PSALMS 106 - Ottawa New Testament Penteteuch and Psalms 1874

¹ Hallelujah, O mahmooyahwahmik Jehovah oonesheshe mah: kahgenig edush duhgoomahgudene ooshahwanjegawin.

² Ahwanan katawahweendung oomahmaundahwejegunun owh Jehovah? ahwanan kawahweendung kuhkenuh oowahwezhanemegoowinun.

³ Shahwandahgoozewug egewh ganuhwandungig quuhyuk‐wahdezewin: kuhya owh quahyuk‐ezhechegad kahgenig.

⁴ Mequanemeshin O Jehovah ewh azheshahwanemudwah kedahnishenahbamug: petuhmooweshin kebemahjeëwawin.

⁵ Chewahbunduhmaun oomenoo‐ahyahwinewaun egewh kagegenudjig: kuhya cheweejemoojegezemugwah kedahnishenahbamug, kuhya cheweejmuhmequahzoomugwah egewh tabanemudjig.

⁶ Ningeweedookahwahnahnig noosenahnig kemujje‐ezhechegayaung: kuhya ningekuhkebahjechegamin, kagate ningekeche‐mujje‐ezhechegamin.

⁷ Noosenahnig kahween oogebahmanduhsenahwah kemahmaundahwejegunun emuh Egypting, kahween oogemequanduhsenahwah ashenukkeshahwanjegawinun: oogenishkeähwaun ewede kechegummeeng, aahe ewede misquahgumme‐kechegummeeng.

⁸ Oogebemahjeäun dush oonje tebenuhwa oodezhenekahzoowin: chekekanjegahdanig oomushkahwezewin.

⁹ Oogenuhneebekindaun ewh mishquahgumme‐kechegummee, chepangookummegaug: kuhya oogebemoosaäun emuh kechegummeeng debishkoo puhgwuhduhkummig.

¹⁰ Oogemetahgwanemahwaun ooneenjene enewh shaunganemegoowahjin: kuhya oogebemahjeäun oonje ooneenjene enewh mahgahnegoowahjin.

¹¹ Egewh shaunganjegajig oogemooshkuhoogoonahwah nebee: kahween kuhnuhga pazhig keïshkoonahse.

¹² Oogedabwatahnahwah oodekedoowinun: oogemahmooyahwahmahwaun emuh nuhguhmoowining.

¹³ Waweeb edush oogeönandahnahwah oodezhechegawinun: kahween oogebeetoosenahwah ookuhgequawinun.

¹⁴ Kenunduhwanduhmoog mujje‐nunduhwanduhmoowin emuh puhgwuhduhkummig: kuhya oogekuhgwatebanemahwaun Kesha‐Muhnedoon ewede.

¹⁵ Oogemeenaun dush ewh kahnunduhwanduhmoowaud: kuhya oogepuhgedenuhmoowaun pahkahkoodoozoowin emuh oojechaugoowaung.

¹⁶ Kuhya oogekahwaähwaun Mosesun emuh kuhbashewining: kuhya Aaronun enewh Jehovah kahahnoonahjin.

¹⁷ Ketahwunemahgud uhkee, keäumwah dush Dathan: kuhya keähgwahnahwahwun Abiram oodooshkenegemun.

¹⁸ Kesuhketa dush kahduhzhemahoonjeëdewaud: kechahgahkezwahwaug kuhkenuh egewh maje‐ezhewabezejig.

¹⁹ Oogeöozheähwaun pezhekeensun emuh Horebing: kuhya oogeshahgushketahwahwaun nangahbekezoonejin muzzenechegunun.

²⁰ Oogemuhmashkoodoonahwah oopezhegandahgoozewinewaun: keöodahpenahmoowaud oodezhenahgoozewin owh pezhekee mahjid mezhushkoon.

²¹ Oogewuhnanemahwaun Kesha‐Muhnedoon kahbemahjeëgoowahjin: kahmahmaundahwejeganejin emuh Egypting.

²² Mahmaundahwechegunun emuh Ham ooduhkeeming: quatahmegwukkin emuh misquahgumme‐kechegummeeng.

²³ Kesha‐Muhnedoo keëkedoo chewenesaud enewh: kishpin nebahwesigebun Moses anahsuhmenid chepoonekedahzoäud chenesahsenig ahnishenahban.

²⁴ Kahween keënanduhsewug chepeendegawaud emuh manwahbuhmenahgwuk uhkeeng; kah dush oogedabwatuhsenahwah oodekedowin.

²⁵ Oogemindahwahwaun emuh oowegewaumewaung: kah dush oogebezinduhsenahwah oodinwawin owh Jehovah.

²⁶ Oogezhebeneenjetuhwaun enewh: oogekahwishkakwaun emuh buhgwahduhkummig.

²⁷ Kuhya oogekahwishkahwaun enewh oonejahnesewaun magwa‐mahyug‐ahnishenahbakaug: kuhya oogesuhswashkahwaun emuh uhkeeng.

²⁸ Oogeweedookahwahwaun Baal‐peorun: kuhya oogemeejenahwah chebuy sahsahgewejegunun.

²⁹ Oogenishkeähwaun oonje kemujje‐ezhewabezewaud: kuhya oogeöodissegoonahwah mujje‐ahkoozewin.

³⁰ Medush uhpe kepuhsegweed Phinehas kuhya kenahneboonga: medush keïshquahsamahguk ewh mujje‐ahkoosewin.

³¹ Mesuh kahoonjeminwandahgoozid: menik kaähneka‐bemahdezing kahgenig kuhya kahgenig.

³² Kuhya oogenishkeähwaun ewede megahdeseebeeng: keähnemeze suh Moses oonje oodezhewabezewinewaun.

³³ Oogeähzhedakahwahwaun mah enewh oojechaugwun: kekuhkebahjekezhwa oonje oodooning.

³⁴ Kahween oogebahnahjeähsewaun mayug‐ahnishenahban: debishkoo kahegoowaud Jehovahun.

³⁵ Oogeweedegamahwaun dush enewh mayug‐ahnishenahban: kuhya oogekekenoowahbundahnahwah dush oodezhechegawinewaun.

³⁶ Oogeähnuhmeätuhwahwaun oomuzzenenemene: mesuh kenuhgwahnegoowaud enewh.

³⁷ Aahe oogemeenahwaun mujje‐muhnedoon: oogwissewaun kuhya oodahnissemewaun wezowene.

³⁸ Kuhya oogesegwabenahnahwah maje‐ezhewabussenook misquee: oomisqueemene oogwissewaun kuhya oodahnissewaun: kesahsahgewenahwaud Canaaning duhzhe muzzenejegunun; keweenejegahda dush uhkee oonje misquee.

³⁹ Oogeweeneëgoonahwah tebenuhwa oodezhechegawinewaun: kuhya kepezhegwahdezewug oonje tebenuhwa oodezhechegawinewaun.

⁴⁰ Jehovah dush oogekeche‐nishkanemaun enewh oodahnishenahbamun: kuhya oogekuhgwahnesugganemaun enewh tabanemahjin.

⁴¹ Oogepuggedenaun dush emuh ooneenjening enewh mayug‐ahnishenahban; kuhya oogeöogemahkundahgoowaun enewh shaunganemegoowahjin.

⁴² Oogemujje‐doodahgoowaun enewh shaunganemegoowahjin: kuhya oogemahmauzheëgoonahenewh ooneenjene enewh mahgahnegoowahjin.

⁴³ Nuhningim oogebemahjeëgoowaun Kesha‐Muhnedoon: menuhwah dush oogenishkeähwaun apeech kuhkebahdezewaud: kuhya keketemahgezewug oonje oomujje‐ezhewabezewinewaun.

⁴⁴ Pooch oogewahbundaun ooketemahgezewinewaun: uhpe kahnoonduhwaud muhwenid.

⁴⁵ Kuhya oogemequanduhmoowaun oowahweendahmahgawin: kuhya keäunwanindezoo ashenudenig ooshahwanjegawinun.

⁴⁶ Kuhya keënahkoonega cheshahwanemegoowaud: kuhkenuh enewh kahtuhgoonegoowahjin.

⁴⁷ Bemahjeëshenaum Jehovah ne‐Kesha‐Muhnedoomenaun kuhya mahwunzoomeshenaum oonje mayug‐ahnishenahbakaug: cheöonjewahwezhanduhmaung pahnuk kedezhenekahzoowin, kuhya chemahmequahduhmaung kemahmooyahwuhmegoowin.

⁴⁸ Tahmahmooyahwuhmah Jehovah Israel oo‐Kesha‐Muhnedoomun, kahgenig uhpena kahgenig: kuhkenuh ahnishenahbag tahekedoowug. Amen. Hallelujah.