OODEZHECHEGAWINEWAH 26 - Ottawa New Testament Penteteuch and Psalms 1874

¹ Me dush Agrippa keënaud enewh Paulun, Kepuggedenuhmahgoo chekuhnoodahmahzooyun. Me dush owh Paul keshebenikanid, kuhya kekuhnooduhmahzood:

² Nindenanindiz shahwandahgoozeyaun, keche‐oogemah Agrippa, ewh wekuhnooduhmahzooyaun noongoom kezheguk emuh anahsuhmuhbeyun weduhzhinduhmaun dush kuhkenuh oonoo uhyeëen wanje‐ahnahmemewaud Jewyug:

³ Mamwach kekanemenaun netah‐kekanduhmun kuhkenuh enewh oodezhetwahwinewah kuhya ookuhgwadwawinewah egewh Jewyug: me suh wanje‐pahgoosanemenaun wawane chebezinduhweyun.

⁴ Kahezhewabezeyaun pahahkoo‐ooshkenegeyaun, wuhyashkud keduhnuhkeeyaun emuh ahyahwaud neej‐ahnishenahbag ewede Jerusaleming, nindezhekekanemegoog kuhkenuh egewh Jewyug;

⁵ Egewh kahkekanemejig wuhyashkud, kishpin enanduhmoowahpun chedebahjemewaud, ewh azhewabezewaud kache‐mekindunjig nindahnuhmeähwinenaun Phariseeng ningeëzhewabiz.

⁶ Noongoom nenebow kuhya nindoonje‐tebahkoonegoo ahpanemooyaun enewh wahweenduhmahgawinun egewh nooseminahbuneeg kahezhewahweenduhmahgoowaud enewh Kesha‐Muhnedoon:

⁷ Me suh ewh wahweendahmahgawin ahpanemoowaud oodittuhmoowaud egewh metauswe‐ahshe‐neezh anduhswayuggezejig, wawane buhmeetahwahwaud enewh Kesha‐Muhnedoon kezhegudenig kuhya tebekudenig. Mesuh oo‐oo ahpanemoowin keche‐oogemah Agrippa wanjeähnahmemewaud Jewyug.

⁸ Ahneeshwin dabwatunsewag, enandahgoozid Kesha‐Muhnedoo cheähbejebahahpun enewh naboonejin?

⁹ Neen dush ningeënandum kagate nundahwandahgoozeyaun nebewah chemujje‐doodahmaun oodezhenekahzoowin owh Jesus Nazareth duhzhe enene.

¹⁰ Mesuh kahezhechegayaun ewede Jerusaleming: kuhya kebahquahugwah nebewah anuhmeähjig emuh kebahquahoode‐weguhmigoong, egewh keche‐sahsahgewejega‐wenenewug kahmeezhewaud ewh kushkeäwezewin; kuhya uhpe nasindwah ningeëkid mahnoo chenesindwah.

¹¹ Nuhningim dush ningekooduggeäug emuh kuhkenuh ahnuhmeä‐weguhmigoong, kuhya ningewekoojeäug ketwa chemujje‐kezhwawaud; kahahpeechsheenganemugwah, ningenoosoonaäug emuh penish pakaunukin keche‐oodanahwun.

¹² Me dush magwah keëzhahyaun ewede Damascusing egewh keche‐sahsahgewejega‐wenenewug kemeezhewaud ewh kushkeäwezewin kuhya keähnoozhewaud.

¹³ Nuhyahwuhquag, Oh keche‐oogemah, ningewahbundaun emuh meekunaung kezhegoong oonje wahsayahzewin, ahwahshema kezisoong azhewahsayaug emuh ahyahyaun kuhya egewh kahweejewugig pemoosayaung.

¹⁴ Uhpe dush kuhkenuh kahkahwesayaung emuh metushkuhkummig ningenoonduhwah pazhik ganoozhid, emuh Hebrew‐inwawining oo‐oo ezhid, Saul, Saul, wagoonan wanje-kootuggeëyun? sunnuhgud suh chedungiskuhmun enewh kahnaugin.

¹⁵ Oo‐oo dush ningeëkid, Ahwanan keen, Tabaningayun? Oo‐oo dush keëkedoo, Nindow owh Jesus quatuggeüd.

¹⁶ Puhsegween dush, nebahwin emuh kesittaung: me muh wanje‐wahbunduhenaun neyow, cheöonjebuhmeetuhmun kuhya chedebahdooduhmun oonoo uhyeëen kahwahbunduhmunin, kuhya oonoo kayahbe kawahbunduhenaun;

¹⁷ Chemetahgwamoonaun egewh ahnishenahbag, kuhya egewh mayuggezejig noongoom azhenahzhahoonaun cheëzhahyun,

¹⁸ Chepahkahkoonuhmoowudwah ooshkinzhegoowaun, kuhya oonje quakeüdwah debandahgoozewaud puhsuhgish tebekudoong chedebandahgoozewaud emuh wahsayahzewining, kuhya debanemegoowaud enewh Satanun chedebanemegoowaud enewh Kesha‐Muhnedoon, chewabenuhmoowindwah oomujje‐ëzhewabezewinewah, chedebandahsoowaud emuh anduhzhe‐debandahsoowaud egewh kahmenooëzhewabezeïndjig, dabwayanemewaud oonje.

¹⁹ Kahween dush, Oh keche‐oogemah Agrippa, ningekuhgaunzetunseen ewh keche kezhegoong oonje enahbundahmoowin;

²⁰ Ningewahbundahaug dush netum egewh Damascusing ayahjig, kuhya ewede Jerusaleming, kuhya kuhkenuh anegookookummegaug Judea duhzhe uhkee, nahguj edush egewh mayuggezejig, ewh cheäunwanindezoowaud kuhya chequakekahbahwetahwahwaud enewh Kesha‐Muhnedoon, kuhya cheähnookewaud enewh aunwanindezoowine‐ahnookewinun.

²¹ Mesuh kahoonjetuhkoonewaud egewh Jewyug emuh keche‐ahnnhmeä‐weguhmigoong, kenunduhwanduhmoowaud ewh weneshewaud.

²² Weedookahwid dush Kesha‐Muhnedoo, nindoonje-aunwahjew nahnauzh egoo noongoom kezheguk, debahjemootuhwugwah egewh agahsheëjig kuhya egewh kachetwahwezejig, oonoo nahsaub uhyeëen kahekedoowaud egewh aunwahjega‐wenenewug kuhya Moses wahezhewabukin;

²³ Kagate enandahgoozid owh Christ chekooduggetood, kuhya dush ween netum cheähbejebaud, chewahbundahaud dush wahsayahzewin enewh ahnishenahban, kuhya enewh mayuggezenejin.

²⁴ Magwah dush kuhnoodahmahzood, Festus keëkedoo kekeche‐kezhewad, Paul kekewuhnahdiz; kegekewuhnah-dezeëgoon nebewah kenebwahkahwin.

²⁵ Ween dush keëkedoo, Kahween nekewuhnahdezese, kachetwahwezeyun Festus; nekekedoonun dush enewh dabwawine kuhya nebwahkahwine‐ekedoowinun.

²⁶ Keche‐oogemah suh ookekandaunun oonoo uhyeëen, wawane mezheshuh nekekid anahsuhmuhbid: kah suh gagoo oodoonanduhseen kuhkenuh oonoo uhyeëen, nindenandum; kah muh emuh kemoodezewining keduhzhe‐ezhechegahdasenoon oo‐oo uhyeëe.

²⁷ Keche‐oogemah Agrippa, kedabwatuhwaug nuh egewh aunwahjega‐wenenewug? Nekekandaun suh ewh kagate dabwatuhwudwah.

²⁸ Me dush Agrippa oo‐oo keënaud enewh Paulun, Wanepuzh kedahkuske cheähnuhmeähyaun.

²⁹ Paul dush keëkedoo, Nindahnuhmeätuhwah suh owh Kesha‐Muhnedoo, kahween atuh keen, kuhya kuhkenuh mahmig nwaunduhwejig noongoom kezheguk, kishpin wanepuzh gamuh kishpin ahgahwah chetaezheähyahyagoobun azheähyahyahyaun neen, oonoo atuh minjemahpenegoowinun, kahween.

³⁰ Uhpe dush oo‐oo kahekedood, keche‐oogemah kepuhsegwe, kuhya owh oogemah, kuhya Bernice, kuhya enewh wahduhbemegoowahjin:

³¹ Uhpe dush puhkayeëeng kahezhahwaud, kenahkoowa‐guhnoonindewaud, oo‐oo keëkedoowaud, Kahween gagoo ezhechegase wah‐owh enene kaöonjeneboopun gamuh kaöonje‐tuhkoobenindepun.

³² Me dush Agrippa oo‐oo keënaud enewh Festusun, Tahgepuggedenah suh mahbuh enene, kishpin ekedoosigebun, ningahtebahkoonegoo anahsuhmuhbid owh Cæsar.