OODEZHECHEGAWINEWAH 4 - Ottawa New Testament Penteteuch and Psalms 1874

¹ Magwah dush guhnoonahwaud enewh ahnishenahban, oogepenaunzekahgoowaun enewh sahsahgewejega‐wenenewun, kuhya enewh wagemahkunduhmenejin ewh keche‐ahnumeä‐weguhmig, kuhya enewh Sadduceen.

² Keöonjeöosittahwanemegoowaud ewh kekekenooähmahwahwaud enewh ahnishenahban, kuhya kedebahdooduhmahwaud oonje enewh Jesusun ewh ahbejebahwin.

³ Oogetuhkoonegoowaun dush enewh, kekebahquahoogoowaud dush peenish egoo wahyahbunenig, zhuhyegwah muh oonahgishenoobun.

⁴ Nebewah dush egewh kahnoondungig ewh ekedoowin kedabwayanduhmoog; nauning‐metauswauk keduhchedooganug egewh enenewug.

⁵ Kepuhgummeähyah dush kahwahbunenig, enewh oodoogemahmewaun, kuhya enewh ooketezemewaun, kuhya enewh oodoozhebeëga‐wenenemewaun.

⁶ Kuhya Annas keche‐sahsahgewejega‐wenene, kuhya Caiaphas, kuhya John, kuhya Alexander, kuhya egewh menik kahenuhwamahjig enewh keche‐sahsahgewejega‐wenenewun, kemahoonjeëdewug emuh Jerusaleming.

⁷ Uhpe dush kahahsahwaud emuh nesuhwuhyeëe ahyahwaud, oogeguhgwajemahwaun, Wagoonan ewh mushkahwezewin, kuhya wagoonan ewh ezhenekahzoowin, oo‐oo kahoonjeëzhechegayag kenuhwah?

⁸ Peter dush, kemooshkenashkahgood enewh Keche‐Oojechaugwun, oo‐oo‐oogeënaun, Kenuhwah wadoogemahmenagwah egewh ahnishenahbag, kuhya katezeyag emuh Israëling.

⁹ Kishpin noongoom kezheguk kuhgwajemegooyaung ewh kahmenoo‐doodahwind owh kahnuhneenuhmezid enene, wagoodoogwan kahoonjekuhyundahwezeähwindan;

¹⁰ Kekanduhmoog kuhkenuh kenuhwah, kuhya kuhkenuh egewh Israëling duhzhe ahnishenahbag, emuh oodezhenekahzoowining owh Jesus Christ Nazarething duhzhe enene, owh kahahgahquahwag, enewh kahahbejebahahjin owh Kesha‐Muhendoo, mesuh owh wanjenebahwid oomah anahsuhmuhbeyag mahbuh enene kuhyundahwezid.

¹¹ Me suh mahbuh ahsin kahwabenag kenuhwah wazhegayag, me suh kache‐ahpetandahgoozid ahsin emuh wahkaheguning.

¹² Kah dush ahweyah bakahnezid ahwese kaöonjebemahjeïndwah bamahdezejig: kah muh gagoo bakahnuk oonoozoowin ahnahme‐kezhegoong meenahsewug egewh enenewug, kaöonjebemahjeëgooyungoobun.

¹³ Uhpe dush kahwahbuhmahwaud kechaugedaäsenid Peterun kuhya Johnun, kahkekanemahwaud dush ewh muzzeneëgun chekekanduhsenid, kemahmahkahdanduhmoog; oogekekanemahwaun dush keweejewahnepun enewh Jesusun.

¹⁴ Wahyahbuhmahwaud dush enenewun kahnoojemoonejin weejekahbahwetahgoowaud, kahween oogekushketoosenahwah ningood cheähgoonwatuhmoowahpun.

¹⁵ Uhpe dush kahenahwaud ningooche cheëzhahnid emuh anduhzhe kahkekedoong, kekeche‐guhnoonedewug.

¹⁶ Oo‐öo kahekedoowaud, Ahneesh kadoodahwungwah oogoo enenewug? kagate suh keoöozhetoowaud keche‐mahmaundahwechegun oodezhekekanemegoowaun kuhkenuh andahnejin emuh Jerusaleming; kah dush kekushketoosemin pukkaun cheëkedooyungoobun.

¹⁷ Chesuhswashkahmahgussenook dush maunduh debahjemoowin emuh ahyahwaud egewh ahnishenahbag, wahweenga aungwahmemahdwahwahnig, kuhnuhga cheweenduhmahwahsigwah ahweyah enenewun oo‐oo oonoozoowin.

¹⁸ Oogenundoomahwaun dush, keäungwahmemahwaud dush wekah chekekedoosenid, kuhya chekekenooähmahgasenid emuh oodezhenekahzoowining owh Jesus.

¹⁹ Peter dush kuhya John oogenuhquatuhwahwaun oo‐oo keënahwaud, Kishpin oonisheshinoogwan emuh enahsuhmuhbid owh Kesha‐Muhnedoo ahwahshema chebezindahgooyag dush ween azhebezinduhwungid owh Kesha‐Muhnedoo, nahnahgahdahwanduhmook.

²⁰ Kahween nekushketoosemin chepwahdebahdooduhmaung enewh kahnoonduhmaungoon kuhya kahwahbunduhmaungoon.

²¹ Uhpe dush nahwuj kahaungwahmemahwaud, oogepuggedenahwaun, mekunsigwah gagoo kageöonjekooduhgeähwahpun, ahnishenahbag oonje; kuhkenuh muh enenewug oogewahwezhanemahwaun enewh Kesha‐Munedoon ewh oonje kahezhechegang.

²² Ahwahshema muh kenemeduhnuh‐duhsoo‐pepoon‐uhgeze owh enene kahmahmaundah‐noojemooïnd.

²³ Kahpuggedenindwah, kepeëzhekewawug emuh anduhzhe‐mahwunjeëdenid ooweejekewaëmahwaun, kewahweenduhmoowaud ewh menik kahegoowaud enewh keche‐sahsahgewejega‐wenenewun kuhya katezenejin.

²⁴ Uhpe dush kahnoonduhmoowaud ewh, mahmahwe kekezhewawug kewahwezhanemahwaud enewh Kesha‐Muhnedoon, oo‐oo keëkedoowaud, Tabaningayun keen keKesha‐Muhnedow, kahoozhetooyun ewh kezhik, kuhya ewh uhkee, kuhya ewh kechegummee, kuhya kuhkenuh emuh ayaugin:

²⁵ Emuh oodooning owh kebuhmeetahgun David kahekedooyun, Ahneeshwin keneeshkahdezewaud egewh mayuggezejig, kuhya egewh ahnishenahbag nahnahguhduhwanduhmoowaud enewh kuhkebahdezewinun?

²⁶ Uhkeeng duhzhe keche‐oogemaug kepuhsegwewug, kuhya egewh tabahkoonegajig kepemahwunjeëdewug chemegahnahwaud enewh Tabaninganejin, kuhya enewh oo‐Christemun.

²⁷ Kagate suh chemegahnahwaud enewh pahnezenejin kebuhmeetahgun Jesusun, wah‐owh kahnuhmuhquenud, keöonjemahoonjeëdewug owh Herod, kuhya Pontius Pilate, kuhya egewh mayuggezejig, kuhya egewh Israeling duhzhe ahnishenahbag.

²⁸ Chetebishkoosittoowaud ewh kuhyet kahenanduhmun kuhya kahenahkoonegayun cheëzhewabuk.

²⁹ Benuh dush, Tabaningayun wahbundun azhekuhgwa‐sagemeyummingidwah; meezh edush kebuhmeetahgunug, emuh kuhkenuh soongedaäwining cheëzhedebahdooduhmoowaud ewh kedekedoowin,

³⁰ Cheshebenuhmun keneenj chenoojemooëwayun; chemahmaundahwejegang, kuhya chekekenoowahjechegang emuh oodezhenekahzoowining owh pahnezid kebuhmetahgun Jesus.

³¹ Uhpe dush kahishquah‐ahnuhmeähwaud kemuhmeegwahsin ewh wegewaum kah‐duhzhe‐mahoonjeëdewaud; kuhkenuh dush oogemooshkenashkahgoowaun enewh Keche‐Oojechaugwun, emuh dush soongedaäwining oogeëzhedebahdoodahnahwah ewh oodekedoowin owh Kesha‐Muhnedoo.

³² Kuhkenuh dush egewh kahdabwayandungig kepazhikwunene oodaëwaun kuhya kepazhegoowun oojechaugoowaun: kah dush ahweyah keëkedoose chedebandung kuhnuhga gagoo ooduhyeemun; kemahmahwe‐tebanjegawug menik kahdebanduhmoowaud.

³³ Emuh dush keche‐mushkahwezewining oogeëzhedebahdoodaunahwah egewh apostleüg ewh oodahbejebahwin owh Tabaningad Jesus; kekeche‐shahwandahgoozewug suh kuhkenuh.

³⁴ Kah dush ahweyah anduhchewaud oogemuhnazeseen gagoo: kuhkenuh muh kahdebandungig ketegaunun kuhya wegewaumun oogeähtahwahganahwah, kuhya oogepeetoonahwah ewh tebahahmahgoowin kahenuhgindanig enewh kahahtahwahgawahjin,

³⁵ Keähtoowaud dush emuh oosittahning enewh apostleün: kemahdahoonahwug dush kuhkenuh egewh enenewug debishkoo kahezhemuhnazewaud.

³⁶ Owh dush Joses, owh Barnabas kahtuhgoo‐weenegood enewh apostleün, (mesuh ahnekuhnootahming, Wagwissemegood aungwahmetahgoozewin,) Levite, Cyprusing kahoonjebaud,

³⁷ Ooduhkeemegoobun, oogeähtahwahgan dush ooduhkeem, oogepeenaun dush enewh shooneäun, keähsaud dush emuh oosittahning enewh apostleün.