PSALMS 107 - Ottawa New Testament Penteteuch and Psalms 1874

¹ Mahmooyahwahmik Jehovah, Kesha‐wahdezhe mah: kahgenig mah duhgoomahgudene ooshahwanjegawin.

² Mesuh kaëkedoonid enewh Jehovah kahbemahjeahjin: enewh kahekoonahjin oonje ooneenjewaung egewh shaunganjegajig.

³ Oogemahwunzoomaun oonje wahsuhwakummig: ewede wahbunoong kuhya apungeshemook kuhya kewadinoong kuhya keche‐gummeeng.

⁴ Kepahpahduhnezewug emuh buhgwuhduhkummig kahahnishenahbakahsenook: kah dush oogemekunsenahwah oodanah kaöodatoowaud.

⁵ Kepukkuddawug kuhya kekishkahbahgwawug: kenoondashinoog.

⁶ Kuhya oogenuhnaundoomahwaun enewh Jehovahun emuh ooketemahgezewinewaung: kuhya oogekediskeëgoowaun enewh oonje oodahnemezewinewaun.

⁷ Kuhya oogesuhgahbegenaun emuh quuhyuk meekunaung: chetuhgweshenenid emuh oodanaung kaöodatoonid.

⁸ Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwejegunun kahdoodahwaud enenewug oonejahnesewaun.

⁹ Oogetabesineäun mah enewh nandooduhmahganejin oojechaugoomaun: kuhya ootabeäun pakuddanejin oojechaugoomaun ewh kesha‐wahdezewin.

¹⁰ Egewh anduhnuhkeejig emuh akoo‐kushketebekuk kuhya emuh neboowine ahgahwahtashemoowining: minjemahpenahwug emuh ketemahgezewining kuhya pewahbikoong.

¹¹ Oonje kemegahduhmoowaud oodekedoowinun owh Kesha‐Muhnedoo: kuhya kebahpenoodahmoowaud ookuhgequawin owh mahyahmahwe‐ishpandahgoozid.

¹² Mesuh kahoonjemegooshkahjedaääud enewh: kepungeshinoog, kah dush oogeweedookahgoosewaun ahweyah.

¹³ Emuh dush oodahnemezewinewaung oogeoonjenuhnaundoomahwaun Jehovahun, oogebemahjeëgoowaun edush oonje ooketemahgezewinewaung.

¹⁴ Akoo‐kushketebekuk kuhya neboowine ahgahwahtashemoowining oogeöonjesahgechewenaun: kuhya oogepuhkishkahmahwaun oominjemahpechegunewaun.

¹⁵ Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwechegunun kahdoodahwaud enenewug oonejahnesewaun.

¹⁶ Oogepegoonaunun mah enewh oozahwahbikoo‐keche‐ishquaundamun; kuhya oogekishkezhaunun enewh pewahbikoo ahbahpahkuhegunun.

¹⁷ Egewh kahkebahdezejig ketemahgeëdezoowug: oonje oobahtahzewinewaun kuhya oonje oomujje‐ezhechegawinewaun.

¹⁸ Ookuhgwahnesuggandahnahwah ahnoonj doowah meejim: kuhya pashoo oonaunzekahnahwah neboowine‐ishquaundamun.

¹⁹ Oonuhnaundoomahwaun enewh Jehovahun magwah ahnemezewaud: oogebemahjeëgoowaun dush oonje oeketemahgezewinewaung.

²⁰ Oogeöodissegoonahwah dush oodekedoowin, oogenoojemooëgoonahwah dush: kuhya kekediskenahwug oonje oonuhneezahnezewinewaung.

²¹ Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwejegunun kahdoodahwaud enenewug oonejahnesewaun.

²² Kuhya oogahpuggedenahnahwah mahmooyahwawine puggejegawinun: kuhya emuh moojegezewining oogahdebahdoodaunahwah oodahnookewinun.

²³ Egewh nahwuhgaum kechegummeeng azhahjig emuh nahbequauning: kuhya pabahahnookeejig oogedebeeg keche‐kechegummeeng.

²⁴ Oowahbundahnahwah oodahnookeewinun owh Jehovah: kuhya oomahmaundahwejegunun emuh keche‐kechegummeeng.

²⁵ Ween mah kuhgaundwa; mesuh wanjekechenooding: kuhya wanje keche‐maungaushkaug.

²⁶ Ishpeming anuhkuhkayah oombishkahwug, menuhwah dush nesuhyeëe ezhahwug: ningezoowun oojechaugoowaun oonje sagezewaud.

²⁷ Ahyahzhahgoomasawug kuhya kooshkooshquasawug debishkoo kawushquabid enene: kuhkenuh mahjahmahgudene oonebwahkahwinewaun.

²⁸ Me uhpe nuhnaundoomahwaud Jehovahun magwah ahnemezewaud: oodekoonuhmahgoowaun enewh oodahnemezewinewaun.

²⁹ Enahkoonega cheïshquahyahgummesag: mesuh wanje aunwahwawayaushkaug.

³⁰ Minwanduhmoog dush ewh aunwahting: mesuh azhewenaud emuh ahgoomoowining wahezhahwaud.

³¹ Mahnoo enenewug oodahwahwezhanemahwaun Jehovahun oonje ooshahwanjegawin: kuhya oonje oomahmaundahwejegunun andoodahwaud enenewug oonejahnesewaun.

³² Oogahishpandahgooähwaun emuh anduhzhe‐mahoonjeëdewaud ahnishenahbag: kuhya oogahmahmooyahwahmahwaun emuh anduhzhe mahoonjeëdewaud egewh katezejig.

³³ Oodezhetoonun enewh seebeen chepuhgwuhduhkummegaug: kuhya enewh tuhkebeen chepangookummegaug.

³⁴ Wanesheshing uhkee cheshewetahgunewung: oonje oomujje‐ezhewabezewinewaun egewh waduhkeemejig.

³⁵ Oodaunjetoon puhgwuhduhkummig chenebewung: kuhya pangookummegaug uhkee chetuhkeebewung.

³⁶ Ooduhnuhkeeäun enewh pakuddanejin emuh: cheöozhetoonid oodanah kaöodatoonid.

³⁷ Cheöozhetoonid ketegaunun kuhya cheketegahduhmenid enewh shoowemine‐ketegaunun: cheöonjekeche‐menewung uhkee.

³⁸ Oogeshahwanemaun enewh cheöonjekeche‐meshenoonid: kah dush oogepuggedenemahseen enewh oodahwahkahnewaun cheneboonid.

³⁹ Nahguj kepungeshawuggezewug, kuhya kedahbusseähwug: oonje kooduggetoowin ketemahgezewin, kuhya kushkanduhmoowin.

⁴⁰ Oogedahbussanemaun enewh oogemaun: kuhya keënahkoonega chepahbahduhnezenid emuh puhgwuhduhkummig, emuh kemeekunahwunsenook.

⁴¹ Pooch ishpeming oodahsaun enewh katemahgezenejin cheïshquahketemahgezenid: kuhya oomeshenooäun enewh debishkoo mahnishtahnishun.

⁴² Egewh manoo‐ezhewabezejig oogahwahbundahnahwah kuhyah tahmoojegezewug: kuhya tahishquahkekedoomahgud mujje‐ezhewabezewin.

⁴³ Ahwanan nabwahkaud, kuhya kanahnahgahdahwandung oonoo uhyeëen? ahwanan quuhyuk kanahnahgahdahwandung Jehovah ooshahwanjegawinun?