PSALMS 10 - Ottawa New Testament Penteteuch and Psalms 1874

¹ Ahneeshwin wahsah nebooweyun, Oh Jehovah: ahneeshwin kahzooyun uhpe ahyahnemezeyaungoon?

² Owh majeëzhewabezid, apeech menahdanemood oonoosoonawaun enewh katemahgezenejin: mahnoo oogahwuhyazhemegoonahwah enewh wuhyazhingawiwun wenuhwah tebenuhwa kahoozhetoopuneen.

³ Muhmequahzoo mah owh maje‐ezhewabezid oonje azhenundahwanduhmoomahguddenig tebenuhwa ooda: tahshahwandahgooze, oodenaun enewh natahshoobezenejin, enewh Kesha‐Muhnedoo shaunganemahjin.

⁴ Owh maje‐ezhewabezid, apeech manwahdanemood, kahween oogahnundahkekanemahseen Kesha‐Muhnedoon emuh kuhkenuh oonahnahguhdahwanduhmoowining.

⁵ Moonzhug mujje‐ezhewabudenewun oodezhewabezewinun: oonzaum ishpeming ahtanoon ketebahkoonewawinun, kahween ootawahbunduhseenun; kahween nekoosahseeg, oodenaun enewh mahgahnegoojin.

⁶ Emuh oodaïng keëkedoo, kahween ningahmahmahjeëgoose: kahwekah ningahahnemezese.

⁷ Oodooning mooshkenamahgudene ewh mujje‐kekedoowin kuhya kuhkuhyanezewin kuhya wuhyazhingawin: ahnahme‐danewhing dahgoomahgudene mujje‐doodahgawin kuhya ewh kuhkebahdezewin.

⁸ Nuhmuhduhbe emuh anduhzhe‐kahzoowaud egewh kamoodishkejig; emuh keemoodezewining oonesaun enewh manoo‐ezhewabezenejin; keemooj oonunduhwahbuhmaun enewh katemahgezenejin chenesaud enewh.

⁹ Keemooj kahzoo debishkoo meshebesheeng emuh andaud: wetuhkoonaud enewh katemahgezenejin.

¹⁰ Ootuhkoonaun suh katemahgezenejin: enewh kahwekoobenahjin emuh oodahsubeeng.

¹¹ Shuhgushketah suh, oodahbussittoon weyow: chenesegoowaud egewh katemahgezejig enewh mashkahwezenejin oodooshkenegemun.

¹² Emuh oodaïng oo‐oo keëkedoo oogewahnandaun suh owh Kesha‐Muhnedoo: ahweengwabezoo kah wekah oogahwahbunduhseen.

¹³ Umba puhsegween Jehovah Nekesha‐Muhnedoom oombenun keneenj: kagoo oonanemahkan owh katemahgezid.

¹⁴ Ahneeshwin nesebahpenahdahwahwaud egewh majeëzhewabezejig enewh Kesha‐Muhnedoon? oodaïng mah keëkedoo, kahween kegahkuhgwaje‐kekanduhse.

¹⁵ Kegewahbundaun suh, kewahbundaun mah ewh mujje‐ezhechegawin kuhya mujje‐doodahdewin.

¹⁶ Cheähzhittahwahewayun ewh keneenj ahyooyun kepuggedenemaug owh katemahgezid ooweyow; keen mah kedow wahdookahwudwah egewh kahwezejig.

¹⁷ Poogookoobetuhmow owh majeëzhewabezid oonik; oondoonaün oomujjeëzhewabezewin nahnauzh mekunsewun gagoo.

¹⁸ Kahgenig keche oogemahwe owh Jehovah: ooduhkeeming kechahge‐bahnahdezewug egewh anuhmeähsigoog.

¹⁹ Jehovah kegebezindaun oonundoodahmahgawin owh agahsanemood kegahwahwazhetoonun oodaëwaun: kegahbezindahwaug ewh ketuhwug kaähyooyun.

²⁰ Chetebahkoonudwah egewh kahwezejig kuhya egewh maje‐doodahwindjig; menuhwah chemujje‐doodahgasig enene oomah uhkeeng.