OODEZHECHEGAWINEWAH 24 - Ottawa New Testament Penteteuch and Psalms 1874

¹ Kahnaunoogoonuhguk Ananias owh keche‐sahsahgewejega‐wenene kepeëzhah, pemeweejewaud enewh katezenejin, kuhya pazhik kekedoo‐wenenewun Tertullus azhenekahzoonejin, mesuh egewh kahbahtahmahjig enewh Paulun emuh anahsuhmuhbenid enewh oogemaun.

² Uhpe dush kahnundoomind owh Paul, Tertullus oogemahje‐bahtahmaun enewh, oo‐oo keëkedood, Nekekandahmin keche‐pezaunuhkummeguk anduhnuhkeeyaung, kuhya keche‐menoo‐doodahwindwah oogoo ahnishenahbag, kenebwahkahwining oonje.

³ Kuhkenuh mahmooyahwawining nindezheöodahpenahmin moonzhug kuhya mezewakummig, keen kachetwahwezeyun Felix.

⁴ Ahneesh ahneshah cheöodummeïssenoowaun, kepahgoosanemin chebezinduhweyaung emuh keshahwanjegawining punge wahekedooyaung.

⁵ Ningemekahwahnaun muh mahbuh enene mujje‐ahyahahwishewid kuhya wekoojeäud enewh Jewyun cheöombuzzhekummegezenid emuh anegookookummegaug ewh uhkee, kuhya negaunezetuhwaud enewh Nazareneün kahpukkatahnejin:

⁶ Mesuh wah‐owh kahwekoojetood cheweenetood ewh keche‐ahnuhmeä‐weguhmig: ningetuhkoonahnaun dush, cheëzhetebahkoonungidebun debishkoo anandahgwuk netebahkoonegawinenaun.

⁷ Owh dush Lysias keche‐menesenoo‐oogemah kepeëzhah, ketwa dush ningemuhkummegoonaun.

⁸ Keëkedoo dush egewh buhyahtahmahjig chepenaunzekookwah: keen dush kekuhgwajemud chekekanduhmun kuhkenuh oonoo uhyeëen azheähnahmemungid.

⁹ Egewh dush Jewyug oogeënahjemahwaun kedabwanid kuhkenuh menik kahekedoonid.

¹⁰ Paul dush, kahwahwahtukwahmegood enewh keche‐oogemaun chekekedood, kenuhquatum, Kekanememaun nebewah duhsoo kekenoonoowinun tebahkoonudwah oogoo ahnishenahbag, nahwuj nindoonje‐minwandum cheguhnoodahmahzooyaun.

¹¹ Kekushketoon chekekanduhmun metahsoogoonuhgud atuh ahshe neezh kahahkoo‐ezhahyaun ewede Jerusaleming weähnuhmeähyaun.

¹² Kah dush ningemekahgooseeg emuh keche‐ahnuhmeä‐weguhmigoong keche‐guhnoonug ahweyah enene, gamuh oombahzoomugwah egewh ahnishenahbag, kah kuhya emuh ahnuhmeä‐weguhmigoong, kah kuhya emuh keche‐oodanaung:

¹³ Kah dush ookushketoosenahwah chewahbunduhewawahpun dabwamahguk oonoo uhyeëen wanje‐bahtahmewaud.

¹⁴ Maunduh dush ween kewahweenduhmoon, ewh ezhewabezewin puhkatahwin aduhmoowaud, nindezheähnuhmeätuhwah ooKesha‐Muhnedoomewah egewh noosebuneeg, dabwayanduhmaun kuhkenuh wazhebeëgahdagin emuh tebahkoonegawining kuhya emuh aunwahjegawining:

¹⁵ Kuhya dush ahpanemooyaun emuh anuhkuka Kesha‐Muhnedoo, debishkoo weenuhwah enanduhmoowaud, weahbejebahwaud egewh naboojig egewh manoo‐ezhewabezejig kuhya egewh maje‐ëzhewabezejig,

¹⁶ Me suh ewh mahkinduhmaun cheöonje‐kekanindezoosewaun gagoo chemujje‐doodahwug Kesha‐Muhnedoo kuhya goo enenewug.

¹⁷ Kahnebewah‐dussoo‐pepoon‐andeyaun ningepeëzhah petoomahwugwah neejahnishenahbag enewh shahwanjegawine‐meegewawinun kuhya cheähtooyaun enewh sahsahgewejegunun.

¹⁸ Me suh uhpe ahnind Asiaïng duhzhe Jewyug kemekahwewaud peeneëgoozeyaun emuh keche‐ahnuhmeä‐weguhmigoong, kahween nebewah ahnishenahbag ningepemeweejewahseeg, kah kuhya ningeöombwaähseeg.

¹⁹ Me suh oogoo kagepeëzhahpuneeg oomah anahsuhmuhbeyun, chedebahjemewaud, kishpin kekanemewaud gagoo kemujjeëzhechegawaunan.

²⁰ Mahnoo tahtebahjemoowug oogoo oomah nahbahwejig, kishpin kemekahwewahgwan gagoo mujje‐ezhechegayaun nebahweyaunbaun anahsuhmuhbewaud egewh kekedoo‐wenenewug,

²¹ Me atuh oo‐oo pazhik ekedoowin, kahekedooyaun magwah nebahweyaun emuh anduhzhe‐ahyahwaud, Ewh oodahbejebahwinewah egewh naboojig wanje‐tebahkooneyag noongoom kezheguk.

²² Uhpe dush Felix kahnoondung oonoo uhyeëen, puhgukkandung ewh ezhewabezewin, Bahnemah nahguj ningahenahkoonega oogeënaun, oo‐oo keëkedoo, Bahnemah ketuhgwishing owh Lysias keche‐menesenoo‐oogemah, ningahpuhgukkandaun azhewabuk oo‐oo azhebahtaungayag.

²³ Oogeënaun dush pazhik menesenoo‐oogemaun cheguhnuhwanemahnid enewh Paulun, chepuhgedenuhmahwemind uhyenanduhmenid cheëzhecheganid, chekenahah‐mahwahsememind oodenuhwamahgunun chebuhmeetahgood gamuh chemahwuddesegood.

²⁴ Goomah menik duhsuhgoon uhpe tagwishing owh Felix peweejewegood enewh wewun Drusillaün, kahJew‐equawenid, oogenundoomaun enewh Paulun, kuhya oogebezinduhwaun duhzhinduhmenid oodabwayanemigoowin owh Christ.

²⁵ Magwah dush duhzhindung ewh quuhyuk‐ezhewabezewin, minjeminedezoowin kuhya ewh tebahkoonegawin kaöojechesag, kenuhningishkah owh Felix, oo‐oo dush oogeënaun, Mahjaun noongoom, uhpe oonduhmetahsewaun kegahnundoomin.

²⁶ Keënandum kuhya shooneäh chemeenegood enewh Paulun, cheöonjepuggedenaud: mesuh ahyahpe kahoonje-nundoomaud, weguhnoonaud.

²⁷ Kahneezhoo‐pepoonahguk Porcius Festus oogepenahbishkahwaun enewh Felixun: Felix dush, enandung weminwanduhmooäud enewh Jewyun, oogenuhguhnaun enewh Paulun minjemahpenegahzoonid.