahahgujjeähwug, tahmoojegeze dush ween kebuhmeetahgun.

²⁸ Mahnoo egewh shaunganemejig tahahgweähwug ahgujjewin: kuhya oogahpesekahnahwah ewh manesanduhmoowin debishkoo puhpensekoowahguning.

²⁹ Ningahkeche‐mahmooyahwahmah Jehovah oonje nindooning: kuhya ningahwahwezhanemah anduhzhe bahtuhyeïnwaud ahnishenahbag.

³⁰ Tahnebahwe emuh ookechenikaung owh katemahgezid: chebemahjeäud oonje enewh wahnahneboomegoojin.