PHILIPPIANUN 4 - Ottawa New Testament Penteteuch and Psalms 1874

¹ Benuh dush, nejekewaëdoog kache‐sahgeënenuhgoog kuhya kache‐nunduhwanemenenuhgoog, nemoojegezewin kuhya nesuhsagah‐wewuhquaun ahyahweyag, oo‐oo ezhesoongekahbahweyook oonje owh Tabaningad, kache‐sahgeënuhgoog.

² Nenundahwanemah Euodia, kuhya nenunduhwanemah owh Syntyche, nahsaub cheënanduhmoowaud oonje owh Tabaningad.

³ Kepahgoosanemin dush kuhya keen quuhyuk nahyahdahmahweyun, weedookow oogoo equawug kahweedookahwejig emuh minwahjemoowining, kuhya owh Clement, kuhya ahnind kahnahdahmahwejig, egewh oodoonoozoowinewah wazhebeëgahdanig emuh bemahdezewine‐muzzeëguning.

⁴ Moojegezetuhwik moonzhug owh Tabaningad: menuhwah dush nindekid, Moojegezeyook.

⁵ Mahnoo kuhkenuh enenewug oogahkekandahnahwah kebakah‐bemahdezewinewah. Pashoo peähyah owh Tabaningad.

⁶ Kagoo oojahnemandunkagoon gagoo; ahnooj dush gagoo azhenunduhwanduhmagoon weenduhmahwik Kesha‐Muhnedoo emuh ahnuhmeähwining kuhya nundoodahmahgawining mahmahwe kuhya mahmooyahwuhmik.

⁷ Kuhya ewh oopezaunewawin owh Kesha‐Muhnedoo, ewh ahweyah katanesittootunsigoobun, kegahguhnuhwane-megoonahwah emuh kedaëwaung kuhya emuh kedenanduhmoowinewaung oonje owh Christ Jesus.

⁸ Ishquauj, nejekewaëdoog, wagoodoogwanun enewh uhyeëen duhyabwamahgukkin, wagoodoogwanun enewh uhyeëen quuhyuk‐azhewabukkin, wagoodoogwanun enewh uhyeëen manwandahgwukkin, wagoodoogwanun enewh uhyeëen pahnukkin, wagoodoogwanun enewh uhyeëen manwahbuhmenahgwukkin, wagoodoogwanun enewh uhyeëen manoo‐duhzhinjegahdagin; kishpin duhgoomahgudoogwan menoo‐ezhewabezewin, kishpin duhgoomahgudoogwan wahwezhanduhmoowin, me suh enewh kanuhnahgahdahwanduhmag.

⁹ Enewh uhyeëen, kahkekenooähmoonenuhgoogin kuhya kahoodahpenuhmahweyagoon kuhya kahenittahweyagoon kuhya kahwahbunduhmahweyagoon ezhechegayook; kegahweejewegoowah dush owh Kesha‐Muhnedoo mahgewad ewh pezaunewawin.

¹⁰ Ningekeche‐moojegezetuhwah dush owh Tabaningad, noongoom gaguhpe nayaub kebahbahmanemeyag; ewh ahnoo kebahbahmanemewagwan, kah suh gagoo kegekushketoosenahwah chemeezheyag.

¹¹ Kahween nindekedoose gagoo kemuhnazeyaun: ningeëzhekekenooähmahgoo muh nuhmunj azhewabezewaunan, chetabuhganemooyaun.

¹² Ninkekandaun muh kaëzheähgahsandahgooëgooyaun, kuhya nekekandaun kaëzhewahnuhdezeyaun: mezewa kuhya emuh kuhkenuh uhyeëeng nindezhekekenooähmahgoo chetabesineyaun kuhya chepuhkuddayaun, chewahnuhdezeyaun kuhya chemuhnazeyaun.

¹³ Nekushketoonun ahnooj gagoo cheëzhechegayaun oonje owh Christ mashkahwanduhmooïd.

¹⁴ Ahnahwe kegemenoo‐doodaum, keweedookahweyag uhpe katemahgezeyaun.

¹⁵ Benuh dush Philippianedoog kekanduhmoog kuhya kenuhwah, uhpe muhyahje‐kuhgequang ewh minwahjemoowin, uhpe Macedoniaïng kahoonje‐mahjahyaun kahween ningooche duhzhe anuhmeähjig ningeweedookahgooseeg ewh meegewang, kuhya oodahpenegang kenuhwah atuh.

¹⁶ Pooch egoo magwah keduhnezeyaun emuh Thessallonicaïng, ahbitting kuhya menuhwah kegepenindahewanahwah ewh kahmuhnazeyaun.

¹⁷ Kahween ahnahwe nenunduhwanduhseen ewh meenegoowin; me atuh chebahtuheënuk ewh meenewin kenuhwah oonje.

¹⁸ Kuhkenuh suh nindahyaunun, kuhya newahnuhdiz: nemooshkenashkahgoo, keöodahpenuhmahwug Epaphroditus enewh uhyeëen kahpenindahewayagoon, ewh kache‐menoomahgwuk, manwandahgwuk sahsahgewejegun, kaminwahbundung Kesha‐Muhnedoo.

¹⁹ Nekesha‐Muhnedoom suh kegahmeenegoowah kuhkenuh ahnooj gagoo manazeyagoon debishkoo ashenudenig oowahnuhdezewin emuh peshegandahgoozewining emuh Christ Jesusing.

²⁰ Mahnoo tahpeshegandahgooze owh Kesha‐Muhnedoo kuhya Koosenaun kahgenig uhpena kahgenig Amen.

²¹ Ahnemikahwik kuhkenuh egewh anuhmeähjig emuh Christ Jesusing, egewh wahjewuggig wejekewaëmaug kedahnemikahgoowaug.

²² Kuhkenuh egewh anuhmeähjig keduhnemekahgoowaug, mamwach egewh tabandahgoozejig emuh oowegewauming owh Cæsar.

²³ Mahnoo kuhkenuh kenuhwah kegahahyahnahwah ooshahwanjegawin owh Tabanemenung Jesus Christ. Amen.