PHILIPPIANUN 2 - Ottawa New Testament Penteteuch and Psalms 1874

¹ Kishpin anduhgoogwan gagoo menoodaäshkahgoowin emuh Christing, kishpin anduhgoogwan gagoo menoo‐daäshkahgoowin emuh sahgeëwawining, kishpin anduhgoogwan gagoo oomenoo‐weejekewaïndewin owh Keche Oojechaug, kishpin gagoo keshawahdezewin kuhya shahwanjegawin.

² Mooshkenatook nemoojegezewin, nahsaub cheënanduhmag, kuhya nahsaub chesahgeëdeyag, cheweedookahdahdeyag kuhya nahsaub cheënanindeyag.

³ Kahween gagoo tahoonje‐oozhechegahdasenoon emuh megahdewining gamuh emuh ahneshah muhmequahzoowining, emuh dush ahgahsanemoowining, anduhsheyag ahwahshema kegahminwanemahwaug pakahnezejig dush ween azheminwanindezooyag.

⁴ Kuhkenuh enenewug kahween oogahguhnuhwahbunduhsenahwah tebenuhwa ooduhyeemewaun, kuhkenuh dush oogahguhnuhwahbundahnahwah enewh pakahnezenejin ooduhyeemene.

⁵ Nahsaub enanduhmook, debishkoo kahenandung Christ Jesus:

⁶ Ween, Kesha‐Muhnedoong kahezhenahgoozid, kahween gagookatuhkoonegahdag keënanduhse cheKesha‐Muhnedoowandahgoozid:

⁷ Kepuggedenedezoo suh dush ningood cheähpeetandahgoozesig, keöodahpenuhmahzoo buhmeetahgun oodezhenahgoozewin, kuhya eneneeng keëzhenahgoozeäh.

⁸ Enene dush oodezhenahgoozewining keëzhemekuhwah, oogedahbussetoon weyow, oogenuhittaun dush ewh neboowin, me suh ewh ahzhedayahtikoo neboowin.

⁹ Me dush oonje Kesha‐Muhnedoo oogekechetwahweäun, oogemeenaun dush ewh oonoozoowin ahwahshema ashpandahgwudenig dush ween kuhkenuh oonoozoowinun.

¹⁰ Emuh Jesus oodoonoozoowining kuhkenuh cheöoje-cheengwunetuhmoowaud keche‐kezhegoong ayahjig, kuhya uhkeeng ayahjig kuhya ahnahmuhkummig ayahjig;

¹¹ Kuhkenuh wadanuhnewewejig bamahdezejig cheekedoowaud, Tebaninga owh Jesus Christ cheöonje‐ishpandahgooïnd owh Kesha‐Muhnedoo Wayoosemind.

¹² Benuh dush, suhyahgeënenuhgoog debishkoo moonzhug kahezhenuhittuhmag, kahween atuh magwah ahbeyaun, noongoom keche ahwahshema ahbesewaun, ahnookeetuhmoog tebenuhwa kebemahjeëgoowinewah emuh sagezewining kuhya nuhningishkahwining.

¹³ Kesha‐Muhnedoo muh ahwe owh anookeed emuh peenjenuh keyowewaung cheënanduhmag kuhya cheëzhechegayag debishkoo ween azheminwandung.

¹⁴ Dooduhmook kuhkenuh uhyeëen kuhnuhga nishkahje‐guhnoonindesewag kuhya kekaundesewag.

¹⁵ Chewuhsittahwandahgoozesewag kuhya chemujje-doodahgasewag, oonje oonejahnesemenag owh Kesha‐Muhnedoo, kuhnuhga mujje‐enanemegoosewag, emuh magwa ahyahwaud egewh majeëzhewabezejig kuhya kagaunzetungig bamahdezejig, magwa‐uhyeëeng kewahsayahzeem debishkoo ahnungoog oomah uhkeeng;

¹⁶ Wahbundahewayag ewh bemahjeëwawine‐ekedoowin, cheöonje‐moojegezeyaun uhpe ookezhegudoom owh Christ, ewh ahneshah kepemebuhtoosewaun, kuhya ahneshah keähnookeesewaun.

¹⁷ Aahe, kishpin sahsahgewejegang neyow ewh oonje ahnookeetuhmaun kedabwayanduhmoowinewah, nemoojegez, kuhya keweeje‐moojegezeminenuhgoog kenuhwah kuhkenuh.

¹⁸ Mesuh ewh nahsaub kenuhwah wanje‐moojegezeyag, kuhya wanje‐weeje‐moojegezemeyag.

¹⁹ Nindahpanemah suh owh Tabaningad Jesus wuhyebah cheëzhenahzhahuhmoonenuhgoog owh Timotheus, kuhya neen cheöonje‐menoodaäyaun, uhpe kekekanduhmaun ewh azheähyahyag.

²⁰ Kah muh ahweyah nindahyahwahse nahsaub enandung, kakeche‐nundahwanemenag chemenoo‐ahyahyag.

²¹ Kuhkenuh muh oonundahwandahnahwah tebenuhwa ooduhyeemewah, kahween ooduhyeemun owh Jesus Christ.

²² Kepuggukkanemahwah suh wah‐owh azhewabezid, ewh debishkoo wanejahnesemind andoodahwaud enewh oosun, ningeweej‐ahnookeemig emuh minwahjemoowining.

²³ Ween dush nindahpanim wuhyebah cheëzhenahzhahmoonenuhgoog, uhpe kekandahmaun kadezheähyahyaun.

²⁴ Nindahpanim weedookahwid owh Tabaningad wuhyebah chepeëzhahyaun kuhya neen tebenuhwa.

²⁵ Ningeënandum ewh nundahwandahgwuk cheëzhenahzhahmoonenuhgoog owh Epaphroditus nejekewa, kuhya owh wahdookahwid emuh nindahnookeewining, kuhya neeje‐shemahgunish, kenuhwah dush kahahnoonag, kuhya owh kahpeetahwid enewh manazeyaunin.

²⁶ Kegekeche‐nunduhwanemegoowah muh, kuhya kekeche‐kushkandum ewh, oonje kenoonduhmagoobun keähkoozid.

²⁷ Kagate keähkooze gagah wenebood: Kesha‐Muhnedoo suh oogeshahwanemaun; kahween ween atuh, kuhya neen suh ningeshahwanemik, koonemah ashkum nindahgekushkandum ahgwedum kushkanduhmoowining.

²⁸ Nahwuj dush wawane kedezhenahzhahahmoonenim, uhpe dush menuhwah wahyahbuhmag chemoojegezeyag, kuhya neen dush nahwuj punge chekushkanduhmaun:

²⁹ Oodahpenik dush oonje owh Tabaningad emuh kuhkenuh moojegezewining; kechetwahwanemik edush oogoo denoowug:

³⁰ Oonje muh oodahnookeewin owh Christ gagah kenebood, kah muh oogebahbahmanduhseen oobemahdezewin, chepuggedenung ewh buhmeetahgawin kenuhwah kahnoondasayag.