OODEZHECHEGAWINEWAH 23 - Ottawa New Testament Penteteuch and Psalms 1874

¹ Paul dush, keühyeenzahbuhmaud enewh kahkekedoo‐wenenewun, oo‐oo keëkedoo, Enenewedoog wejekewaëmahdoog, Ningeëzhebemahdez menik kahezhekekanduhmaun wanesheshing emuh nindenanduhmoowining anuhsuhmuhbid Kesha‐Muhnedoo nahnauzh egoo noongoom kezheguk.

² Owh dush keche‐sahsahgewejega‐wenene Ananias oogeënaun enewh pashoo nahbahwenejin chepukkedawahnid emuh oodoonening.

³ Me dush Paul oo‐oo keënaud, kegahpuhkittaöok suh owh Kesha‐Muhnedoo keen wuhyahbishkahegahdag wahkaheguning azhewabezeyun; kedoonje‐nuhmuhdub nuh chetebahkooneyun debishkoo enandahgwuk ewh tebahkoonegawin, kedekid dush nah chepukkettaöogooyaun ewh anandahgwussenook ewh tebahkoonegawin?

⁴ Egewh dush pashoo kahnebahwejig keëkedoowug, Kemujje‐guhnoonah nuh Kesha‐Muhnedoo ookeche‐sahgewejega‐wenenemun?

⁵ Me dush Paul keëkedood, Kahween ningekekanemahse, nejekewaëdoog, chekeche‐sahsahgewejega‐wenenewid: oo‐oo muh oozhebeëgahda, Kahween kegahmujjeduhzhemahse owh wagemahkunduhwaud enewh kedahnishenahbamun,

⁶ Uhpe dush Paul kakanemaud ahnind Sadduceewenid, menuhwah dush ahnind Phariseewenid, oo‐oo keëzhepepahge emuh anduhzhe kekedoong, Enenewedoog nejekewaëdoog, nePhariseewh, nindoogwissemik dush Pharisee: oonje oodahpanemoowinewaun kuhya oodahbejebahwinewaun egewh naboojig noongoom kezheguk netebahkoonegoo.

⁷ Uhpe dush oo‐oo kahekedood, kekekaundewug egewh Phariseeg kuhya egewh Sadduceeg: papukkaun dush keühyenanduhmoog egewh waqueenoojig.

⁸ Egewh muh Sadduceeg ekedoowug Kahween ahyahmahgussenoon ewh ahbejebahwin, kah kuhya ahyahse ahweyah angen gamuh oojechaugoomah: egewh dush Phariseeg oodabwayandahnahwah nuhyazh.

⁹ Medush kahezhekeche‐pepahgeeng: egewh dush oozhebeëga‐wenenewug kahwedookahwahjig enewh Phariseen kepuhsegwewug, kekekaungawaud, oo‐oo ekedoowaud, Kahween gagoo mujjeëzhewabezewin nemekuhmahwahsenaun mahbuh enene: kishpin dush keguhnoonegood enewh oojechaugoomaun, gamuh enewh angenun kahween kedahmegahnahsenaun Kesha‐Muhnedoo.

¹⁰ Uhpe dush kahkeche‐kekaundewaud, owh keche‐menesenoo‐oogemah kesageze chewebahnahjeähnid enewh Paulun, oogeënaun enewh shemahgunishun chenesaunduhwanid, ketwa dush cheöonjeöodahpenahnid emuh anduhzhe‐ahyahnid enewh ahnishenahban, cheëzheweenahnid dush emuh keche‐wahkaheguning.

¹¹ Uhpe dush menuhwah nebah‐debekudenig, owh Tabaningad kenebahwe emuh ahyahnid, oo‐oo dush keëkedood, Soongedaän, Paul: debishkoo muh kahezhedebahjemeyun emuh Jerusaleming, me nahsaub kaëzhedebahje-meyun ewede Romeïng.

¹² Uhpe dush wuhyahbung, abnind egewh Jewyug kewedookoodahdewug, kekeche‐mushkahwe‐wahweendahmahgawaud, keëkedoowaud kuhnuhga wewesenesigwah kuhya wemenequasigwah nahnauzh nesahwaud enewh Paulun.

¹³ Ahwahshema kenemeduhnuhwawug oo‐oo kahezhe-weedookoodahdejig.

¹⁴ Oogepenaunzekahwahwaun dush enewh keche‐sahsahgewejega‐wenenewun kuhya enewh katezenejin, oo‐oo dush keëkedoowug, Ningekeche‐mushkahwewahweenduhmahgamin, kuhnuhga wewesenesewaung nahnauzh nesungid owh Paul.

¹⁵ Kenuhwah dush kuhya egewh kahkekedoo‐wenenewug enik owh keche‐menesenoo‐oogemah, chepetuhmoonag wahbung, debishkoo nahwuj wawane chekuhgwadwayag azhewabezid: nenuhwind dush chepwah pashoo petuhgwishing nekezheetahmin chenesungid.

¹⁶ Uhpe dush Paul ooningwunissun kahnoonduhmenid oodahkoowahbewinewaun, kezhah kepeendega emuh keche‐wahkaheguning, keweenduhmoowaud dush enewh Paulun.

¹⁷ Medush owh Paul kenundoomaud pazhik enewh menesenoo‐oogemaun, oo‐oo dush keëkedoo, Ezheweezh mahbuh ooshkenuhwa emuh anduhzhe‐ahyaud owh keche‐menesenoo‐oogemah: gagoo muh ooweweenduhmoowaun.

¹⁸ Medush keöodahpenaud, keëzheweenaud dush emuh ahyahnid keche‐menesenoo oogemaun, oo‐oo dush keëkedoo, Paul owh kabahquahegahzood ningenundoomik, ningepahgoosanemik dush chepeetuhmoonaun mahbuh ooshkenuhwa, gagoo muh keweënik.

¹⁹ Medush owh keche‐menesenoo‐oogemah kesuhgeneenjenaud, ningooche dush keemooj oogepuhkawenaun, oo‐oo dush keëzhekuhgwajemaud, Wagoonan ewh wahweenduhmooweyun.

²⁰ Oo‐oo dush keëkedoo, Egewh Jewyug keëzhekuhnoonindewug chenunduhwanemikwah chepeëzheweenud owh Paul wahbung emuh anduhzhe‐kahkekedoong, gagoo nahwuj wawane newekuhgwajemahnaun, tahekedoowug.

²¹ Kagoo bezinduhwahkan: oodahkahmahwahwaun suh ahwahshema nemeduhnuh enenewug, kahkechewahweenduhmahgajig, wewesenesigwah kuhya wemenequasigwah nahnauzh kenesahwaud enewh: ahzhuh suh kezheetahwug betoowaud kewahweenduhmahgawin.

²² Medush owh keche‐menesenoo‐oogemah kepuggedenaud enewh ooshkenuhwan chemahjahnid, kuhya keäungwahmemaud, oo‐oo keënaud, Aungwahmezin cheweenduhmoowahsewud ahweyah enene ewh keweenduhmooweyun oonoo uhyeëen.

²³ Oogenundoomaun dush neezh menesenoo‐oogemaun, oo‐oo‐keëkedood, Wuhwazheïk neezhwauk shemahgunishug cheëzhahwaud ewede Cæsareäïng, uhpe nesoo‐tebahegunag tebikuk kuhya bamoomindjig neezhwauswe‐meduhnuh, kuhya shemahgunun ashwejig neezhwauk;

²⁴ Oondenuhmoowik dush enewh ahwahkahnun, kapemoomegoojin owh Paul, wawane cheëzheweenahwaud emuh ahyahnid oogemaun Felix.

²⁵ Oogeöozhebeäun dush muzzeneëgun oo‐oo keëzhebe gad:

²⁶ Claudius Lysias ooduhnuhmekahwaun enewh kachetwahwezenejin oogemaun Felixun.

²⁷ Mahbuh enene oogetuhkoonegoon enewh Jewyun, oodahgenesigoon dush: me dush keëzhahyaun kuhya neshemahgunishemug, kepemahjeüg dush kahkekanemug cheRomanewid.

²⁸ Uhpe dush wahkekanduhmaun ewh wanjebahtahmahwaud, ningeëzheweenah emuh anduhzhe‐kahkekedoowaud:

²⁹ Me dush kekekanduhmaun ewh enahmemind anandahgwudenig wenuhwah ootebahkoonegawinewah, kah dush gagoo keënahmemahse kaöonjenebood gamuh kaöonje-minjemahpenind.

³⁰ Uhpe dush kahweenduhmahgooyaun keähkahmahgood enewh Jewyun, kazhetena ningeähnookee cheëzhewenind anduhzhe‐ahyahyun, ningeënaug dush egewh bahyahtahmahjig chedebahjemoowaud emuh anahsuhmuhbeyun wagoodoogwan anahmuhmahwahgwan. Kedahnuhmekoon.

³¹ Me dush egewh shemahgunishug, debishkoo kahezhekuhgaunzoomindwah, keöodahpenahwaud enewh Paulun, keëzhewenahwaud magwah tebekudenig ewede Antipatrising.

³² Wahyahbunenig dush oogenuhguhnahwaun enewh pamoomegoonejin kaühneweejewegood, kepeëzhekewawug emuh keche‐wahkaheguning:

³³ Uhpe dush egewh kahmahjenahjig enewh Paulun ketuhgwishenoowaud ewede Cæsareaïng, kahmeenahwaud dush enewh oogemaun ewh muzzeneëgun, oogeähsahwaun enewh Paulun emuh anahsuhmuhbenid.

³⁴ Uhpe dush owh oogemah kahwahbundung ewh muzzeneëgun, kekuhgwadwa tebe duhnuhkeewining dabandahgoozegwan. Uhpe dush kahnoondung emuh Ciliciaïng debandahgoozenid;

³⁵ Keëkedoo, kegahnoondoon, uhpe ketuhgwishenoowaud egewh anahmemikig. Keëkedoo cheduhzhe‐guhnuh-wanemind emuh Herod ookekedoo‐weguhmigoong.