OODEZHECHEGAWINEWAH 27 - Ottawa New Testament Penteteuch and Psalms 1874

¹ Uhpe dush kahenahkoonegang, cheühneënahsheyaung emuh Italying, oogepuggedenahwaun enewh Paulun kuhya ahnind kabahquahegahzoonejin emuh ooneenjeening pazhik menesenoo‐oogemaun Julius azhenekahzoonejin, Augustus oomenesenoo‐oogemahmun.

² Kahpoozeyaung emuh nahbequauning Adramyttiuming dabandahgwuk, ningemahjeyahshemin, enanduhmaung weënahsheyaung chegeebeeg Asiaïng: ningeweejewahnaun dush pazhik enene Aristarchus azhenekahzood, Macedoniaïng duhzhe‐enene emuh Thessalonicaïng kahoodatood.

³ Wahyahbung dush ningetuhgwishenoomin emuh Sidoning. Julius dush oogemenoo‐doodahwaun enewh Paulun, kuhya oogepuggedenuhmahwaun cheëzhahnid enewh kakanemahjin cheshahwanemegood enewh.

⁴ Uhpe dush ewede kahoonjemahjeyahsheyaung, ningeënahshemin chegeebeeg ahgwindag Cyprus menis, ningeöonjishkahwahahmin gooshah.

⁵ Uhpe dush kahuhneähzhahwahsheyaung emuh Ciliciaïng kuhya Pamphyliaïng duhzhe kechegummeeng, ningetuhgwishenoomin emuh Myraïng Lyciaïng duhzhe keche‐oodanah.

⁶ Me emuh owh menesenoo‐oogemah kahmekung Alexandriaïng duhzhe nahbequaun enahshemahguk emuh Italying; me dush emuh kepoozeyummingid.

⁷ Uhpe kahpatahsheyaung nebewah duhsoogoon, ahgahwah ningetuhgwishenoomin debishkoo Cnidusing, eköonjishkah‐wahnemud, ningeënahshemin cheegeebeeg agwindag Crete, debishkoo ewh Salmone:

⁸ Ahgahwah dush kepemekuhbikkahsheyaung, ningetuhgwishenoomin emuh Menoo‐uhgoomoowinun azhenekahdag; cheguhyeëe anduhgoog emuh Laseä keche‐oodanah.

⁹ Uhpe kinooäzh kahduhzhetahyaung, kuhya kenuhnezahnuk ewh pemahshewin, zhuhyegwah keïshquah‐keëquishemoong, Paul oogekuhgaunzoomaun.

¹⁰ Oo‐oo dush keënaud, Enenewedoog, nekekandaun oo‐oo pemahshewin tahoonje‐nahnezahnudoon kuhya tahbahnahdudoon kahween atuh enewh kahpoosechegahdagin emuh nahbequauning, kuhya ewh nahbequaun kuhya kebemahdezewinenahnin.

¹¹ Owh dush menesenoo‐oogemah ahwahshema oogedabwatahwaun enewh wagemahkunduhmenejin kuhya enewh debandahmenejin nahbequaun, dush ween oonoo uhyeëen kahekedoojin owh Paul.

¹² Kah dush keöonesheshinsenoon uhgoomoowin chepepooneshingebun, nahwuj nebewah keëkedoowug, kuhya ewede cheöonje‐mahjahyaung, kishpin kuhnuhga kushketoowaungan chetatuhgwishenaung emuh Phœnixing, mesuh Creteïng duhzhe uhgoomoowin azhebeähmahguk emuh apungishemook kuhya emuh kewadinoong enuhkuhkayah.

¹³ Uhpe shahwane‐nooding agauj apeetahnemuk, keënanduhmoowaud kagate weëzheähyahnig azhenunduhwanduhmoowaud keënahshewug cheegeebeeg emuh Creteïng.

¹⁴ Kahmahjeyahsheyaung kazhetena kepuhgedahnemud keche nootin Euroclydon azhenekahdag.

¹⁵ Uhpe dush kekeche‐öonjishkahwahuhmoomahguk nahbequaun, kekechewesuggahnemud, kekushketoosewaung wandahnemuk cheënahsheyaung, nindahwah ningepuggedenahmin chepemewabuhung.

¹⁶ Cheguhyeëe dush keënahsheyaung emuh agwindag pazhik menis Clauda aduhming, ahgahwah ningebemahjetoomin ewh nuhbugge‐chemaun:

¹⁷ Uhpe dush kahbemahjetoowaud ewh nuhbugge‐chemaun oogeähbujjetoonahwah enookahzoowinun, cheminjemoosetoowaud ewh nahbequaun kekootuhmoowaud wezhakesawaud emuh matuhtaungaug keöonjenesahbegenuhmoowaud enewh ningahsemoonun, mesuh kahezhewabahung.

¹⁸ Uhpe dush kahkeche‐kootugge‐wabuhgooyaung oonje keche‐nooting, wahyahbunenig oogepahkoobe‐wabenahnahwah emuh nahbequauning atagin cheöonje‐kindaushkahsenook.

¹⁹ Nasuhgoonahguk ningepahkoobe‐wabenahnin enewh uhyeëen kahdebandahgwukkin emuh nahbequauning, tebenuhwa neneenjenahnin keähyooyaung.

²⁰ Uhpe nebewah duhsoogoon kesuhgahtasigwah kezis kuhya ahnungoog, kuhya kahkechewesuggahnemuk kahween kayahbe ningeënanduhsemin webemahdezeyaung.

²¹ Kenooäzh dush kahkeëquishemood owh Paul, kenebahwe emuh nahwuhyeëe anduhzhe ahyahwaud, oo‐oo keëkedoo, Enenewedoog, kedahgebezinduhwim, cheöonje-mahjeyahshesewagoobun oonje Creteïng, oo‐oo cheëzheähnemezesewagoobun kuhya chewuhnahjetoosewagoobun.

²² Benuh dush kekuhgaunzoomenenim chesoongedaäyag: kah muh ahweyah enene menik anduhcheyag oogahwahnahjetooseen oobemahdezewin, me atuh nahbequaun.

²³ Kenebahwewun muh pashoo shangeshinaun noongoom ketebekuk, oodangenemun owh Kesha‐Muhnedoo, dabanemid, kuhya owh bameetuhwug,

²⁴ Oo‐oo keëkedood, Kagoo sagezekan, Paul; kegahnebahweëgoo emuh anahsuhmuhbid owh Cæsar: benuh dush, Kesha‐Muhnedoo kegemeenik kuhkenuh pameweedahshemudjig.

²⁵ Mesuh dush, enenewedoog, kaöonjesoongedaäyag; nindabwatuhwah muh owh Kesha‐Muhnedoo, kagate weezhewabuk debishkoo kahezhewahweenduhmahgooyaun.

²⁶ Kegahahgwahyahshemin suh emuh pazhik menising.

²⁷ Uhpe dush kahmetahsoogoonuhguk‐ahshe‐newin kahtebekuk magwah kayahbe dush pahpahwabahoogooyaung emuh Adria kechegummeeng, ahyahbetah tebekudenig egewh nahbequaune‐enenewug keënanduhmoog cheguhyeëe duhnezewaud ningooje uhkeeng;

²⁸ Kedookuhkeeëgawug, oogekekandahnahwah nishtuhnuh dussonik aquinduhmaug: menuhwah pashoo tagwishenoowaud kedookuhkeeëgawug, oogekekandahnahwah dush metahsoonik ahshe nahnun aquinduhmaug.

²⁹ Me dush kekootuhmoowaud emuh ahzhebikaung chepuggedahsheyaung, emuh oodahkauning oogeoonjepahkoobe‐wabenahnahwah newin poonekunjegunun, oogenundahwandahnahwah dush chepetahbunenig.

³⁰ Uhpe dush egewh nahbequaune‐enenewug wahoonjekeemewaud emuh nahbequauning, oogeëzhenesahbeginahnahwah ewh nuhbugge‐chemaun emuh kechegummeeng oonjenemetahmoonuhgaung wepahkoobe‐wabenuhmoowaud enewh poonekunjegunun, ahneeshah keëkedoowug,

³¹ Paul dush oo‐oo oogeënaun enewh menesenoo‐oogemaun kuhya enewh shemahgunishun, Kishpin oogoo ahyahsigwah emuh nahbequauning, kahween kegahbemahjeëgooseem kenuhwah.

³² Me dush egewh shemahgunishug kekekishkahmoowaud enewh keche‐ahsubaubeen, kepahkoobe‐wabenahmoowaud dush nuhbugge‐chemaun.

³³ Uhpe dush zhuhyegwah pahtahbung, Paul oogeënaun kuhkenuh chenahkoowa‐wesenenid, oo‐oo keëkedood, Noongoom kezheguk zhuhyegwah metahsuhgoonuhgud ahshe newin akoo beetooyag chepoonahnemuk kuhya akoo-wesenesewag.

³⁴ Kepahgoosanemenim dush cheweseneyag; me muh kaöonje‐menoo‐bemahdezeyag: kah gooshah ahweyah anduhcheyag oogahoonjepungesittooseen ewh wenesis emuh ooshtequauning.

³⁵ Uhpe dush oo‐oo kahekedood oogeöodahpenaun enewh buhquazhegunun, kemahmooyahwahmaud dush enewh Kesha‐Muhnedoon, emuh anahsuhme‐ahyahnid kuhkenuh: uhpe dush kahbuhquabenaud kemahje‐wesene.

³⁶ Me dush kuhkenuh keminwanduhmoowaud, kuhya dush keöodahpenahmoowaud meejim.

³⁷ Neezhwauk‐ahshe‐neezhwauswe‐meduhnah ahshe ningoodwauswe keduhcheyaung kuhkenuh emuh nahbequauning ayahyaung.

³⁸ Kahtabesinewaud dush oogenaungittoonahwah nahbequaun, kepahkoobe‐wabenahwaud buhquazhegun.

³⁹ Uhpe dush kahzheguk, kahween oogenesittuhwe-nuhsenahwah ewh uhkee: oogemekahnahwah pazhik wequadoons anduhzhe metahtahwaungaug; me emuh keënanduhmoowaud, kishpin kushketoowaud, chezhakesittoowaud nahbequaun.

⁴⁰ Uhpe dush kahkishkegahuhmoowaud oogenuhguh-dahnahwah enewh poonekunjegunun emuh kechegummeeng keähbahahmoowaud dush ewh oodahkaun, oogeöombahkoonahnahwah kecheningahsuhmoon me dush keëzheähgwahyahshewaud.

⁴¹ Kepuhgummahshewaud emuh neezh tegoowug nuhquashkoodahdewaud, oogezhakissetoonahwah nahbequaun; Nemetahmoonaug kecheminjemoosin, kah dush mahmundah kemahmahjeähyahsenoon, oodahkaun dush kepegoowabahun oonjekepuguhdaushkaug.

⁴² Egewh dush shemahgunishug keëkedoowug chenesindwah egewh takoonegahzoojig, koonemah ahweyah tahahgwahyahduhgah cheöozhemood.

⁴³ Owh dush menesenoo‐oogemah keënandung chebemahjeäud enewh Paulun, kahween oogepuggedenuhmahwahseen cheëzhecheganid; keëkedoo dush, egewh natuhwahduhgahjig netum cheähgwahyahduhgahwaud dush.

⁴⁴ Ahnind dush oogij nuhpuggesuhgoong, menuhwah ahnind keähyoowaud enewh nahbequauning duhzhe uhyeëen kahpahbahahgwindagin. Me dush kahezhewabuk kuhkenuh wawane keähgwahyahduhgahwug emuh uhkeeng.