PSALMS 1 - Ottawa New Testament Penteteuch and Psalms 18741 Kagate keche‐shahwandahgooze wah‐owh enene bamoosasig emuh ookuhgaundwawinewaung egewh maje‐ezhewabezejig, kuhya nahbahwesig emuh oomeekunahwaung egewh maje‐ezhechegajig; kuhya namuhduhbesig emuh oodahpuhbewinewaung egewh buhyahpenuhdungig ahnuhmeähwin. 2 Oominwandaun dush Jehovah ootebahkoonegawin kuhya oonahnahgahdahwandaun ootebahkoonegawin owh Kesha‐Muhnedoo tabekudenigin kuhya kahzhegudenegin. 3 Ezhewabeze debishkoo metik cheegahjewung padukkezood, owh manewid uhpe tabishkoosanig. 4 Kahween tahpeenahquese: nuhmunj edush anuhnookegwan tahmenoo‐ezhewabudene. 5 Kahween oo‐oo ezheähyahsewug egewh maje‐ezhewabezejig: debishkoo shegooshkahjegun azhesuhswawabahsechegahdag, me suh azheähyahwaud. 6 Mesuh kaöonjequuhyukookahbahwesigwah egewh maje‐ezhewabezejig emuh keche‐tebahkoonegawining: kuhya egewh maje‐ezhechegajig emuh kaduhzhe‐mahwunjeëdewaud egewh quuhyuk‐azhewabezejig. 7 Kesha‐Muhnedoo mah ookekandaun oodezhetwahwinewaun egewh manoo‐ezhewabezejig: oodezhetwahwinewaun dush ween egewh maje‐ezhewabezejig tabbuhnahdudene. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society