PHILEMONUN 1 - Ottawa New Testament Penteteuch and Psalms 1874

¹ Neen Paul, kabahquahegahzooyaun oonje Jesus Christ, kuhya Timotheus kejekewaënaun nemahjebeühmahwahnaun owh Philemon kache‐sahgeüngid enene kuhya wauj‐ahnookeemungid.

² Kuhya kache‐sahgeüngid nindahwamahnaun Apphia, kuhya Archippus wauje‐shemahgunishemungid, kuhya egewh anuhmeähjig ayahjig emuh kewegewauming:

³ Shahwanjegawin, kuhya pezaunezewin kegahahyahnahwah, oonje Kesha‐Muhnedoo Koosenaun kuhya owh Tabaningad Jesus Christ.

⁴ Moonzhug nemahmooyahwahmah neKesha‐Muhnedoom, wahweenduhmaun kedoonozoowin uhpe anuhmeähyaunin.

⁵ Noonduhmaun ewh kesahgeëwawin kuhya ewh kedabwayanduhmoowin, azhesahgeüd kuhya azhedabwayanemud owh Tabaningad Jesus, kuhya azhesahgeüdwah egewh anuhmeähjig.

⁶ Oo‐oo ezheähnuhmeätuhmoonaun, keweedookahzoowin emuh dabwayanduhmoowining chekekandahgwuk mushkahwezemahguk, cheöondenuhmag emuh Christ Jesusing kuhkenuh wanesheshingin kakishkahmagoon.

⁷ Nekeche‐moojegezemin kuhya nemenoodaämin oonje ewh kesahgeëwawin, oonje keche‐shahwanemudwah egewh anuhmeähjig, keen, wawejekewaëmegooyun.

⁸ Benuh dush, ahnahween goo enandahgoozeyaun cheneejewezeyaun oonje owh Christ chekuhgaunzoomenaunbaun ewh manwandahgwuk.

⁹ Ahwahshema neminwandum chepahgoosanemenaun oonje ewh sahgeëdeyung, neen Paul oonje uhkewanzeëweyaun, kuhya noongoom kabahquahegahzooyaun oonje Jesus Christ.

¹⁰ Kepahgoosanemin oonje Oonesimus ningwis, kahoogwissemug magwah kebahquahegahzooyaun.

¹¹ Owh kuhyet ningood anahbuttezesigoobun, buhmeetookebun, noongoom dush enahbutteze, buhmeetoonung keen kuhya neen.

¹² Mesuh owh kahkewa‐nahzhahwug; mahnoo oodahpin wah‐owh kache‐sahgeüg debishkoo tebenuhwa nenejahnis.

¹³ Ahnahwe ningeënandum neen cheähyahwugebun oomah anduhzhe ahyahyaun, cheöonje‐buhmeetahwid oonje ahbesewun keen chegebuhmeetuhweyunbun kebahquahegahzooyaun oonje ewh minwahjemoowin.

¹⁴ Kah suh ningeënanduhse ningood cheëzhechegayaun pwah‐kekanemenaun uhyenanduhmun; ketwa cheëzheshahwanemesewun, emuh atuh minwanduhmoowining.

¹⁵ Koonemah oo‐oo keöonje‐mahjah wanebik, kahgenig chekushkeüd.

¹⁶ Kahween kayahbe buhmeetahguning cheëzheähyahwud, ahwahshema suh ahpeetandahgooze dush ween buhmeetahgun debishkoo suhyahgeïnd wejekewaëmah, mamwach neen suhyahgeüg nejekewa, ahwahshema keen emuh weyausemaung, kuhya oonje owh Tabaningad?

¹⁷ Kishpin dush weedookahzoongin enanemeyun, ezheoodahpin debishkoo neen tebenuhwa neyow.

¹⁸ Kishpin dush kahmujje‐doodooninoogwan, gamuh gagoo mazenuhmooninoogwan enanemeshin neen chemuzzenuhahmoonaun ewh;

¹⁹ Neen Paul ningeöozhebeäun tebenuhwa neneenj ahyooyaun, kagate kuhkenuh kegahtebahahmoon; kahween keweweenduhmoosenoon ewh muhzenuhahmahweyun tebenuhwa keyow.

²⁰ Aahe, nejekewa, puhgedenuhmahweshin chemoojegezetuhwug owh Tabaningad keen oonje; menoodaäëshin oonje owh Tabaningad.

²¹ Ahpanemooyaun chewebezindahweyun kegeöonje‐mahjebeühmoon, kekanemenaun nahwuj nebewah cheweëzhechegayun menik edush ween akedooyaun

²² Bakish dush wuhwazhetuhmahweshin kaähbeyaun; nindahpanim suh oonje ahnuhmeätuhmahweyun chepuggedenuhmahgooyag chepenaunzekoonenuhgoog.

²³ Keduhnuhmekaug Epaphras, wauje‐kebahquahoogooyaun oonje Christ Jesus!

²⁴ Kuhya Marcus, Aristarchus, Demas, Lucas, egewh nahyahdahmahwejig ewh anuhnookeyaun.

²⁵ Ooshahwanjegawin owh Tabanemenung Jesus Christ kegahweejewegoonahwah emuh kejechaugoowaung Amen.