PSALMS 108 - Ottawa New Testament Penteteuch and Psalms 1874

¹ Nemushkahwedaä, O Kesha‐Muhnedoo nemushkahwedaä: ningahnuhgoom kuhya ningahmuhtwawajega kuhya keen nepezhegandahgoozewin.

² Kooshkoozin nemahtwawajegun: kuhya neen keche‐kekezhab ningahkooshkooz.

³ Kegahmahmooyahwahmin Jehovah anduhzhe‐ahyahwaud mayug‐ahnishenahbag: kegahmahmooyahwahmin anduhzhe‐ahyahwaud ahnooj‐azheweenzoojig ahnishenahbag.

⁴ Kecheähpeetandahgwud mah keshahwanjegawin oonje kecheishpeming: kuhya kedabwawin dabishkahmahgud emuh ahnuhquudoong.

⁵ Ahwahshema keche‐ishpandahgoozin dush ween kezhig, O Kesha‐Muhnedoo: kuhya ahwahshema kepezhigandahgooz dush ween uhkee.

⁶ Chebemahjeïndwah egewh suhyahgeüdjig: bemahjeëshenaum kekecheneenj ahyooyaun, kuhya nahquatuhweshin.

⁷ Kesha‐Muhnedoo kekekedoo emuh oopeenahdezewining: mesuh kaöonjemahmauzhetwahyaun kuhya kamahdahookeyaun Shechem, kuhya katebahahmaun Suhcooth anduhzhe pahsuhdenaug.

⁸ Neen suh nindebandaun Gilead, kuhya Manasses ninduhkeem ahwun: kuhya Ephraim ahwun wanje‐mushkahwezemahguk nishtequaun: Judah netebahkoonega‐weneneem ahwe;

⁹ Moab nekesebegine‐mukkukoom ahwe; oogijeëëe Edoming ningahsahgejewabenaun nemukkissinim: oonje Philistia ningahmoojegiz.

¹⁰ Ahwanan kapeendeguhzhid emuh swaungung oodanaung? ahwanan kakekenooähmahwid chepeendegayaun emuh Edoming?

¹¹ Kah nuh ween keen kegahdoodunse, O Kesha‐Muhnedoo, keen kahwabeneyaungoobun? keen, O Kesha‐Muhnedoo, kahpoone‐weedookahwudebuneeg neshemahgunisheminahnig kenundoobunewaud?

¹² Nahdahmahweshenaum uhyahnemezeyaun goon: kah mah ningood enahbuttussenene oonahdahmahgawin owh enene.

¹³ Oonje weedookoonung Kesha‐Muhnedoo kegahkeche‐mahmauzhetwahmin: ween mah ahwe owh katahtuhkookahnaud enewh shaunganemeyungenejin.