OODEZHECHEGAWINEWAH 19 - Ottawa New Testament Penteteuch and Psalms 1874

¹ Kepuhgumme‐ahyahmahgud dush, magwah Apollos keähyaud emuh Corinthing, Paul kahshahbooshkung noonpeming duhzhe duhnuhkewinun kepetuhgwishin emuh Ephesusing, kemekahwaud dush ahnind kekenooähmahgunun,

² Oo‐oo dush keënaud, Kegeöodahpenahwah nuh owh Keche‐Oojechaug uhpe kahdabwayanduhmag? Wenuhwah dush oo‐oo oogeënahwaun, Kah kuhnuhga ningenoonduhsemin cheähyaud Keche‐Oojechaug.

³ Oo‐oo dush oogeënaun, Ahneen dush kahezhebaptizoomegooyag? Keëkedoowug dush, John suh oobaptizooëwawin.

⁴ Medush oo‐oo kahekedood owh Paul, John kagate keëzhebaptizooëwa ewh aunwanindezoowine‐baptizooëwawin, keënaud enewh ahnishenahban chedabwayanemahnid enewh kanoopenuhnegoojin, mesuh owh Christ Jesus.

⁵ Uhpe dush oo‐oo kahnoonduhmoowaud, kebaptizooähwug emuh oodezhenekahzoowining owh Tabaningad Jesus.

⁶ Uhpe dush owh Paul kahezheneenjeetuhwaud enewh oogepeöodissegoowaun enewh Keche‐Oojechaugwun; me dush keïnwawaud pakaunukin inwawinun, kuhya keäunwahjegawug.

⁷ Kemetahchedooganug‐ahshe‐neezh kuhkenuh egewh enenewug.

⁸ Kepuhpeendega dush emuh ahnuhmeä‐weguhmigoong, kuhya mezheshuh kekekedoo nesoo‐kezis, wahweenduhmahgad kuhya wahbunduhewad enewh uhyeëen dabandahgwukkin emuh oodoogemahwewining owh Kesha‐Muhnedoo.

⁹ Uhpe dush ahnind kahmushkahwedaäshkahwindwah, kedabwayanduhsigwah dush, kemujje‐duhzhinduhmoowaud dush ewh ezhewabezewin anahsuhme‐ahyahnid enewh ahnishenahban, oogenuhguhnaun, kuhya oogepuhkawenaun enewh kekenooähmahgunun, anduhsoo‐kezhegudenig kekuhgequad emuh ookekenooähmahde‐weguhmigoong pazhik enene Tyrannus azhenekahzood.

¹⁰ Nezhoo‐kekenoonoowinun oo‐oo kezhewabud; kuhkenuh dush anduhnuhkeejig emuh Asiaïng oogenoondahnahwah oodekedoowin owh Tabaningad Jesus, Jewyug kuhya Greekug.

¹¹ Kesha‐Muhnedoo oogeähnookeenun keche‐mahmaundahwejegunun emuh ooneenjening enewh Paulun:

¹² Ewh dush egoo emuh weyowening keöonjemahjetuhwindah egewh ayahkoosejig enewh mooshwanun kuhya ahkoobezoowinun, me dush kemahjahmahgudenig enewh oodenahpenawinewaun, kuhya dush enewh mujje‐muhnedoon oogesahgejenahwashkahgoowaun.

¹³ Ahnind dush Jewyug pabahsahgedenahjig enewh mujje‐muhnedoon, keënwahzoowug chewahweenduhmoowaud oodoonoozoowin owh Tabaningad Jesus emuh anduhzhe ahyahnid enewh kahkekishkahwahnejin mujje‐muhnedoon, oo‐oo keëkedoowaud, Kekuhkaunzoomegoom oonje owh Jesus enewh dabahjemahjin owh Paul.

¹⁴ Keähyahwun neezhwahswe oogwissun owh Sceva Jew‐enene, owh nahgahnezid anduhshewaud egewh sahsahgewejega‐wenenewug, oo‐oo kahezhechegajig.

¹⁵ Owh dush mujje‐muhnedoo oogenuhquatuhwaun oo‐oo keënaud, Ninkekanemah owh Jesus, kuhya ninkekanemah owh Paul; ahwagwanewegwan dush kenuhwah?

¹⁶ Owh dush enene kakishkahwaud enewh mujje‐muhnedoon oogeqwaushkoonoodahwaun, kuhya oomahmauzheäun kuhya oogeshahgoojeäun, medush emuh wegewauming keöonjeöozhemoonid pingwuhshahgedenid kuhya kemahkeëgoonid.

¹⁷ Kuhkenuh dush oogekekandahnahwah oo‐oo egewh Jewyug kuhya Greekug kahoodatoojig emuh Ephesusing; kuhkenuh dush kesagezewug, kuhya oodoonoozoowin owh Tabaningad Jesus kekechetwahwanjegahdane.

¹⁸ Nebewah dush egewh duhyabwayandungig kepeëzhahwug, wahweendahmahgawaud, kuhya kewahbundahewawaud enewh oodezhechegawinewah.

¹⁹ Nebewah dush egewh kahmekindungig mahmaunjechegawin oogepemahwundoosetoonahwaun oomuzzeneëgunewaun, kuhya kechahgoozahmoowaud emuh anahsuhmuhbenid kuhkenuh enewh enenewun: oogeähgindahnahwah dush ewh anuhgindanig enewh muzzeneëgunun, medush kahezhemikkummoowaud nahnemeduhnuh metauswauk duswahbik shooneäug ahpeetandahgwuddenig.

²⁰ Apeeche kekeche‐mahjegemahguk Kesha‐Muhnedoo oodekedoowin kuhya keshahgoojeëwamahguk.

²¹ Kahishquahahyaug oonoo, Paul keënandum emuh oojechaugoong, keshahbooshkung Macedonia kuhya Achaia, cheëzhaud ewede Jerusaleming, oo‐oo keëkekood, Bahnemah keïshquahtahyaun ewede, nenundahwandahgooz chewahbunduhmaun Rome.

²² Medush keëzhenanzhahwaud neezh enewh wahdookahgoojin, Timotheusun kuhya Erastusun; ween dush kayahbe wanebik keduhneze emuh Asiaïng.

²³ Me dush uhpe kekeche‐megooshkahje‐ahyahmahguk ewh ezhetwahwin oonje.

²⁴ Pazhik muh enene Demetrius azhenekahzood, shooneähka‐wenene kahoozhetuhmoowaud enewh Dianaün shooneäh ahnuhmeä‐weguhmegoonsun, kahoonje‐keche‐oondezewaud egewh anookeejig;

²⁵ Me enewh Demetrius kahmahwunzoomahjin mahmahwe ahnooke‐wenenewun nahsaub kahenuhnookeenejin, oo‐oo dush keëkedood, Enenewedoog, kekekandahnahwah oo‐oo ahnookeewin oonjetebenuhwawezeyung.

²⁶ Menuhwah dush kewahbundahnahwah kuhya kenoondahnahwah, kahween atuh Ephesusing, kuhkenuh goo anegookookummegaug Asia, mahbuh Paul oogekushkeäun kuhya oogepukkawenaun nebewah bamahdezenejin, ekedoo chemuhnedoowesigwah wazhechegahzoojig ooneenjemaung:

²⁷ Kahween dush atuh nuhneezahnuhsenoon maunduh kedahnookewinenaun chebahnahduk; kuhya dush begoo ookeche‐ahnuhmeä‐weguhmig owh kachetwahwezid muhnedooqua Diana chenishwuhnahdudenig, kuhya chebahnahdudenig, ookechetwahwezewin owh anuhmeätuhwind emuh anegookwaug Asia kuhya anegookookummegaug uhkee.

²⁸ Uhpe dush kahnoonduhmoowaud oonoo ekedoowinun, oogemooshkenashkahgoonahwah ewh nishkahdezewin, kepepahgewug dush, oo‐oo keëkedoowaud, Kechetwahweze owh Diana Ephesianug oomuhnedooquamewaun.

²⁹ Kekeche‐oombuhzhekummegud emuh keche‐oodanaung: kahtuhkoonahwaud enewh Gaiusun kuhya enewh Aristarchusun, Macedoniaïng duhzhe enenewun, kahweejewahpuneen Paul pabahmahdezid, mahmahwe keähpahedewug emuh mahwunjeëde‐weguhmigoong.

³⁰ Uhpe dush Paul keënandung chepeendegad emuh anduhzhe‐ahyahnid enewh muhyahwunjeëdenejin, enewh wejekewaëmaun kahween oogepuhgedenemahgooseen.

³¹ Ahnind dush egewh Asiarchug, kahminwanemahjig Paulun kemejejedwawug chepeendegasenid emuh mahwunjeëde‐weguhmigoong.

³² Papukkaun keëkedoowug kekeche‐kezhewawaud: kekeche‐oombuhzhekummegud emuh anduhzhe‐mahwunjeëdenid enenewun? nahwuj kemeshenoowug dush egewh kakanduhsigoog wagoodoogwan wanjemahwunjeëdewahgwan.

³³ Ahnind dush oogeöonjewekoobenahwaun enewh Alexanderun emuh ahyahnid enewh mahyahwunjeëdenejin, egewh Jewyug keähsahwaud cheguhnoodahmahganid. Alexander dush kewahwahtuhquahegad ewh ooneenj, keënandum dush weguhnoonaud enewh mahyahwunjeëdenejin guhnooduhmahgad.

³⁴ Uhpe dush kahkekanemahwaud cheJew‐enenewenid, kuhkenuh mahmahwe kepepahgewug kuhnuhbuj neezhoo‐tebahegunag, oo‐oo keëkedoowaud, Keche‐ahpetandahgooze owh Diana Ephesianug oomuhnedooquamewaun.

³⁵ Uhpe dush owh kahoozhebeëga‐wenenewid emuh oodanaung kahpezaunezeäud enewh mahyahwunjeëdenejin, oo‐oo keëkedoo, Kenuhwah Ephesusing duhzhe‐enenewedoog, ahwanan kakanduhsig ewh chebuhmeetahgamahguk Ephesus keche‐oodanah emuh oodahnuhmeä‐weguhmigoong owh kachetwahwezid muhnedooqua Diana, kuhya muzzenene owh Jupiter kahoonjepungeshing?

³⁶ Kekanduhmag dush ahweyah kushketoosig cheahgoonwatung oonoo uhyeëen, kedahpezaunuhbeem, kah dush gagoo wuhnishquauj kedahezhechegaseem.

³⁷ Kegepeenahwaug oogoo enenewug, kahkemoodesigoog gagoo emuh ahnuhmeä‐weguhmigoong, kah kuhya oogemujje‐duhzhemahsewaun enewh kemuhnedooquamewah.

³⁸ Kishpin dush Demetrius kuhya egewh anookeejig wahjewahjig, gagoo weënahmemahwaud ahweyah enenewun duhgoomahgud ewh tebahkoonegawin, kuhya ahyahwug tebahkoonega‐wenenewug: mahnoo tahtebahkoonedewug.

³⁹ Kishpin dush pukkaun weëzhekuhgwadwayag, tahenahkoonegahda emuh quuhyuk mahwunjeëdewining.

⁴⁰ Nenuhneezahnezemin muh chekuhgwajemegooyaung oo‐oo noongoom kezheguk azhewabuk, kahween gagoo duhgoosenoon kaëkedooyaung wanje‐kechemegooshkahje-ahyahyag.

⁴¹ Uhpe dush oo‐oo kahekedood, oogemahjenahzhahwaun enewh kahmahwunjeëdenejin.