OODEZHECHEGAWINEWAH 6 - Ottawa New Testament Penteteuch and Psalms 1874

¹ Me dush oonoo kezhegudoon, uhpe kahmeshenoowaud egewh anuhmeähjig, egewh Hellenistug oogenahnahpahgaunzoomahwaun enewh Hebrewun, oonje enewh ooshegahmewaun gagoo kemeenahsememind ewh anduhsoo kezhik mahdahoonedewining.

² Egewh dush metauswe‐ahzhe‐neezh oogenundoomahwaun kuhkenuh enewh kekenooahmahgunun, oo‐oo dush keëkedoowaud, Kahween enandahgwussenoon nenuhwind chenuhguhduhmaung ewh oodekedoowin owh Kesha‐Muhnedoo, chebuhmeetuhmaung enewh wesenewahgunun.

³ Umba dush nejekewaëdoog, nunduhwahbuhmik kenuhwah anduhcheyag neeshwauswe enenewug manwahjemindjig, kuhya mwaushkenashkahgoojig enewh Keche‐Oojechaugwun kuhya nebwahkahwin, kaähnoonungejig oo‐oo cheühnuhnookewaud.

⁴ Nenuhwind edush ween ningahpuggedenedezoomin moonzhug cheähnuhmeähyaung, kuhya chekuhgequayaung debahdoodahmaung ewh ekedoowin.

⁵ Kuhkenuh dush anduhchewaud egewh kahmahwunjeëdejig oogemenootahnahwah ewh ekedoowin: me dush kewuhwanahbuhmahwaud enewh Stephenun, enenewun mwaushkenashkahgood dabwayanduhmoowin kuhya Keche‐Oojechaugwun, kuhya Philipun, kuhya Prochorusun, kuhya Nicanorun, kuhya Timonun, kuhya Parmenasun, kuhya Nicolasun kahquakeenejin Antioch duhzhe enenewun:

⁶ Me suh enewh kahahsahwahjin emuh enahsuhmuhbenid enewh apostleün: uhpe dush kahahnuhmeähwaud, oogeëzheneenjetuhwahwaun enewh.

⁷ Ashkum dush kemahjegemahgudene oodekedoowin owh Kesha‐Muhnedoo; ashkum dush kekeche‐bahtuhyeënoowug egewh anuhmeähjig ewede Jerusaleming; kuhya dush keche nebewah egewh sahsahgewejega‐wenenewug oogepahbahmetaunahwah ewh dabwayanduhmoowin.

⁸ Stephen dush, mooshkenashkahgood ewh dabwayanduhmoowin kuhya mushkahwezewin, kekeche‐mahmaundahwejega emuh anduhzhe ahyahnid enewh ahnishenahban.

⁹ Me dush kepuhsegwewaud ahnind dabandahgoozejig emuh ahnuhmeä‐weguhmigoong, ewh azhenekahdag oodahnuhmeä‐weguhmigoowah egewh Libertinug, kuhya egewh Cyrenianug, kuhya egewh Alexandriaïng duhzhe enenewug, kuhya Ciliciaïng kuhya Asiaïng duhzhe enenewug, ahzhedakahwahwaud enewh Stephenun.

¹⁰ Kah dush oogetamahmauzheähsewaun apeech kenebwahkah‐kezhwanid, kuhya keweedookahgood enewh Keche‐Oojechaugwun.

¹¹ Me dush keähnoonahwaud enewh enenewun, oo‐oo cheëkedoonid, Ningenoondahwahnaun mahbuh chemujje‐duhzhemaud enewh Mosesun, kuhya enewh Kesha‐Muhnedoon.

¹² Oogeoömbahzoomahwaun enewh ahnishenahban, kuhya enewh katezenejin, kuhya enewh oozhebeëga‐wenenewun, kepenaunzekahwahwaud, ketuhkoonahwaud dush, kuhya kepeëzhewenahwaud emuh anduhzhe kahkekedoong,

¹³ Oogeähsahwaun dush enewh kakenuhwishke‐debahjemootahganejin, oo‐oo kahekedoonid, Wah‐owh enene kah ekah poonetooseen mujje‐duhzhindung maunduh kachetwahwandahgwuk wegewaum, kuhya ewh tebahkoonegawin:

¹⁴ Ningenoonduhwahnaun muh oo‐oo cheëkedood, Mahbuh Jesus Nazarething duhzhe enene oogahbahnahjetoon maunduh wegewaum, kuhya oogahaunjetoonun enewh ezhetwahwinun kahpuhgeduhnuhmoonung owh Moses.

¹⁵ Kuhkenuh dush egewh namuhduhbejig emuh kahkekedoo‐weguhmigoong, kekeche‐guhnuhwahbuhmahwaud, oogewahbuhmahwaun dush angening cheëzhenahgwudenig oodangwyene.