PSALMS 104 - Ottawa New Testament Penteteuch and Psalms 1874

¹ Mahmooyahwahmow Jehovah, O ninjechaug, O Jehovah, neKesha‐Muhnedoom ahpechekekechetwahwandahgooz: kegepesekaunun kechetwah‐wandahgoozewin kuhya keche‐oogemahwandagoozewin.

² Kedahgwin wahsayahzewin debishkoo pesekoowahguning: keduzhwagahgoodoon kezhig debishkoo kebuhgoojeguning.

³ Owh wuhyahkahegad emuh nebeeng: oopahbahmebahegoonun enewh ahnuhquudoon, kuhya oopemoomegoon noodin.

⁴ Oodahbujjeäun enewh oodangenemun debishkoo anahbuttuk noodin: kuhya enewh oobuhmeetahgunun debishkoo ishkootang.

⁵ Oogeminjemoosetoon uhkee: wekah chemahmahjesamahgussenook.

⁶ Kegepesekoonaun ewh kechegummee: debishkoo ahgwewining: ahwahshema ishpekahbahwewug egewh tegoowug dush ween wahjewun.

⁷ Oonjenuhnebikemudwah keöozhemoowug: oonje noondahgoozid kedahnemikeem waweeb kemahjahwug.

⁸ Ahmujjewawug emuh wahjewing, kuhya nesahkewawug emuh pahsuhdenaug: ewede kahwahwazhesittooyun cheähyahwaud.

⁹ Kegeöozhetoon kekenoowahjechegun kapeëzhah sigwah: menuhwah chemooshkuhunsenook oomah uhkeeng.

¹⁰ Enahkoonega enewh seebeen cheëzhetikwa yaung emuh pahsuhdenaug: ezhejewunoon emuh ashpahdenaug.

¹¹ Mesuh wanje‐menequawaud kuhkenuh egewh ketegauning duhzhe ahwaseeyug: mesuh anduhzhe‐menuhindwah egewh puhgwujje‐mamaungeshag.

¹² Oogijjuhyeëe ahyahwug kezhigoong duhzhe penasheüg: noondahgoozewug nahwuhyeëeng wahtikwunewaud metigoog.

¹³ Kesha‐Muhnedoo oonesahbahwahtoonun enewh wahjewun oonje oodahbenahsoowining: uhke mooshkenamahgud azhemenewemahguk kedahnookeewinun.

¹⁴ Mesuh wanje‐mahjegemahguk mezhushkoon kameejewaud ahwahkaunug kuhya mushkoosew kaähbuhjjetood enene, chenetuhwugging buhquazhegun uhkeeng oonje.

¹⁵ Kuhya shooweminahboo kaöonje‐moojegedaäd enene: kuhya pemeda wanje‐minwahbuhmenahgoozid kuhya buhquazhegun kaöonje‐soongedaäd enene.

¹⁶ Kechenebewewun Jehovah oometigoomun: Lebanoning duhzhe kezhikug enewh Jehovah kahpuhdukkenahjin.

¹⁷ Mesuh anduhzhe oosuhswunewaud egewh penasheyug: owh ahjechauk duhneze emuh shingwaukoong.

¹⁸ Ashpahdenaug ezhenezhemoowug egewh puhgwuj meshahboozoog: kuhya egewh wahpoozoog emuh ahzhebikaung.

¹⁹ Oogeähsaun enewh tebeke‐keezisoon chekekenoowahduk kekenoonoowin: kezhike‐keezis kekanjega uhpe kapungeshemood.

²⁰ Kedenahkoonega chepuhsahgishkaug mesuh wanjetebekuk: uhpe puhbahmoosawaud egewh puhgwuj ahwaseeyug.

²¹ Mezhebesheensug missetahgoozewug weäumwahwaud bakahnezenejin: kuhya oonundoodahmahwahwaun Kesha‐Muhnedoo oomeejimemewaun.

²² Uhpe mwahkesad keezis pemekewawug: kuhya shingeshinoog emuh oowahzhewaung.

²³ Enenewug dush sahguhumoog cheähnookewaud: oodahnookeewinewaun peenish wanahgooshenig.

²⁴ Kagate keche‐bahtuhyeïnudoon kedahnookeewinun Jehovah: emuh nebwahkahwining kegeöozhetoonun kuhkenuh; mooshkena uhkee enewh ketebenuhwawezewinun.

²⁵ Ewh keche‐kechegummee mangeguhmaug: buhtuhyeïnwug bamoodajig emuh: agahsheëjig kuhya mandedoojig.

²⁶ Me ewede anuhkuhzhuhwamahguk enewh nahbequaunun kuhya owh Leviathan: kahoozheüd cheöodahmenood emuh.

²⁷ Kedahpanemegoog kuhkenuh oogoo: kedahshummaug dush uhpe dabishkoosanig cheähshummindwah.

²⁸ Kedahshummaug, oodoodahpenahnahwah dush: kepuhsahgeneenjin, tabesineähwug edush meejim.

²⁹ Kekahdoon kishkinzhikoon, megooshkahdanduhmoog: kemahmoon oonasawinewaun, ishquah‐nuhmoowug kuhya emuh ooweyuggussaëwaung ezhekewawug.

³⁰ Kepuggedenuhmahwaug kenasawin, mesuh wanje‐bemahdezewaud: kuhya nuhechegahda uhkee.

³¹ Mahnoo kahgenig tahpezhegandahgooze Jehovah: tahmoojegeze Jehovah emuh oodahnookeewining.

³² Ooguhnuhwahbundaun uhkee, nuhningishkahmahgud dush: ootaungenaunun enewh wahjewun mesuh buhquanag.

³³ Ningahnuhguhmootuhwah Jehovah menik kabemahdezeyaun: ningahmuhtwawatuhmoowah Jehovah ewh muhtwawajegun menik kabemahdezeyaun.

³⁴ Tahminwandahgwud suh nenahnahgahdahwanduhmoowin kaëzhenahnahgahdahwanemug: ningahmoojegezetuhwah Jehovah.

³⁵ Tahchahgenawug maje‐ezhewabezejig oomah uhkeeng: kakebahdezejig dush kahween kayaba tahahyahsewug: O ninjechaug wahwezhanim Jehovah: Hallelujah.