PSALMS 102 - Ottawa New Testament Penteteuch and Psalms 1874

¹ Jehovah bezindun ninduhnuhmeäwin: kuhya mahnoo kegahoodissegoon nindahnemetahgoozewin.

² Kagoo kahdoomahweshin kishkinzhegoon, uhpe katemahgezeyaun bezinduhweshin: uhpe nanaundoomenaunin waweeb nuhquatuhweshin.

³ Bahnahdudoon nekezhegudoomun debishkoo paquanag ishkoota: kuhya chahgahketanoon nekunun debishko omissheeng.

⁴ Bahnahjechegahda kuhya nebooda ninda debishkoo mushkoosewining: newuhnandum dush chemeejeyaun nebuhquazhegunim.

⁵ Apeech mahmahtwayaun: nekunun ahgooginoon emuh neshuhguhying.

⁶ Debishkoo azheähyaud ahjechauk emuh buhgwuhduhkummig nindezheähyah: debishkoo kookookoong puhgwuhduhkummig ayaud.

⁷ Nindahkahwaub kuhya nenezhekawiz debishkoo penasheens: oogeduhgummig namuhduhbid.

⁸ Nemujje‐kuhnoonegoog egewh shaunganemejig kuhpa kezhik: kemushkahwe‐wahweendahmahgawug wemujje‐doodahwewaud.

⁹ Ningemeejin peengwe debishkoo buhquazheguning: kuhya emuh nemenequawining neduhgoon aunun nesebeengwaün.

¹⁰ Oonje kenishkahdezewin: kegeöombenaun mah neyow kuhya kegeniswabenaun.

¹¹ Debishkoo ahgahwahtashemoowin wahungwahnahgwuk ezhewabud nebemahdezewin: nebooda dush neyow debishkoo mushkoosewining.

¹² Keen dush Jehovah kahgenig kegahnuhmuhdub: kuhya kegahmequanemegoo kahgenig kuhya kahgenig.

¹³ Kegahpuhsegwe, kegahshahwanemah Zion, uhpe dabishkoosag cheshahwanemud: uhpe tagwishenoomahguk quuhyuk kezhegud.

¹⁴ Kebuhmeetahgunug mah oosahgetoonahwahenewh ahsineen emuh atagin: kuhya oominwandahnahwah ewede duhzhe weyuggussa.

¹⁵ Egewh mayug‐ahnishenahbag oogahkootahnahwah Jehovah oodezhenekahzoowin: kuhya kuhkenuh uhkeeng duhzhe keche‐oogemaug oogahkootahnahwah kepezhegandahgoozewin.

¹⁶ Oonje Jehovah keöozhetood Zion; emuh oopezhegandahgoozewining keëzhenahgooze.

¹⁷ Oogebezindaun oodahnuhmeäwin owh katemahgezid: kah dush oogedahbussanduhseen oonundoodahmahgawin.

¹⁸ Tahoozhebeëgahda oo‐oo cheöonje‐kekanduhmoowaud egewh kaähneka‐bemahdezejig: kuhya ahnishenahbag kayahba kaöozheïndjig oogahwahwezhanemahwaun Jehovahun.

¹⁹ Ewede ishpeming anduhgoonig ookechetwahweguhmig keöonzahbe: kezhegoong dush Jehovah oogeöonzahbundaun uhkee.

²⁰ Chenoondung oomahmahdwawin owh kabahquahegahzood: kuhya chepuggedenaud enewh wahneboopuneen.

²¹ Chewahweendung oodezhenekahzoowin owh Jehovah emuh Zioning: kuhya oowahwezhanemegoowin emuh Jerusaleming.

²² Uhpe mahwunjeëdewaud egewh ahnishenahbag: kuhya oogemahwewinun chebuhmeetahwind Jehovah.

²³ Oogeshahgwewetoon nemushkahwezewin emuh meekunaung: oogetahquahtoon nebemahdezewin.

²⁴ Ningeëkid O neKesha‐Muhnedoom kagoo mahjeneshekan uhpe ahbetah atuh kebemahdezeyaun: keen mah kebemahdiz kahgenig ahpena kahgenig.

²⁵ Kuhyet kegeminjemoosetoon uhkee: kuhya keneenjeeng keöonje‐oozhechegahda kezhig.

²⁶ Tahbuhnahdudoon oonoo, keen dush ween uhpena kedahyah; debishkoo suh ahgwewining tahezhekata‐uhyeëewunoon.

²⁷ Kuhya debishkoo ookahnausemaung kegahezhetetebegenaun, kuhya tahquakesechegahdawun; keen dush ween pazhigwun kedezhewabezewin kuhya kekekenoonoowinun kah wekah tahishquahsasenoon.

²⁸ Kebuhmeetahgunug oonejahnesewaun uhpena tahduhnezewun: kuhya oomenewinewaun kahgenig tahduhgoomahgudene anahsuhmeyun.