OODEZHECHEGAWINEWAH 5 - Ottawa New Testament Penteteuch and Psalms 1874

¹ Pazhik dush enene Ananias azhenekahzood, weedookahgood enewh Sapphiraün wewun, oogeähtahwahgan debandahsoowin.

² Ahnind dush shooneäun ningooche oogeähsaun, wewun kuhya kekekanduhmene, ahnind dush oogepeenaun) keähsaud dush emuh oosittahning enewh apostleün.

³ Peter dush keëkedoo, Ananias, ahneeshwin owh Satan kemooshkinatood ewh keda chekuhkenuhwishketuhwud owh Keche‐Oojechaug, ningooche cheähsud ahnind shooneäun menik kahenuhgindag ewh ketegaun?

⁴ Pwahahtahwahgayun kah nuh kedebanduhsenahbun? kahahtahwahgayun dush kah nuh kegedebanemahse shooneäh kahenuhgindag? ahneeshwin dush oo‐oo keühyenanduhmun emuh kedaïng? kahween kegekuhkenuhwishketuhwahseeg enenewug, Kesha‐Muhnedoo suh kahkuhkenuhwishketuhwud.

⁵ Uhpe dush Ananias nwaundung oonoo ekedoowinun kekahwesa, kuhya keïshquahnuhmoo: kekeche‐sagezewug dush kuhkenuh kahnoondungig oonoo uhyeëen.

⁶ Kepuhsegwewug dush egewh ooshkenuhwag, kewewagenahwaud dush, kesahgejeweenahwaud dush, kuhya keningwahwahwaud.

⁷ Bahnemah dush kahnesoo‐tebahegunaduhnig, wewun kekekanduhsemenid ewh kahezhewabudenig, kepeendegawun.

⁸ Peter dush oogeguhnoonaun, Weenduhmahweshin kishpin kagate oo‐oo menik keënuhgindagwan ewh ketegaun kahahtahwahgayag? Aahe, mesuh oo‐oo menik, keëkedoo owh equa.

⁹ Peter dush oo‐oo oogeënaun, Ahneeshwin keweedookahdahdeyag chekuhgwa‐tebanemag owh Tabaningad Oojechaugwun? benuh, oosittahwaun egewh kahningwahwahjig kenahbamun ahtanewun emuh ishquaundaming, kuhya keen kegahsahgeje‐wenegoog.

¹⁰ Me dush kazhetena kepungeshin emuh oosittaung, keïshquahnuhmood dush: kepeendegawug dush egewh ooshkenuhwag, kemekahwahwaud keneboonid, me dush kesahgeje‐weenahwaud, keningwahwahwaud dush cheguhyeëe emuh ahyahnid oonahbamebuneen.

¹¹ Kuhkenuh dush kekeche‐sagezewug egewh anuhmeähjig, kuhya kuhkenuh menik kahnoondungig oonoo uhyeëen.

¹² Emuh ooneenjewaung egewh apostleüg kekeche‐kekenoowahjechegam kuhya kemahmaundahwejegam emuh ayahnid enewh ahnishenahban; (kuhkenuh dush kemahwunjeëdewug emuh Solomon ootasekauning.

¹³ Ahnind dush ween kahween ahweyah kekushketoose cheweejewaud: egewh dush ahnishenahbag oogewahwezhanemahwaun.

¹⁴ Ashkum dush kemeshenoowug egewh duhyabwayanemahjig enewh Tabaninganejin, nebewah enenewug kuhya equawug;)

¹⁵ Oogepeëzhesahgeje‐weenahwaun enewh ayahkoosenejin emuh meekunaung, keähsahwaud dush emuh nebahguning, ewh dush ahnind cheähgahwahtashkahgoowaud enewh magwah Peterun bemoosanid.

¹⁶ Nebewah ahnishenahbag kahoonjebahjig oodanahwun kewetuhyeëe atagin kepeëzhahwug emuh Jerusaleming, kepeenahwaud enewh ayahkoosenejin, kuhya enewh quatuggeëgoonejin enewh wahnezenejin muhnedoon: kuhkenuh dush kenoojemooähwug.

¹⁷ Me dush kepuhsegweed owh keche‐sahsahgewejega‐wenene, kuhkenuh enewh kahweejewahjin (kahdebandahgoozejig emuh oodezhetwahwinewaung egewh Sadduceeg) kemooshkenashkahgoowaud ewh nishkahdezewin.

¹⁸ Oogetuhkoonahwaun dush enewh apostleün, keähsahwaud dush emuh kebahquahoode‐weguhmigoong.

¹⁹ Oodangenemun dush owh Tabaningad nebah‐tebik oogepahkahkoonaunun euewh kebahquahoode‐weguhmig ishquandamun, kuhya kesahgeje‐weenaud, oo‐oo keëkedood,

²⁰ Ezhaug, nebahwik kuhya debahjemootuhwik emuh keche‐ahnuhmeä‐weguhmigoong egewh ahnishenahbag kuhkenuh maunduh bemahdezewine ekedoowinun.

²¹ Uhpe dush kahnoonduhmoowaud ewh, keekezhab kepeendegawug emuh keche‐ahnuhmeä‐weguhmigoong, kuhya kekekenooahmahgawaud. Kepeëzhah dush owh keche‐sahsahgewejega‐wenene, kuhya enewh kahweejewahjin, oogemahwunzoomahwaun enewh wahkekedoonejin, kuhya kuhkenuh ootebahkoonega‐wenenemewaun enewh oonejahnesun owh Israel, keähnookewug dush chenahnemind oonje kebahquahoode‐weguhmigoong.

²² Uhpe dush kahtuhgwishenoowaud egewh tuhkoonewa‐wenenewug, kemekahwahsigwah emuh kebahquahoode‐weguhmigoong, kepiskahbewug, keweenduhmahgawaud,

²³ Oo‐oo keëkedoowaud, Kagate ningemekahmin ewh kebahquahoode‐weguhmig quuhyuk kebahquahegahdag, kuhya egewh akahwahbejig nebahwewaud ahgwahjeeng ishquaundaming; uhpe dush kahpahkahkoonahmaung, kahween ahweyah ningemekahwahsenaun peendig.

²⁴ Uhpe dush owh nahgahnezid sahsahwejega‐wenene kuhya owh wagemahkundung ewh keche‐ahnuhmeä‐weguhmig, kuhya egewh keche‐sahsahwejega‐wenenewug kahnoonduhmoowaud oonoo uhyeëen, kegwenuhwe‐enanduhmoog nuhmunj kadezhewabudoogwan oo‐oo.

²⁵ Kepeëzhahwun pazhik keweendahmahgoowaud, oo‐oo keëkedoonid, Benuh, egewh enenewug kahkebahquahwagoog nebahwewug emuh keche‐ahnuhmeä‐weguhmigoong, kekenooahmahwahwaud enewh ahnishenahban.

²⁶ Me dush keëzhemahjaud owh menesenoo‐oogemah kuhya egewh tuhkoonewa‐wenenewug, kenahnahwaud ningood doodahwahsigwah: oogekoosahwaun muh enewh ahnishenahban, mahgeshah ningahpimwuhsinahegoonahnig, keënanduhmoog.

²⁷ Uhpe dush kahpeenahwaud, oogeähsahwaun emuh anahsuhmuhbenid enewh kahkekedoonejin: owh dush keche‐sahsahgewejega‐wenene oogekuhgwajemaun,

²⁸ Oo‐oo keëkedoo, Kah nuh ween kegewahweenga‐kenuhahmahgooseem chekuhgequasewag emuh oo‐oo ezhenekahzoowining? benuh dush, kegemooshkenuhtoonahwah ewh Jerusalem ewh kekuhgequawinewah, kedenandaum cheähnahmeemeyaung mahbuh enene oomisqueem.

²⁹ Me dush Peter kuhya egewh ahnind apostleüg kenuhquatuhmoowaud oo‐oo keëkedoowaud, Enandahgwud suh nahwuj chebezinduhwungid owh Kesha‐Muhnedoo dush ween egewh enenewug.

³⁰ Kooseminahbuneeg oo‐Kesha‐Muhnedoomewah oogeähbejebahaun enewh Jesusun, owh kahnesag kuhya kahahgoonag emuh metigoong.

³¹ Mesuh enewh kahoombenahjin owh Kesha‐Muhnedoo ewh tebenuhwa ookecheneenj ayood chekeche‐oogemahwenid kuhya chebemahjeëwanid, chemeenaud enewh Israëlun ewh aunwanindezoowin, kuhya chewabenuhmoowaud enewh oomujjeëzhewabezewinene.

³² Nenuhwind dush nindebahdoodahnahnin oonoo uhyeëen; kuhya owh Keche‐Oojechaug oodebahdoodaunun, enewh Kesha‐Muhnedoo kahmeenaud enewh duhyabwatahgoojin.

³³ Uhpe dush kahnoonduhmoowaud oo‐oo, kenishkahdezewug emuh oodaëwaung, kekahkekedoowug dush chenesahwaud.

³⁴ Pazhik dush kepuhsegwe emuh kahkekedoo‐weguhmigoong, Pharisee‐wenene, Gamaliel azhenekahzood, kakenooähmahgad ewh tebahkoonegawin, kenebwahkahwanemegood kuhkenuh enewh ahnishenahban, kekuhgaundwa dush chenahkoowa sahgeje‐nahzhahoomind enewh apostleün;

³⁵ Oo‐oo dush, oogeënaun, Israeling duhzhe‐enenewedoog, nahnahgahduhwanduhmook wagoodoogwan wahdoodahwagwahwan oogoo enenewug.

³⁶ Chepwah oojechesag oonoo kezhegudoon kepuhsegwe owh Theudas, kekechetwahwanemood; kuhnuhbuj kenewaukoosedooganun enenewun kahwedookahgoojin: kenesah dush owh, kuhya kuhkenuh enewh kahdabwatahgoojin kesuhswawabenegahzoowun, kah kuhya ningood keënandahgoozesewun.

³⁷ Bahnemah dush kahbahnahdezid wah‐owh enene, kepuhsegwe owh Judas Galileeïng duhzhe‐enene uhpe wazhebeöondwah egewh bamahdezejig, kenoopenuhnegood dush nebewah enewh ahnishenahban: kebahnahdeze kuhya ween, kuhkenuh dush enewh kahdabwatahgoojin kesuhswawabenegahzoowun.

³⁸ Oo‐oo suh kedenenim, Kagoo bahbahmanemahkagoon oogoo enenewug, kagoo kuhya ningood doodahwahkagoon; kishpin muh maunduh kuhgequawin, kuhya maunduh ahnookewin eneneeng oonjeemahguk, kahween ningood tahenandahgwussenoon.

³⁹ Kishpin dush Kesha‐Muhnedoong oonjeemahguk, kahween kekushketoosenahwah webahnahjetooyag; koonemah kedahgemekahgoowah chemegahnag owh Kesha‐Muhnedoo.

⁴⁰ Me dush oonoo kahdabwatahwahwahjin: uhpe dush kahnundoomahwaud enewh apostleün, kuhya kahpuhzhunzhawahwaud, keënahkoonegawug chekekedoosenid emuh oodezhenekahzoowining owh Jesus, me dush kepuggedenahwaud.

⁴¹ Keühnesahgahuhmoog dush emuh enahsuhmuhbenid enewh kahkekedoo‐wenenewun, oonje moojegezewaud ewh enandahgoozewaud ewh cheähgujjeïndwah oodezhenekahzoowin oonje.

⁴² Anduhsoo‐kezhegudenig dush emuh keche‐ahnuhmeä‐weguhmigoong, kuhya anduhsing enewh wahkahegunun, kahween kepoonetahsewug kekenooähmahgawaud kuhya kuhgequawaud debahjemahwaud enewh Jesus Christun.