OODEZHECHEGAWINEWAH 8 - Ottawa New Testament Penteteuch and Psalms 1874

¹ Saul dush keweedookahzoo uhpe kahnesemind enewh Stephenun. Ewh dush uhpe kekeche‐mekinjeähwug egewh anuhmeähjig ewede Jerusaleming kahahyahjig; keëzhesuhswashkahwahwug emuh anegookekummegaug Judæa kuhya Samaria duhzhe uhkee, egewh atuh apostleüg kahween.

² Ahnind dush manoo‐ahnuhmeähjig oogemahjewenahwaun enewh Stephenun, oogekeche‐mahwemahwaun dush.

³ Saul dush oogekuhgwahnesugge‐mujje‐doodahwaun enewh anuhmeähnejin, kepeendega emuh anduhching wegewauming, kahtuhkoonaud dush enewh enenewun kuhya enewh equawun, oogeähsaun emuh kebahquahoode‐weguhmigoong.

⁴ Egewh dush kahsuhswashkahwindjig kepahbahkuhgequawug anegookookummegaug uhkee, kedebahdooduhmoowaud ewh ekedoowin.

⁵ Me dush uhpe keëzhaud owh Philip ewede Samariäïng duhzhe keche‐oodanaung, kekuhgekemaud dush enewh ahnishenahban, kedebahjemaud enewh Christun.

⁶ Kuhkenuh dush egewh ahnishenahbag mahmahwe oogebezindahnahwah oonoo uhyeëen kahekedoonid enewh Philipun, kahnoondahwahwaud kuhya kahwahbunduhmoowaud enewh mahmaundahwejegunun kahezhecheganid.

⁷ Egewh muh wahnezejig muhnedoog, kahkeche‐pepahgewaud, oogesahgejenuhwashkahwahwaun nebewah enewh kahkekishkahgoowahjin, nebewah dush kahneboowahpenajig, kuhya kahahchahoosajig, kenoojemooähwug.

⁸ Kekeche‐duhgoomahgud moojegezewin emuh keche‐oodanaung.

⁹ Keähyah suh pazhik enene, Simon azhenekahzood, kuhyet ewede oodanaung kahduhzhe‐chesuhkeegoobunan, kemahmahkahdanemegood enewh Samariäing duhzhe ahnishenahban, keëdezood chekeche‐ahpetandahgoozid:

¹⁰ Mesuh oonoo kuhkenuh kahbezindahwahwahjin, agahsheëjig kuhya kache‐ahyahahwejig, oo‐oo keëkedoowaud, Mahbuh enene ahwe ookeche‐mushkahwezewin owh Kesha‐Muhnedoo.

¹¹ Oogebezindahwahwaun dush, kemahmahkahdanemahwaud kechesuhkeenid.

¹² Uhpe dush kahdabwatahwahwaud enewh Philipun kedebahdooduhmenid enewh uhyeëen dabandahgwukkin emuh oodoogemahwewining owh Kesha‐Muhnedoo, kuhya oodezhenekahzoowining owh Jesus Christ, kebaptizooähwug, kuhkenuh enenewug kuhya equawug.

¹³ Kuhya dush ween Simon kedabwayandum: uhpe dush kahbaptizooïnd, oogeweejewaun dush enewh Philipun, kemahmahkahdandum dush, uhpe kahwahbundung enewh mahmaundahwejegunun kuhya kekenoowahjechegunun kahezhecheganid.

¹⁴ Uhpe dush egewh apostleüg ewede Jerusaleming kahahyahjig kahnoonduhmoowaud ewh Samariaïng duhzhe enenewun keöodahpenuhmenid ewh oodekedoowin owh Kesha‐Muhnedoo, oogeëzhenahzhahwahwaun enewh Peterun kuhya enewh Johnun cheëzhahnid ewede:

¹⁵ Uhpe dush kahtuhgwishenoowaud, oogeähnuhmeätuhmahwahwaun, enewh Keche‐Oojechaugwun cheähyahwahnid:

¹⁶ (Kah muh muhshe oogeöodissegoosebuneen ahweyah: me atuh kebaptizooïndwah emuh oodezhenekahzoowining owh Tabaningad Jesus.)

¹⁷ Me dush këezheneenjetuhwahwahwaud me dush kahezhe‐oodahpenahnid enewh Keche‐Oojechaugwun.

¹⁸ Uhpe dush Simon wahyahbundung ahwagwan kahezheneenjetahgoogwan enewh apostleün kemeenah enewh Keche‐Oojechaugwun, oogewemeenaun shooneäun.

¹⁹ Oo‐oo keëkedood, Meezheshin kuhya neen maunduh kushkeäwezewin, ahwagwan kaëzheneenjetahwugan cheoodahpenaud enewh Keche‐Oojechaugwun.

²⁰ Peter dush oo‐oo oogeënaun, Guhnuhwanim keshooneäum chegenishwahnahdezeyun, ewh keënanduhmun chewekishpenuhchegahdag oomeegewawin owh Kesha‐Muhnedoo shooneäh oonje.

²¹ Kah kuhnuhga kedebandahgoozese oo‐oo ezhetwahwining: kah muh quuhyukwussenoon keda enahsuhmuhbid owh Kesha‐Muhnedoo.

²² Aunwanindezoon dush maunduh kemujje‐ezhewabezewin, kuhya ahnuhmeätow owh Kesha‐Muhnedoo, koonemah kegahwabenuhmahgoo ewh kahenanduhmoomahguk keda.

²³ Kekekanemin suh ewh ahyahyun emuh kuhgwahnesuggandahgoozewining, kuhya chedebandahgoozeyun emuh mujjeühyeëewishing.

²⁴ Me dush kenuhquatuhwaud owh Simon, oo‐oo keëkedood, Ahnuhmeätuhmahweshig owh Tabaningad, kuhnuhga cheöodissegoosewaun oonoo kahekedooyag.

²⁵ Uhpe dush kahkuhgequawaud, kahdebahdooduhmoowaud oodekedoowin owh Tabaningad, keëzhekewawug ewede Jerusaleming, oogedebahdoodahnahwah ewh minwahjemoowin emuh nebewah oodoodanahwewaung egewh Samaritanug.

²⁶ Philip dush oogeguhnoonegoon enewh oodangenemun owh Kesha‐Muhnedoo, oo‐oo keëgood, Puhsegween, shahwuhnoong ezhaun meekunaung anebemoosawaud egewh Gazaïng azhahjig, Jerusaleming oonjemahjahwaud, anduhzhe‐buhgwuhduhkummegaug.

²⁷ Kepuhsegwe dush kuhya keühnemahjah: benuh dush, pazhik Ethiopiaïng duhzhe enene, owh eunuch kachetwahwezenejin oobuhmeetahgunemun owh Candace oodoogemahquamewaun egewh Ethiopianug, kahguhnuhwanduhmahwaud kuhkenuh ooshooneähmene, kepeëzhahgoobunan ewede Jerusaleming, cheähnuhmeäud,

²⁸ Nayaub dush keühnekewa, kenuhmuhduhbe dush emuh ootahbauning magwah dush keähgindung oodaunwahjegawin owh Esaias.

²⁹ Me dush Keche‐Oojechaug oo‐oo oogeënaun enewh Philipun, Pashoo ezhaun, cheweeduhbemud emuh ootahbauning.

³⁰ Philip dush ewede keühpuhtoo anduhzhe ahyahnid, oogenoondahwaun dush ahginduhmenid oodaunwahjegawin owh Esaias, oo‐oo dush keëkedood, Kenesetootaun nuh ewh aginduhmun?

³¹ Ween dush keëkedoo, Ahneen kaöonjenesetootuhmaunbaun, ahweyah enene kekenooähmahwesig? Oogeënaun dush enewh Philipun chepoozenid emuh otahbauning cheweeduhbuhmegood dush.

³² Ewh oozhebeëgawin kahahgindung mesuh oo‐oo akedoomahguk, Keëzheweenah emuh kaduhzhe‐nesind debishkoo mahnishtahnishing; kuhya debishkoo azhemussit-tahgoozesig mahnishtahnisheens anuhsuhmenid enewh mwauzhwahegoojin mesuh kahezhetahwunesig:

³³ Emuh ootahbussandahgoozewining kemuhkummah oomenoo‐tebahkoonegoowin: ahwanan dush kadebahdoodung oodezhewabezewin? uhkeeng muh keöonjemahmujje-gahdane oobemahdezewin.

³⁴ Owh dush eunuch oogenuhquatuhwaun Philipun oo‐oo keënaud, Weenduhmooweshin, kepahgoosanemin, ahwananun oo‐oo anahjemahjin owh aunwahjega‐wenene? debahjindezoo nuh! gamuh nuh bakahnezenejin oodebahjemaun?

³⁵ Medush ketahwuneed owh Philip ewede oozhebeëgawining keöonjemahjetaud, kedebahjemootuhwaud anandahgoozenid Jesusun.

³⁶ Magwah dush uhneähpesekaud, ketuhgwishinoog emuh anduhzhe nebeekaug: owh dush eunuch oo‐oo keëkedoo, Mesuh maunduh nebee; wagoonan kaöonje‐baptizoomegoosewaun?

³⁷ Philip dush oo‐oo oogeënaun, Kishpin anegookoodaäyun ezhedabwayanduhmun, mahnoo kegahbaptizoomegoo. Ween dush oogenuhquatuhwaun, oo‐oo keëkedoo, Nindabwayanemah owh Jesus Christ oogwissemegood enewh Kesha‐Muhnedoon.

³⁸ Keëkedoo dush chenookishkahnid enewh otahbaunun; kepahkoobewug dush nuhyazh, Philip kuhya owh eunuch, oogebaptizooäun dush.

³⁹ Uhpe dush kahahgwahyahduhgahzewaud, Philip oogemahjeweenegoon enewh Oojechaugwun owh Tabaningad, kah dush menuhwah owh eunuch oogewahbuhmahseen; keühneähyahpesekah dush wahwezhandung.

⁴⁰ Philip dush kemekahwah ewede Azotusing: magwah dush uhnebemoosahdung kekuhgequa emuh kuhkenuh enewh oodanahwun, nahnauzh ketuhgwishing ewede Cesareaing.