PSALMS 105 - Ottawa New Testament Penteteuch and Psalms 1874

¹ O Mahmooyahwahmik Jehovah, nuhnaundoomik: weenduhmahwik ahnooj‐azheweenzoojig ahnishenahbag oomahmaundahwejegunun.

² Nuhguhmootuhwik muhtwawatuhmahwik muhtwawajegun: nahnahgahdahwanduhmook kuhkenuh oomahmaundahwechegunun.

³ Moojegezeyook oonje pazhegandahgwudenig oodezhenekahzoowin: tahmoojegedaäwug egewh nandoonawahjig Jehovahun.

⁴ Nundoonaöok Jehovah kuhya oomushkahwezewin: nunduhwahbunduhmook ooshkinzhegoon kahgenig.

⁵ Mequanduhmook oomahmaundahwejegunun kahmahmaundahwechegad: oomahmahmaundahwejegunun kuhya enewh tebahkoonegawinun oodooning wanje‐bahmahgukkin.

⁶ O kenuhwah wanejahnesemenag Abraham oobuhmeetahgunun: kuhya wagwissemenag Jacob kenuhwah kageginenag Jehovah.

⁷ Jehovah keKesha‐Muhnedoomenaun ahwe: anegookwaug uhkee ahyahmahgudoon ootebahkoonegawinun.

⁸ Kahgenig oogemequandaun oowahweendahmahgawin: kuhya ewh ekedoowin kahenaud metauswauk duhching kaähneka‐bemahdezenejin.

⁹ Ewh kahoozhetoomahwaud Abrahamun: kuhya kahwahweenduhmahwaud Isaacun.

¹⁰ Oogeühyeenjesittoomahwaun Jacobun oodenahkoonegawin: kuhya Israelun ookahgega‐wahweendahmahdewin.

¹¹ Oo‐oo keënaud, Kegahmeenin Canaaning duhzhe uhkee: cheähpechedebandahmun.

¹² Magwah kayahbe kepungeshawuggezewug: kuhya kemahyahdahwezewug emuh uhkeeng.

¹³ Uhpe kebahbahwahbuhmahwaud pukkaun asheweenzoonejin ahnishenahban: kuhya kepahbahoodittahmoowaud pakaunukkin oogemahwewinun.

¹⁴ Kahween oogepuggedenahseen chemujje‐doodahgoowaud ahweyah enenewun: kuhya oogenuh neebikemaun keche‐oogemaun wenuhwah oonje.

¹⁵ Kagoo taungenahkagoon egewh kahnuhmuhkoonuggig: kagoo dush mujje‐dodahwahkagoon nindaunwahjega‐wenenemug.

¹⁶ Kuhya keënahkoonega chepukkuddakummegaug ewede uhkeeng: kuhya oogebahnahjetoon ewh meejim kahahpanemoowaud.

¹⁷ Oogenegaunahzhahwaun enenewun: keähwah-kauneäh Joseph.

¹⁸ Oogemahmaunjekoosittabenahwaun: oogeähsahwaun dush enewh oojechaugwun emuh pewahbikoong.

¹⁹ Nahnauzh kedebishkoosanig oodekedoowin: oogekuhgwajekekanemegoon Jehovah oodekedoowin.

²⁰ Owh keche‐oogemah keähnookee chenahnemind: oogepuggedenegoon enewh wagemahkundemenejin oogemahwewinun.

²¹ Oogeähnoonegoon dush enewh cheöogemahkundung oowegewaumun: kuhya cheguhnuhwandung kuhkenuh ootebenuhwawezewinun.

²² Cheminjemahpenaud enewh oodoogemaunsemun uhpe anandung: kuhya chenebwahkahaud enewh katezenejin oomezhenahwamum.

²³ Mesuh Israel kahoonjepeendegad emuh Egypting: kuhya Jacob keähpeduhneze emuh Ham ooduhkeeming.

²⁴ Kesha‐Muhnedoo dush oogekeche‐meshenooaun enewh oodahnishenahbamun: kuhya oogeëzheaun ahwahshema chemushkahwezenid dush ween enewh shaunganemegoowahjin.

²⁵ Oogeëzhedaääun chesheenganemahnid enewh oodahnishenahbamun: kuhya chewuhyazhemahnid enewh oobuhmeetahgunun.

²⁶ Oogeëzhenahzhahwaun Mosesun oobuhmeetahgunun: kuhya Aaronun enewh kahkuhgegenahjin.

²⁷ Oogewahbundahaun enewh ahnishenahban ookekenoowahjechegunun: kuhya oomuhmaundahwejegunun emuh Ham ooduhkeeming.

²⁸ Oogepuggedenaun puhsuhgishkenahmoowin, kekushke‐tebekud edush: kah dush oogeähzhedakahsenahwah oodekedoowin.

²⁹ Oogemisquewissetoonun kuhkenuh oonebemewaun: kuhya oogenesaun gegooyun emuh ooduhkeemewaung kahahnejin.

³⁰ Kemuhkukkeekah emuh ooduhkeemewaung: emuh andahnid enewh ookeche‐oogemahmewaun.

³¹ Kekekedoo, kepetuhgwishenoog dush ahnooj doowug suhgemag: kuhya ahkoojeeshug emuh anegookwahnig ooduhkeemewaun.

³² Kahween kekemwunsenoon kesasagun atuh: kuhya ishkoota kepungesin emuh ooduhkeemewaung.

³³ Oogebahnahjetoomahwaun ooshooweminahgahwunzhemewaun kuhya oofigeminahgahwunzhemewaun: kuhya oogeboogooshkahwaun metigoon emuh ooduhkeemewaung.

³⁴ Kekekedoo, medush kepetuhgwishenoowaud egewh ahtissahwuhyasheyug: kuhya keche‐nebewah pahpuhkinag.

³⁵ Oogekedahnahwah dush kuhkenuh mezhushkoon emuh ooduhkeemewaung: kuhya oogemeejenahwah kuhkenuh mahyahjegingin emuh ooduhkemewaung.

³⁶ Kuhya oogenesaun kuhkenuh netumoojaunun emuh ooduhkeemewaung: enewh mahyahmahwe‐mushkahwezenejin oonejahnesewaun.

³⁷ Oogesahgejewenaun enewh kegegezemoowaud shooneyah kuhya oozahwah shooneyah: kah dush kuhnuhga ahweyah keshahgwewese andahnid ahnooj azheweenzoonejin oodahnishenahbamewaun.

³⁸ Keminoowahnegwanduhmoomahgud Egypt uhpe kamahjahwaud: oogekoosegoowaun mah enewh ewede anduhnuhkeenejin.

³⁹ Oogepuhduhquahnahwaun ahnuhquud: kuhya oogeoozhetoon ishkoota chewahsashkahgoowaud tabekudenig.

⁴⁰ Oogenundoodahmahgoon enewh ahnishenahban, medush kahoonjepuggedenaud penawun: kuhya ketabesineäud ishpeming duhzhe buhquazhegun.

⁴¹ Oogepahkissetoon ahzhebik, medush keöonjejewung nebee: kepemejewun emuh pangookummegaug, debishkoo seebeeng.

⁴² Oogemequandaun mah ookechetwah‐wahweendahmahgawin: kuhya oogemequanemaun Abrahamun oobuhmeetahgunun.

⁴³ Emuh moojegezewining oogeëzhesahgejewenaun enewh oodahnishenahbamaun: kuhya enewh kahkuhgegenahjin emuh bahpenanduhmoowining.

⁴⁴ Oogemeenaun dush ooduhkeemewaun egewh mayug‐ahnishenahbag: kuhya oogeöodahpenahnahwah oodahnookeewinewaun egewh ahnishenahbag wenuhwah tebenuhwa chetebanduhmoowaud.

⁴⁵ Cheöonjeguhnuhwanduhmoowaud ootebahkoonegawinun: kuhya chemeekinduhmoowaud ookuhgequawinun. Hallelujah.