OODEZHECHEGAWINEWAH 3 - Ottawa New Testament Penteteuch and Psalms 1874

¹ Owh dush Peter kuhya John keühneweejeendewug keëzhahwaud ewede keche‐ahnuhmeä‐weguhmigoong uhpe wajechesanig cheähnuhmeähwaud, me ewh shaungussoo‐tebahegun.

² Pazhik dush enene kahahchahoosad pahahkoo‐negid kepemewenah, oogeähsahwaun dush emuh ishquaundamewung ewh keche‐ahnuhmeä‐weguhmig ewh Quahnauj kahezhenekahdag, chenundoodahmahwaud gagoo enewh paundeganejin emuh keche‐ahnuhmeä‐weguhmigoong;

³ Uhpe dush wuhyahbuhmaud enewh Peterun kuhya Johnun wepeendeganid emuh keche‐ahnuhmeä‐weguhmigoong, oogenundooduhmahwaun ewh gagoo chemeenegood.

⁴ Peter dush ween kuhya John oogeühyeenzahbuhmahwaun, oo‐oo keënahwaud, Guhnuhwahbuhmeshenaum.

⁵ Oogeguhnuhwahbuhmaun dush, keënandung gagoo chewemeenegood enewh.

⁶ Medush keëkedood owh Peter, Kahween nindooshoo-neähmese kah kuhya nindooöozahwahshooneähmese: Ewh atuh ayahmaun kemeenin: emuh oodezhenekahzoowining owh Jesus Christ Nazareth duhzhe enene, puhsegween, kuhya bemoosan.

⁷ Oogesuggeneenjenaun ewh ookecheneenj, kepuhsegwebenaud dush: bahbega dush enewh oosittun kuhya oodahnekahwegunahnun kemushkahwezemahgudenewun.

⁸ Kahpuhsegwinjesad dush kenebahwe, kuhya kepahbahmoosa oogeühneweejepeendegamaun emuh keche‐ahnuhmeä‐weguhmigoong kepahpahmoosad, kepemequaush-qwanid, kemoojegahahmahzootahwaud dush enewh Kesha‐Muhnedoon.

⁹ Kuhkenuh dush bamahdezejig oogewahbuhmahwaun pahpahmoosanid kuhya moojegahahmahzootahwahnid enewh Kesha‐Muhnedoon;

¹⁰ Oogekekanemahwaun dush ewh ahwenid owh kahnuhmuhduhbepun emuh Quahnauj‐ishquandamewung ewh ahnuhmeä‐weguhmig puhgoosanjegagoobun; oogekeche‐mahmahkahdandahnahwah dush kahdoodahwemind enewh enenewun.

¹¹ Magwah dush owh kahahchahoosad enene kahnoojemooïnd keminjemenaud enewh Peterun kuhya enewh Johnun, kuhkenuh egewh ahnishenahbag pemebuhtoowaud, kepemahwunjeëdewaud emuh anduhzhe‐ahyahnid, emuh tasekauning Solomon ootasekaun azhenekahdag kekeche‐mahmahkahdanduhmoowaud.

¹² Uhpe dush owh Peter kahwahbundung, oogenuhquatuhwaun enewh ahnishenahban, Israel duhzhe enenewedoog, ahneeshwin mahmahkahdanduhmag oo‐oo? ahneeshwin oo‐oo azheguhnuhwahbuhmeyaung, debishkoo nenuhwind tebenuhwa nemushkahwezewinenaung gamuh penahdezewinenaung kahoonjeëzheüngid wah‐owh enene chebemoosad?

¹³ Ookesha‐Muhnedoomun owh Abraham, kuhya owh Isaac, kuhya owh Jacob, Ookesha‐Muhnedoomewaun egewh kooseminahbuneeg, oogepeshegandahgooäun enewh oobuhmeetahgunun Jesusun; me owh kahwabenag, kuhya kahahgoonwayanemag emuh enahsuhmuhbid owh Pilate, uhpe kahenahkoonegad chepuggedenaud.

¹⁴ Kenuhwah suh kegeähgoonwayanemahwah, owh Kache‐Peenezid kuhya Manooëzhewabezid, kegenundahwanemahwah owh nashewashkid chepuhgedenahmahgooyag;

¹⁵ Kegenesahwah dush owh dabandung ewh bemahdezewin, mesuh enewh kahahbejebahahjin owh Kesha‐Muhnedoo; nenuhwind suh ningewahbungamin.

¹⁶ Ween oodoonoozoowining kedabwayanduhmaung oodoonoozoowin oonjemushkahweze mahbuh enene, wuhyahbuhmag kuhya kakanemag; aahe, kedabwayanemind wah‐owh, wanjekuhyundahwezid mahbuh enene enahsuhmuhbeyag kenuhwah kuhkenuh.

¹⁷ Benuh dush nejekewaëdoog, nekekandaun ewh kekanemahsewag kegeöonjeëzhechegam, debishkoo kahezhechegawaud egewh kedoogemahmewaug.

¹⁸ Oonoo dush uhyeëen kezhah kahwahbunduhewagoobunan owh Kesha‐Muhnedoo emuh oodoonening kuhkenuh enewh oodaunwahjega‐wenenemun, chekootuggandung owh Christ, mesuh kahezhedebishkoosetood.

¹⁹ Aunwanindezooyook dush ween kenuhwah, cheäunjeëgooyag, chekuhseebeähmahgooyag dush enewh kemujje‐ezhewabezewinewah, cheöonjedebishkoosag enewh aunwabewine‐kezhegudoon oonje anahsuhmuhbid owh Kesha‐Muhnedoo;

²⁰ Oogahpeëzhenahzhahwaun dush enewh Jesus Christun, owh kezhah kahdebahjemootahmahgooyag:

²¹ Enandahgwud suh cheëzheöodahpenind ewede keche‐kezhegoong peenish debishkoosag uhpe kaäunjeëgahdag kuhkenuh uhyeëen, debishkoo kahekedoogoobunan owh Kesha‐Muhnedoo emuh oodoonening kuhkenuh enewh kachetwahwezenejin oodaunwahjega‐wenenemun, pahahkoo‐mahje‐uhkewung.

²² Kagate suh Moses oo‐oo oogeënaun enewh koosenahnin, Enewh aunwahjega‐wenenewun kegahmeenegoowah owh Jehovah Kekesha‐Muhnedomewah, pazhik kejekewaëwah, ewh goo debishkoo neen azheähyahyaun; me suh owh kabezinduhwag kuhkenuh enewh uhyeëen wagoodoogwan kaënenoowagwan.

²³ Tahezhewabud dush, kuhkenuh bamahdezejig kabezindahwahsigoog enewh aunwahjega‐wenenewun tahbahnahdezewug emuh anduhzhe ahyahwaud egewh ahnishenahbag.

²⁴ Kagate egoo, kuhkenuh egewh aunwahjega‐wenenewug pahahkoo‐bemahdezid owh Samuel kuhya egewh kahahneka‐bemahdezejig, kuhkenuh egewh kahaunwahjegajig, kezhah oogewahweendahnahwah oonoo kezhegudoon.

²⁵ Kenuhwah kedoonejahnesemegoowaug egewh aunwahjega‐wenenewug, kuhya kedebandahgoozim emuh kekindewining kahoozhetuhmahwaud owh Kesha‐Muhnedoo enewh koosenahnin, oo‐oo keënaud enewh Abrahamun, Keen kaöonejahneseyun tahoonjeshahwandahgoozewug kuhkenuh ahnooj azheweenzoojig ahnishenahbag oomah uhkeeng.

²⁶ Kenuhwah netum kemeenenag owh Kesha‐Muhnedoo enewh oobuhmeetahgunun Jesusun oogepeëzhenahzhahwaun dush cheshahwanemenag, cheöonjequakeënenag kuhkenuh anduhcheyag enewh kemujjeëzhewabezewinewah.