PHILIPPIANUN 1 - Ottawa New Testament Penteteuch and Psalms 1874

¹ Paul kuhya Timotheus, oobuhmeetahgunun Jesus Christ, oodoozhebeühmahwahwaun kuhkenuh anuhmeähnejin emuh Christ Jesusing ayahnejin ewede Philippiïng, mahmahwe enewh makuhdawekoonuhyan, kuhya wahdookahganejin makuhdawekoonuhyan:

² Mahnoo kegahahyahnahwah ewh shahwanjegawin, kuhya pezaunewawin, oonje Kesha‐Muhnedoo Koosenaun, kuhya oonje owh Tabaningad Jesus Christ.

³ Nemahmooyahwahmah Nekesha‐Muhnedoom duhshing maquanemenenuhgoogin,

⁴ Moonzhug duhshing anuhmeähyaunin, ahnuhmeätuhmoonenuhgoog kenuhwah kuhkenuh emuh moojegezewining,

⁵ Oonje ewh azheweedookahzooyag emuh minwahjemoowining uhpena goo netum kezheguk nahnauzh egoo noongoom;

⁶ Ahpeche enanduhmaun oo‐oo uhyeëe, owh kahmahjetaud ewh menoo‐ahnookewin emuh keyowewaung oogahkeezhetoon nahnauzh ookezhegudoom Jesus Christ:

⁷ Nahsaub azhequuhyukwuk oo‐oo cheënanemenenuhgoog kuhkenuh kenuhwah, kedahyahwenim muh emuh nindaïng; emuh suh netuhkoonegahzoowining, kuhya ewh kedebahdooduhmaun ewh minwahjemoowin kuhya kewahbunduhewayaun ewh azhedabwamahguk, kuhkenuh kenuhwah kemahdahoonegoom ewh neshahwandahgoozewin.

⁸ Nekekanemik suh Kesha‐Muhnedoo, menik keche‐sahgeënenuhgoog kenuhwah kuhkenuh emuh oonuggesheeng Jesus Christ.

⁹ Oo‐oo dush nindezheähnuhmeäh, kesahgeëdewinewah ashkum kuhya ashkum kayahbe chemesheenuk emuh kekandahsoowining kuhya emuh kuhkenuh nebwahkahwining;

¹⁰ Cheöonje‐minwanduhmag enewh uhyeëen wanesheshingin; chequuhyukwandahgoozeyag kuhya chewahsittahwandahgoozesewag nahnauzh egoo ookezhegudoom owh Christ;

¹¹ Chemooshkenashkahgooyag ewh quuhyuk‐ezhewabezewine menewinun ayaugin emuh Jesus Christing, chepezhegandahgooïnd kuhya chewahwezhanemind Kesha‐Muhnedoo.

¹² Nenunduhwandum dush chenesittootuhmag, nejekewaëdoog, enewh uhyeëen kahpuggummishkahgooyaunin ningeöonje‐puggummishkahgoonun ahwahshema chemushkahwezemahguk ewh minwahjemoowin;

¹³ Neminjemahpenegoowinun oonje owh Christ kekandahgwudoon emuh kuhkenuh anegookwaug keche‐oogemah‐weguhmig, kuhya emuh kuhkenuh ahnind wegewaumun;

¹⁴ Nahwuj nebewah dush egewh wejekewaëmaug oonje owh Tabaningad, soongedaäwaud oonje neminjemahpenegoowinun, nahwuj aunwahjewug chedebahdooduhmoowaud ewh ekedoowin kuhnuhga sagezesigwah.

¹⁵ Ahnind oodebahjemahwaun enewh Christun oonje keshahwanjegawaud kuhya netuh‐kekaungawaud; ahnind dush oonje minwanemewaud:

¹⁶ Egewh netum oodebahjemahwaun enewh Christun oonje ewh megahzoowin, kahween emuh dabwawining, enanduhmoowaud nahwuj chewesuggandahgwuk neminjemahpenegoowinun.

¹⁷ Egewh dush ahnind oonje sahgeëwawining, kekanemewaud ewh ahsigooyaun cheguhnuhwanduhmaun ewh minwahjemoowin.

¹⁸ Ahneen dush? nuhmunj azhekuhgeqwawahgwan, koonemah emuh ahnuhmeäkahzoowining, gamuh emuh dabwawining, pooch debahjemah Christ; me suh dush wanje‐minwanduhmaun, kuhya kaöonje‐minwanduhmaun.

¹⁹ Nekekandaun muh oo‐oo weähnookeemahguk chebemahjeëgooyaun oonje kedahnuhmeähwinewah, kuhya kameenegooyaun ooKeche Oojechaugwun owh Jesus Christ.

²⁰ Debishkoo azhekeche‐nunduhwanduhmaun, kuhya azheähpanemooyaun, kuhnuhga cheähgujjesewaun, emuh kuhkenuh soongedaäwining, debishkoo kahgenig, mesuh goo kuhya noongoom wekechetwahweïnd owh Christ emuh neyowing, kishpin bamahdezewaunan gamuh naboowaunan.

²¹ Neen dush bemahdezeyaun mesuh Christ: kuhya nebooyaun me suh ewh kaöondezeyaun.

²² Kishpin dush bemahdezeyaun emuh weyahsemaung, me suh ewh menewewung nindahnookewin: kah dush nekekanduhse wagoodoogwan kawuhwanahbunduhmoowaunan.

²³ Nahwuhyeëeng muh nindahyah neezh nunduhwanduhmoowinun, nunduhwanduhmaun chemahjahyaun cheweejewug dush owh Christ; ahwahshema minwandahgwud suh ewh:

²⁴ Ahnahwe dush cheduhnezeyaun emuh weyahsemaung ahwahshema nundahwandahgwud kenuhwah oonje.

²⁵ Oo‐oo suh enanduhmaun, nekekandaun oomah cheahyahyaun kuhya weweejewenuhgoog kenuhwah kuhkenah cheöonje‐mushkahwanduhmooyag kuhya chemoojegezeyag emuh dabwayanduhmoowining.

²⁶ Nahwuj chemeshenuk kemoojeganduhmoowinewah emuh Jesus Christing neen oonje menuhwah peöodissenuhgoog.

²⁷ Mahnoo ezhewabezeyook debishkoo azhewabezewahpun egewh dabandahgoozejig emuh oominwahjewoowining Christ: kishpin dush ezhahyaun chewahbuhmenuhgoog, gamuh kishpin ezhahsewaun, chenoonduhmaun ewh azhewabezeyag, chesoongekahbahweyag emuh pazhik oojechaugoomaung, emuh pazhik enanduhmoowining mahmahwe wekoojetooyag ewh minwahjemoowine‐dabwayanduhmoowin;

²⁸ Kuhnuhga ningood koosahsewagwah egewh shaunganemenagoog: me suh wenuhwah kaöonje‐puggukkanduhmoowaud webahnahdezewaud, kenuhwah dush ween webemahjeëgooyag, mamwach owh Kesha‐Muhnedoo oonje.

²⁹ Kenuhwah muh kemeenegoom oonje owh Christ, kahween atuh chedabwayanemag, kuhya dush chekooduggetooyag ween oonje;

³⁰ Ayahmag ewh nahsaub megahzoowin kahwahbunduhmag emuh neyowing, kuhya noongoom noonduhmag azhemegahzooyaun.