PSALMS 103 - Ottawa New Testament Penteteuch and Psalms 1874

¹ Mahmooyahwahmowh Jehovah, O ninje chaug: kuhya kachetwah‐wandahgwuk oodezhenekahzoowin oogahwahwezhanemegoon kuhkenuh peenjenuh neyowing atagin.

² Mahmooyahwahmow Jehovah, O ninjechaug: kagoo dush wuhnandunkan kuhkenuh ooshahwanjegawinun.

³ Owh wuhyabenuhmauk kuhkenuh kemujje‐ezhechegawinun: kuhya nwahjemooïk kuhkenuh kedahkoosewinun.

⁴ Owh bamahjeïk chebahnahdezesewun: owh tuhyabeïk enewh sahgeëwawinun kuhya kecheshahwanjegawinun.

⁵ Owh tabesineïk enewh wanesheshingin: mesuh wanje‐nuhechegahdag kedooshkenegewin debishkoo megezeeng.

⁶ Jehovah oomekindaun quuhyuk‐wahdezewin: kuhya oomenoo‐tebahkoonaun kuhkenuh enewh maje‐doodahwindenejin.

⁷ Oogewahbundahaun Mosesun enewh oomeekunun, kuhya oogewahbundahaun Israel oonejahnesun enewh oodezhechegawinun.

⁸ Jehovah suh shahwanjega kuhya ketemahganjega: zebishkahje‐kedahzoo kuhya keche‐netuhshahwanjega.

⁹ Kahween kahgenig tahnuhneebekingase: kah kuhya kahgenig oogahsahgetooseen oonishkahdezewin.

¹⁰ Kahween kegedoodahgoosenaun debishkoo anandahgwuk kemujje‐ezhewabezewinenahnin: kah dush kegetebahahmahgoosenaun debishkoo anandahgwuk kekuhkebahdezewinenahnin.

¹¹ Debishkoo ahwahshema kecheïshpaug kezhig dush ween uhkee; mesuh azhemushkahwezemahgudenig ooshahwanjegawin azheshahwanemaud enewh quasegoojin.

¹² Apeechaug ewede wahbunoong oonje apungeshemook: mesuh apeechaug kahwabenuhmoonung kemujje‐ezhewabezewinenahnin.

¹³ Debishkoo owh wanejahnesid enene azheshahwanemaud tebenuhwa oonejahnesun: mesuh Jehovah azheshahwanemaud enewh quasegoojin.

¹⁴ Ookekandaunun mah keyowenahnin: kuhya oomequandaun cheweyuggussaëweyung.

¹⁵ Enene dush debishkoo mushkoosewining ezhewabudenewun ookezhegudoomun: debishkoo ketegauning duhzhe wabegooning mesuh azhemahjegid.

¹⁶ Uhpe bwahtahnind ishquahahyah: kah dush kayahbe tahduhnezese anduhnezepun.

¹⁷ Kahgenig uhpena kahgenig Jehovah oogahshahwanemaun enewh quasegoojin: kuhya oogahmenoo‐doodahwaun enewh kaähneka‐negenejin.

¹⁸ Enewh ganuhwanduhmenejin oowahweendahmahgawin: kuhya enewh maquanduhmenejin ookuhgequawinun chemekinduhmenid.

¹⁹ Jehovah oogeähtoon oodoogemah‐wuhbewin ewede ishpeming kezhigoong: kuhya oodoogemahkunduhwaun kuhkenuh bamahdezenejin.

²⁰ Mahmooyahwahmik Jehovah kenuhwah oodangenemun ahyahweyag: kache‐mushkahwezeyag ganuhwanduhmag ookuhgequawinun: oonje bezinduhmag oodekedoowin.

²¹ Mahmooyahwahmik Jehovah kenuhwah waqueenooyag wabuhmeetahgunemenag: andooduhmag oodenanduhmoowin.

²² Mahmooyaywahmik Jehovah kuhkenuh kenuhwah oodahnookeewinun emuh kuhkenuh anegookwahnig oodoogemahwewin: mahmooyahwahmow Jehovah, O ninjechaug.