OODEZHECHEGAWINEWAH 21 - Ottawa New Testament Penteteuch and Psalms 1874

¹ Kepuhgumme‐ahyahmahgud uhpe kahnuhguhnungidwah, kuhya kahmahjeähsheyaung, quuhyuk ningeënahshemin emuh Coösing, wuhyahbung dush emuh Rhodesing, kuhya ewede kahoonjetuhgwishenaung emuh Pataraïng:

² Kahmekuhmaung dush nahbequaun wahenahshemahguk emuh Pheniciaïng, ningepoozemin emuh, kuhya kemahjahyaung.

³ Uhpe dush kahwahbunduhmaung Cyprus oonuhmunjenikahmaung ningeühnekuhbikahmin, keënahsheyaung emuh Syriaïng, Tyëing dush ningekuhbahmin, me muh emuh kahnahgwahnahoomahguk nahbequaun.

⁴ Kemekahwungidwah dush egewh kekenooahmahgunug, neezhwahsoo‐kezhik ningeähyahmin emuh: mesuh enewh Paul kahegoojin emuh Keche‐Oojechaugoong, chezhahsig ewede Jerusaleming.

⁵ Kahneezhwahsuhgoonuhguk, ningemahjahmin keühnepesuhkahmaung; kuhkenuh dush pashoo ningeëzheweejewegoonahnig mahmahwe oowedegamahgunewaun kuhya oonejahnesewaun, nahnauzh oonjesahguhuhmaung emuh Keche‐oodanaung: cheeguhbeeg dush ningeduhzhe‐oojecheengwuhnetahmin, keähnuhmeähyaung.

⁶ Kahishquah‐ahnemikoodahdeyaung, ningepoozemin nenuhwind; nayaub dush kekewawug wenuhwah.

⁷ Uhpe dush kahishquah‐pemahsheyaung Tyreïng kahoonjemahjahyaung, ningetuhgwishenoomin emuh Ptolemaïsing, kuhya ningeähnemekahwahnahnig egewh wejekewaëmaug, kuhya ningeweedegamahnahnig ningoo‐kezhik.

⁸ Wahyahbung dush nenuhwind kahweeejewungid owh Paul ningemahjahmin, kuhya ningetuhgwishenoomin emuh Cæsareaïng; ningepeendegamin dush emuh andaud owh Philip minwahjemoo‐wenene, kahahwid pazhik egewh nazhwahswejig, ningeweedegamahnaun dush.

⁹ Kenewewun oodahnissun owh onene, kegaungooquan, kahnetuh‐aunwahjeganejin.

¹⁰ Magwah duhnezeyaung emuh nebewah duhsoogoon, Judæaïng kepeöonjebah pazhik aunwahjega‐wenene, Agabus azhenekahzood.

¹¹ Uhpe dush wah‐owh kahpeöodisseyummingid, oogeoodahpenaun Paul ookechepezoowin, ketuhkoobetood dush tebenuhwa ooneenjeen kuhya oosittun, oo‐oo dush keëkedood, Mesuh oo‐oo ekedood owh Keche‐Oojechaug, Mesuh egewh Jewyug Jerusaleming ayahjig kaëzhetuhkoobenahwaud enewh enenewun debanduhmenejin maunduh kechepezoowin, oogahpuggedenahwaun emuh ooneenjening enewh mayuggezenejin.

¹² Uhpe dush kahnoonduhmaung oonoo uhyeëen, nenuhwind, kuhya egewh ewede debandahgoozejig, ningekeche‐guhnoonahnaun cheëzhahsig ewede Jerusaleming.

¹³ Paul dush oogenuhquatuhwaun, Ahneen andooduhmag ewh mahweyag kuhya bahnahjetuhmahweyag ninda? ninkezheetah muh kahween atuh cheminjemahpenegooyaun, kuhya suh goo chenebooyaun ewede Jerusaleming oonje oodezhenekahzoowin owh Tabaningad Jesus.

¹⁴ Uhpe dush duhyabwatunsig, ningepoonemahnaun oo‐oo keëkedooyaung, Anandung owh Tabaningad mahnoo tahezhewabud.

¹⁵ Kahishquah‐ahyaug oonoo kezhegudoon, uhpe kahoodahpenuhmaung ninduhyeemenahnin, ningeëzhahmin, ewede Jerusaleming.

¹⁶ Ningeühneweejewegoonahnig ahnind kekenooähmahgunug Cæsareaïng kahoonjeejig, egewh kahpeenahjig pazhik enenewun Mnason azhenekahzoonejin Cyprusing duhzhe‐enenewun, kata kekenooähmahgun, me emuh andaud kaduhzhe‐nebahyaung.

¹⁷ Uhpe dush kahtuhgwishenaung emuh Jerusaleming, emuh minwanduhmoowining ningeëzheöodahpenegoonahnig egewh wejekewaëmaug.

¹⁸ Wuhyahbung dush Paul ningeëzheweejewegoonaun kepeendegahwungid owh James; keähyahwug dush kuhkenuh egewh katezejig.

¹⁹ Uhpe dush kahuhnemekahwaud enewh, wawane, oogedebahjemootahwaun enewh uhyeëen kahenuhnookeed owh Kesha‐Muhnedoo emuh anduhzhe‐ahyahnid enewh mayuggezenejin ookuhgequawin oonje.

²⁰ Uhpe dush kahnoonduhmoowaud oogewahwezhanemahwaun enewh Tabaninganejin, oo‐oo dush keënahwaud, Kewahbuhmaug wawejekewaëmegooyun, menik duhsoo metauswaukoosewaud egewh Jewyug duhyabwayandungig; kuhkenuh dush oogoo oosahgetoonahwah ewh tebahkoonegawin.

²¹ Keënetuhmoog dush, keen chekekenooähmahwudwah kuhkenuh egewh Jewyug ayahjig emuh mayuggezejig ahyahwaud, chewabenahwaud enewh Mosesun, enudwahchekekenoowahje‐kishkishwahsigwah oonejahnesewaun kuhya chebemoosasigwah emuh kata enahdezewining,

²² Wagoonan dush kaëzhëchegayun? nunduhwandahgoozewug egewh ahnishenahbag chepemahwunjeëdewaud: tahnoonduhmoog muh ewh ketuhgwishenun.

²³ Oo‐oo dush ezhechegan kaëgooyun: Nindahyahwahnahnig newin enenewug kahkeche‐wahweendahmahgajig;

²⁴ Uhneweejewh egewh, mahmahwe dush peeneedezoon uhpe peeneedezoowaud, kuhya tebahahmahgan ewh sahsahgewejegawaud, cheöonjekaushkebahduhmoowaud ooshtequaunewaun; kuhkenuh chekekanduhmoowaud oonoo uhyeëen anittuhmoowaud gagoo ahyahsenook; keen dush tebenuhwa quuhyuk ezhewabezeyun, kuhya cheguhnuhwanduhmun ewh tebahkoonegawin.

²⁵ Egewh dush ween mayuggezejig duhyabwayandungig, ningeöozhebeähmin kuhya ningeënahkoonegamin, chemewetoowaud oosahsahgewejegunewah egewh muzzeneneeg, kuhya misque, kuhya kabenawabenahgahzoonejin, kuhya pezhegwahdezewin.

²⁶ Paul dush oogeühneweejewaun enewh enenewun, wuhyahbunenig oogeweejepeenedezoomaun, kepeendegad dush emuh keche‐ahnuhmeä‐weguhmigoong, chekekandahgwuk kedebishkosittoowaud peenedezoo‐kezhegudoon mahnauzh chepuggedenegahdag ewh sahsahgewejegun kuhkenuh anduhchewaud oonjepuggedenegahdag.

²⁷ Uhpe gagah kahishquahsag neezhwahsoo kezhik, egewh Jewyug emuh Asiaïng kahoonjebahjig, uhpe kahwahbuhmahwaud emuh ahnuhmeä‐weguhmigoong, oogewekoojeähwaun kuhkenuh enewh ahnishenahban kuhya oogetuhkoonahwaun.

²⁸ Oo‐oo keëkedoowaud, kekezhewawaud, Israeling duhzhe enenewedoog, pewedookahzooyook; Mesuh wah‐owh enene, kakenooähmahwaud kuhkenuh bahmahdezenejin mezewa chemujje‐enanemahnid enewh ahnishenahban, kuhya ewh tebahkoonegawin, kuhya maunduh keche‐ahnuhmeä‐weguhmig; kuhya oogepeendegahnaun enewh Greekun emuh ahnuhmeä‐weguhmigoong, keweenetood dush maunduh pahnuk wegewaum.

²⁹ Oogewahbuhmahwahbuneen muh puhbahweejewahnid emuh keche‐oodanaung enewh Trophimusun Ephesusing duhzhe enenewun, Paul kepeendegahnaud emuh keche‐ahnuhmeä‐weguhmigoong, keënanduhmoog.

³⁰ Kuhkenuh dush keche‐oodanah kemegooshkahjeähyahmahgud, kuhya kemahwundoo‐pahedewug egewh ahnishenahbag; oogeöodahpenahwaun dush enewh Paulun, kuhya oogesahgeje‐tahbahnahwaun emuh keche‐ahnuhmeä‐wegumigoong; kazhetena dush kekebahquahegahdanoon enewh ishquaundamun.

³¹ Uhpe wekoojetoowaud chenesahwaud, keweenduhmahwah owh keche‐mesenenoo‐oogemah, kuhkenuh Jerusaleming chenishwuhnahduhkummeguk.

³² Kazhetena dush oogeöodahpenaun enewh shemahgunishun kuhya shemahgunishe‐oogemaun, keähputtood dush emuh ahyahwaud: uhpe dush kahwahbuhmahwaud keche mesenenoo‐oogemaun kuhya shemahgunishun, oogepoone‐pukketaähwahwaun enewh Paulun.

³³ Me dush uhpe owh keche‐menesenoo‐oogemah pashoo kepeëzhaud kuhya keöodahpenaud, keëkedood dush chetuhkoobenemind neezhwahbik pewahbekoo‐tuhkoobejegunun: kekuhgwadwa dush ewh ahyahwegwan, kuhya kahezhechegagwan.

³⁴ Papukkaun dush keëzhepepahgewug, egewh ahnishenahbag kahkekedoojig: uhpe dush kushketoosig chepuggukkandung wagoodoogwan wanje‐enuhkummeguddoogwan apeech megooshkahjekummeguk, keëkedoo cheëzhewenemind emuh keche‐wahkaheguning.

³⁵ Uhpe dush ketuhgwishing emuh keche ahquaunduhwahguning, oogepemewenegoon enewh shemahguneshun apeech keneeshkahje‐kummegezenid enewh ahnishenahban.

³⁶ Oogenoopenuhnegoon muh wahqueenoonejin ahnishenahban, oo‐oo keëzhepepahgenid, Mahjewenik.

³⁷ Magwah dush Paul keëzhewenind emuh kechewahkaheguning, oo‐oo oogeënaun enewh keche‐menesenoo‐oogemaun. Kah nuh kedahguhnoonesenoon? Oo‐oo dush keëgood, Kekushketoon nuh cheGreekemooyun?

³⁸ Kah nuh kedahwese owh Egyptian‐enene, ahzhuhyee kahoombahzoomaud enewh ahnishenahban, kuhya kahezhewenaud emuh puhgwuduhduhkummig newin metauswauk enenewun enewh nashewashkenejin?

³⁹ Paul dush keëkedoo, NeJew‐enenewh suh, nindebandahgooz emuh Tarsusing Ciliciaïng duhzhe keche‐oodanah, ahgahsandahwud nunga ewh keche‐oodanah emuh dabandahgoozeyaun: kepahgoosanemin dush, chepuhgedenuhmahweyun, chekuhnoonugwah egewh ahnishenahbag.

⁴⁰ Uhpe dush kahpuggedenuhmahwaud, Paul kenebahwe emuh ahquaunduhwahguning, kewahwahtukwuhuh-mahwaud enewh ahnishenahban ewh ooneenj. Uhpe kahkeche‐pezaunezewaud, oogezheguhnoonaun emuh Hebrew inwawining, oo‐oo keëkedood.