OODEZHECHEGAWINEWAH 7 - Ottawa New Testament Penteteuch and Psalms 1874

¹ Me dush oo‐oo keëkedood owh keche‐sahsahgewejega‐wenene, Menuh azhewabuk oonoo uhyeëen?

² Oo‐oo keëkedoo owh Stephen, Enenewedoog, nejekewaëdoog, kuhya wayoosemegooyag, bezinduhmook; Owh kache‐peshegandahgoozid Kesha‐Muhnedoo oogewahbuhmegoon enewh kooseminahbuneen Abraham, magwah ayahnid emuh Mesopotamiaïng, chepwah duhnuhkeenid emuh Charraning,

³ Oo‐oo dush oogeënaun, Nuhguhdun ewh kedinduhnuhkeewin, kuhya nuhguzh egewh anuhwamudjig, peëzhaun dush emuh uhkeeng kawahbundahenaun.

⁴ Me dush keoönjemahjaud emuh ooduhkeemewaung egewh Chaldæänug, keduhnuhke dush emuh Charraning: ewede dush, kahneboonid oosun oogeäunduhnuhkeeäun enewh oomah uhkeeng kepeduhnuhkeeäud, kenuhwah noongoom anduhnuhkeeyag.

⁵ Kah dush oogemeenahseen ewh debandahsoowin emuh, kah kuhnuhga menik anegookoosittad: oogewahweenduhmahwaun dush wemeenaud ewh chedebanduhmenid, kuhya kaähneka‐bemahdezenejin oonejahnesun, chepwah oonejahnesenid.

⁶ Oo‐oo dush keëkedoo owh Kesha‐Muhnedoo, kenejahnesug tahnahkoowa‐duhnuhkeewug emuh puhkaun uhkeeng; me emuh kaduhzhe‐ahwahkahneïndwah, kuhya kakooduggeïndwah newauk duhsoo pepoon.

⁷ Egewh dush mayuggezejig kadoowahkahneëgoowahjin ningahtebahkoonaug, keëkedoo owh Kesha‐Muhnedoo; bahnemah tahpesahgahumoog, chebuhmeetahwewaud oomah uhkeeng.

⁸ Oogemeenaun dush ewh kekenoowahje‐kishkishegahzoowine‐kekindewin; me dush owh Abraham keöogwissid enewh Isaacun, kahnishwahsoogoon‐uhgezenid dush oogekekenoowahje‐kishkishwaun; kuhya dush Isaac oogeöogwissenun enewh Jacobun; kuhya dush Jacob oogeöogwissenun metauswe ahshe neezh kooseminahbuneen.

⁹ Egewh dush kooseminahbuneeg, kekeshahwanemahwaud, oogeähtahwahganahwaun enewh Josephun cheëzhewenemind ewede Egypting, oogeweejewegoon dush enewh Kesha‐Muhnedoon.

¹⁰ Kuhya dush keëkoonuhmahgood kuhkenuh enewh ookooduggezewinun, kuhya dush kemeenegood ewh minwandahgoozewin kuhya nebwahkahwin emuh anahsuhmid owh Pharoah Egypting duhzhe‐oogemah; me enewh kahahnoonegood cheöogemahkundung Egypt kuhya kuhkenuh oowegewaum.

¹¹ Kekeche‐puhkuhdawenahgud dush, kuhya kekootug-gandahgwud emuh anegookookummegaug Egypt kuhya Canaan; kah dush oogemekunsenahwah egewh kooseminahbuneeg ewh meejim.

¹² Uhpe dush owh Jacob kahnoondung ahyahnid buhquazhegun ewede Egypting, oogemahjenahzhahwaun enewh kooseminahbuneen netum.

¹³ Menuhwah dush keëzhahwaud oogewahweenduhmahgoowaun enewh Josephun ewh oowejekewaëmegoowaud; kuhya kewahweenduhmoowah owh Pharoah, ewh oodenuhwamahgunun owh Joseph ketuhgishenenid.

¹⁴ Me dush keähnookeed owh Joseph, chenundoomemind enewh oosun Jacobun, kuhya kuhkenuh enewh oodenuhwamahgunun, neezhwauswe‐meduhnah‐ahshe‐nahnun keduhchewug egewh bamahdezejig,

¹⁵ Me dush keëzhaud owh Jacob ewede Egypting, keneboo dush, ween, kuhya kooseminahbuneeg.

¹⁶ Keëzheweenahwug dush ewede Sycheming, keningwahwahwug emuh chebaguhmigoong kahkishpenuhtahwaud owh Abraham enewh oogwissun owh Emmor oosun owh Sychem shooneäun kemeenaud.

¹⁷ Uhpe dush gagah zhuhyegwah wedebishkoosagebun ewh kahwahweendahmahgagoobunan owh Kesha‐Muhnedoo kekeche‐guhnoonaud enewh Abrahamun, kemeshenoowug kuhya ashkum kebahtuhyeïnewug egewh ahnishenahbag ewede Egypting.

¹⁸ Nahnauzh kepuhsegweed bakahnezid keche‐oogemah kakanemahsig enewh Josephun.

¹⁹ Mesuh owh kahwuhyazhemaud kedenuhwamahgunenahnin, kuhya kahmujje‐doodahwaud enewh kooseminahbuneen, cheöonjesahgeje‐wabenahnid oodahbenoojeemene cheneboonid.

²⁰ Me ewh uhpe keöondahdezid owh Moses, kekeche-minwahbuhmenahgooze, nesoo‐kezis dush kepuhmeäh emuh oosun oowegewaumening:

²¹ Uhpe dush kahsahgeje‐wabenind, oogeöodahpenegoon enewh Pharoah oodahnissun oogenetahwuggeëgoon dush debishkoo tebenuhwa oogwissun.

²² Kekekenooähmahwah dush owh Moses kuhkenuh oonebwahkahwinewah egewh Egyptianug, kemushkahweze dush emuh ekedoowining kuhya emuh ahnookeewining.

²³ Uhpe dush kahtanemeduhnuh‐duhsoo‐pepoon‐uhgezid, keënandum emuh oodaïng cheähwewahbuhmaud enewh wejekewaün oonejahnesun owh Israel.

²⁴ Uhpe dush kahwahbuhmaud pazhik mujjedoodahgood enewh bakahnezenejin, oogemetahgwanuhmoowaun, kuhya oogepuhkittawaun dush enewh Egyptian‐enenewun.

²⁵ Keënandum dush wenesittootuhmenid enewh wejekewaün cheweähnoonegood enewh Kesha‐Muhnedoon chebemahjeïndwah: kah dush oogenesittootunsenahwah.

²⁶ Kahwahbunenig dush oogewahbundahaun ewh weyow magwah megahdenid, oodahnooënaun dush chepoonanindenid, oo‐oo keënaud, Enenewedoog, kedoowejekewaïndeem; wagoonan wanje‐mujje‐doodahdeyag?

²⁷ Owh dush kahmujje‐doodahwaud enewh weejeduhnuhkeewamahgunun oogekaunje‐wabenaun, oo‐oo keënaud, Ahwanan owh kahahnoonik cheöodoogemahwemeyaung kuhya cheöotebahnoonega‐wenenewemeyaung?

²⁸ Keweneesh nah, debishkoo kahezhenesud owh Egyptian‐wenene pechenahgoo?

²⁹ Me dush keöozhemood owh Moses uhpe kahnoondung oo‐oo ekedoowin kebahbahduhneze ewede Madian duhzhe uhkeeng, oogeöogwissenun dush ewede neezh oogwissun.

³⁰ Uhpe dush kahnemeduhnuh‐duhsoo‐pepoonahguk, oogewahbuhmaun ewede puhgwuhduhkummig cheguhyeëe Sinai wahjewing enewh oodangenemun owh Jehovah emuh piskunnanig ishkootan emuh ahnebeeshekaung.

³¹ Uhpe dush wuhyahbundung owh Moses, oogemahmahkahdandaun ewh kahwahbundung: kahpenaunzekung cheguhnuhwahbundung, oogepeöodissegoon ewh oodekedoowin owh Jehovah,

³² Oo‐oo keëgood, Neen suh nindow Oo‐Kesha‐Muhnedoomewaun egewh koosebuneeg, oo‐Kesha‐Muhneedoomun owh Abraham, oo‐Kesha‐Muhnedoomun owh Isaac, oo‐Kesha‐Muhnedoomun owh Jacob. Kenuhningishkah dush owh Moses, keminjemeshahgwanemoo dush cheöombish-kinzhegwanid,

³³ Me dush oo‐oo keëgood enewh Jehovahun, Kesekun enewh kemuhkissenun emuh oonje kesittaung: kechetwahwandahgwud ewh uhkee emuh nebahweyun.

³⁴ Ningewahbundaun, ningewahbundaun ookooduggeegoowinewaun egewh nindahnishenahbamug ewede Egypting, kuhya ningenoondaun ooketemahgetahgoozewinewaun, ninpeöonjeëzhah chepuhgedenugwah. Umba dush kegahezhenahzhahoon ewede Egypting.

³⁵ Me suh enewh Mosesun enewh kahahgoonwatahwahwahjin oo‐oo keënahwaud, Ahwanan kahahnoonik cheoogemahweyun kuhya chetebahkoonega‐weneneweyun? me suh enewh kahahnoonahjin owh Kesha‐Muhnedoo cheoogemahwenid kuhya chebemahjeëwanid, ewh keguhnoonegood enewh angenun kahwahbuhmahjin emuh ahnebeeshekaung.

³⁶ Oogesahgecheweenaun dush uhpe kahwahbundahewad enewh mahmaundahwejegunun, kuhya kekenoowahjechegunun ewede Egypting duhzhe uhkeeng, kuhya miskoogumme‐kechegummeeng, kuhya ewede bahgwuhduhkummig nemeduhnuh‐duhsoo‐pepoon.

³⁷ Me suh wah‐owh Moses, kahenaud enewh oonejahnesun owh Israel, Aunwahjega‐wenenewun suh kegahpuhsegwinduhmahgoowah owh Jehovah ke‐Kesha‐Muhnedoomewah pazhik kejekewaëwah, debishkoo neen; me suh owh kabezinduhwag.

³⁸ Mesuh owh, kahweejewaud enewh anuhmeähnejin ewede buhgwuhduhkummig kuhya enewh angenun kahkuhnoonegoojin ewede Sinai wahjewing, kuhya enewh kooseminahbuneeg; kahmeenind dush bemahdezewine‐debahje-moowinun cheöonjeähneka‐meenenung.

³⁹ Kahween dush kooseminahbuneeg oogenuhittahwahsewaun, kekaunje‐wabenahwaud dush, emuh dush oodaëwaung keëzhekewawug ewede Egypting,

⁴⁰ Oo‐oo keënahwaud enewh Aaronun, Oozhetuhmooweshenaum muhnedoog kanegahneejig kaëneëzhahyaung; mahbuh Moses, kahoonjesahgejeweezheyummingid emuh Egypting duhzhe uhkeeng, kahween nekekanemahsenaun nuhmunj‐anekahgwan.

⁴¹ Uhpe dush oonoo kezhegudoon oogeöozheähwaun enewh pezhekeensun, oogemeenahwaun dush enewh muzzenechegunun ewh sahsahgewejegun, oogewahwezhanemahwaun dush enewh kahoozheähwahjin tebenuhwa ooneenjewaung.

⁴² Me dush owh Kesha‐Muhnedoo kenuhguhnaud, kepuggedenuhmoowaud cheähnuhmeätuhwahnid enewh meshuh‐kezhegoong ayahnejin, debishkoo azhebeëgahdag emuh oomuzzeëgunewaung egewh aunwahjega‐wenenewug, O emuh Israel oowegewauming andahyag, kegemezhemim nuh nasindjig ahwahkaunug kuhya sahsahgewejegunun nemeduhnuh‐duhsoo‐pepoon ewede buhgwuhduhkummig?

⁴³ Aahe, kegeöobenahnahwah oowegewaumansemun owh Moloch, kuhya oodahnungoomun owh kemuhnedoomewah Remphan, muzzenechegunun kahoozheägoog cheähnuhmeätuhwagwah; mesuh kaöonjemahjewenenuhgoog ahwus Babyloning.

⁴⁴ Kooseminahbuneeg oogeähyahnahwah ewh debahjemoowine‐ahnuhmeä‐weguhmig ewede buhgwuhduhkummig, debishkoo kahenahkoonegagoobunan owh Kesha‐Muhnedoo keënaud enewh Mosesun, cheëzheöozhetoonid debishkoo kahezhenahgwuk ewh kahwahbundung.

⁴⁵ Ewh dush ahnuhmeä‐weguhmig kahoodahpenuhmoowaud egewh kooseminahbuneeg oogepeetoonahwah kepeweejewahwaud enewh Joshuaün emuh ooduhkeemewaung egewh mayuggezzejig, mesuh enewh kahsahgejenahzhahwahjin owh Kesha‐Munedoo emuh enahsuhmewaud kooseminahbuneeg, nahnauzh uhpe ookezhegudoomun owh David;

⁴⁶ Mesuh owh kahminwanemegood enewh Kesha‐Muhnedoon, ahpeche dush keënandum chemekuhmoowaud enewh oo‐Kesha‐Muhnedoomun owh Jacob oowegewaumene.

⁴⁷ Solomon dush oogeoozhetuhmahwaun ewh wegewaum.

⁴⁸ Kah ween ahnahwe dahse owh Kache‐ishpandahgoozid emuh ahnuhmeä‐weguhmigoong ooneenjemaung kahoonjeöozhechegahdag; debishkoo akedood owh aunwahjega‐wenene.

⁴⁹ Ewede keche‐kezhegoong nindoogemah‐wuhbewin, kuhya ewh uhkee nenahpishkaun, wagoonan wegewaum kaöozhetuhmahweyag? ekedoo owh Jehovah: ahneende dush kaduhzhe‐aunwabeyaun?

⁵⁰ Kah nuh ween neen ningëoozhetoosenun kuhkenuh oonoo uhyeëen tebenuhwa neneenjeen keähyooyaun?

⁵¹ Kenuhwah kagaunzetuhmag kuhya kakenoowahje‐kishkizhegahzoosewag emuh kedaëwaung kuhya emuh ketuhwuggahwaung, kahgenig kedahgoonwatahwahwah owh Keche‐Oojechaug, debishkoo kahezhechegawaud egewh koosewahbuneeg, mesuh kuhya kenuhwah azhechegayag.

⁵² Ahwananun enewh aunwahjega‐wenenewun kahpwahkooduggeähwahwahjin egewh koosewahbuneeg? oogenesahwaun dush enewh kezhah kahdebahjemoonejin wepeëzhaud owh Kache‐quuhyuk‐ezhewabezid, mesuh enewh kenuhwah noomuhyuh kahbahtahag kuhya kahnesag:

⁵³ Kenuhwah kahoonjeöodahpenuhmag ewh tebahkoonegawin emuh ooneeenjewaung egewh angenug, keguhnuhwanduhsewag dush.

⁵⁴ Uhpe dush kahnoonduhmoowaud oonoo uhyeëen, kekeche‐nishkahdezewug emuh oodaëwaung, me dush kahezhemadwayahbitashenootuhwahwaud.

⁵⁵ Ween dush, kemooshekenashkahgood enewh Keche‐Oojechaugwun, quuhyuk keënahbe keche‐kezhegoong enuhkuhkayah, oogewahbundaun dush oopeshegandahgoozewin owh Kesha‐Muhnedoo, kuhya enewh Jesusun nebahwenid emuh ookechenekahning enewh Kesha‐Muhnedoon.

⁵⁶ Oo‐oo dush keëkedood, Benuh, newahbundaun kezhik nesahkoosing, kuhya enene Oogwissun nebahwenid emuh ookechenikaung owh Kesha‐Muhnedoo.

⁵⁷ Me dush kekeche‐pepahgewaud kuhya kekuhkebe-shaëdezoowug, kuhya oogequaushkoonoodahwahwaun mahmahwe.

⁵⁸ Keche‐oodanaung dush oogeöonjesahgeche‐wabenahwaun kuhya oogepemwuhsinahahwaun enewh: egewh dush dabahjemoojig oogeähtoonahwah enewh oodahgwewinewaun emuh oosittaung owh pazhik ooshkenuhwa Saul kahezhenekahzood.

⁵⁹ Oogepemwuhsinuhahwaun dush enewh Stephenun, magwah ahnuhmeätuhwahnid enewh Kesha‐Muhnedoon, oo‐oo keëkedoonid, Tabaningayun Jesus, oodahpin ninjechaug.

⁶⁰ Keöojecheengwunetum dush kuhya kekeche‐kezhewa, oo‐oo keëkedood, Tabaningayun, kagoo ahpuhgesetahwahkan maunduh mujjeëzhewabezewin. Uhpe dush oo‐oo kahekedood kenebah.