OODEZHECHEGAWINEWAH 18 - Ottawa New Testament Penteteuch and Psalms 1874

¹ Kahishquah‐ahyaugin oonoo Paul keöonjemahjah emuh Athensing, keëzhah dush emuh Corinthing.

² Oogemekahwaun dush pazhik Jew‐enenewun Aquila azhenekahzoonejin, emuh Pontusing kahoondahdezenejin, noomuhyuh emuh Italying kahpeöonjebahnid kuhya enewh wewun Priscilla; (Claudius muh oogeënahbuneen kuhkenuh enewh Jewyun cheöonjemahjahnid emun Romeïng:) mesuh enewh kahnaunzekahwahjin.

³ Tatebishkoo keënuhnookenid kahoonjeweedegamaud, keähnookee dush: kepuhpuhgewuhyauneguhmigookawug muh.

⁴ Kekuhgequa emuh ahnuhmeä‐weguhmigoong andussoo‐aunwabe‐kezheguk, chekuhgaunzoomaud enewh Jewyun kuhya Greekun.

⁵ Uhpe dush Silas kuhya Timotheus kahoonjetuhgwishenoowaud ewede Macedoniaïng, Paul kekeche‐aunwahje emuh oojechaugoong, oogedebahjemootahwaun enewh Jewyun ewh Jesus ahwid owh Christ.

⁶ Uhpe dush kahahgoonwatuhmenid, kuhya mujje‐kezhwanid, oogepuhpuhwaginaun oodahgwewin, oo‐oo dush keënaud, Kemisqueemewah tahduhgoomahgud emuh tebenuhwa kishtequaunewaung; nepeeniz suh neen: noongoom dush ningahezhahnug egewh mayuggezejig.

⁷ Ewede dush keöonjesahguhum, kepeendega emuh oowegewauming pazhik enene Justus azhenekahzood, kahbuhmeetuhwaud enewh Kesha‐Muhnedoon, cheguhyeëe kahdaud emuh ahnuhmeä‐weguhmigoong.

⁸ Kuhya dush owh Crispus, kahnegahnezid emuh ahnuhmeä‐weguhmigoong oogedabwayanemaun enewh Tabaninganejin, kuhya kuhkenuh emuh oowegewauming ayahjig; nebewah dush egewh Corinthianug kahnoonduhmoowaud kedabwayanduhmoog, kebaptizooähwug dush.

⁹ Oo‐oo dush keënaud owh Tabaningad enewh Paulun nebah‐tebekudenig emuh enahbunduhmoowining, Kagoo sagezekan, kekedoon dush, kagoo pezaunuhbekan:

¹⁰ Keweejewin suh, kah dush ahweyah kegahodissegoose chemujje‐doodook; nebewah muh nindahyahwaug nindahnishenahbamug oomah keche‐oodanaung.

¹¹ Ningoo‐kekenoonoowin kuhya ningoodwahsoo‐keezis keduhzheka ewede, kekekenooähmahgad ewh oodekedoowin owh Kesha‐Muhnedoo emuh anduhzhe‐ahyahwaud.

¹² Uhpe dush owh Gallio keöogemahkundung Achaia, egewh Jewyug mahmahwe oogemegahnahwaun enewh Paulun, oogeëzheweenahwaun emuh tebahkoonega‐weguhmigoong,

¹³ Oo‐oo keëkedoowaud, Mahbuh oowekoojeäun enewh enenewun cheëzheähnuhmeätuhwahnid enewh Kesha‐Muhnedoon ewh azhesinsenook tebahkoonegawin.

¹⁴ Uhpe dush Paul wahkekedood, Gallio oogeënaun enewh Jewyun, Kishpin mujje‐doodahdewin ahwungebun gamuh gagoo mujjeëzhechegawin, Oh kenuhwah Jew‐weyag, nindahgenundahwandahgooz chebezindoonenuhgoog;

¹⁵ Kishpin dush kuhquajindeyag enewh ekedoowinun kuhya ezhenekahzoowinun kuhya kenuhwah ketebahkoonegawinewah, kenuhwah bahbahmanduhmook: kahween neen nindahtebahkoonunsenun oonoo uhyeëen.

¹⁶ Oogeöonjesahgeje‐nahzhahwaun emuh tebahkoonega‐weguhmigoong.

¹⁷ Medush kuhkenuh egewh Greekug keöodahpenahwaud enewh Sosthenesun nahgahnezenejin emuh ahnuhmeä‐weguhmigoong, kepukketaöowahwaud dush emuh anahsuhme‐ahyahnig tebahkoonega‐weguhmig. Kah dush Gallio oogebahmanduhsenun oonoo uhyeëen.

¹⁸ Oo‐oo kahishquah‐ezhewabuk kinooazh keduhneze owh Paul, me dush kenuhguhnaud enewh wejekewaëmaun, kemahjeyahshe dush ewede keënahshid emuh Syriaïng, keühneweejewaud enewh Priscillaün kuhya Aquilaün; uhpe dush kahkaushkebahdung ooshtequaun ewede Cenchreaïng: oonje kewahweenduhmahwaud enewh Kesha‐Muhnedoon cheëzhechegad.

¹⁹ Ketuhgwishin dush emuh Ephesusing, me dush ewede kahnuhguhnaud enewh kahweejewahpuneen; ween dush kepeendega emuh ahnuhmeä‐weguhmigoong, keguhnoonaud dush enewh Jewyun.

²⁰ Uhpe dush kenunduhwanemegood enewh kayahbe kenooazh cheähyaud emuh, kahween kedabwatunse.

²¹ Me dush keähnemekahwaud, oo‐oo keënaud, Nenunduhwandahgooz ahbetakummig cheguhnuhwanduhmaun maunduh wekoondewin zhuhyegwah wahdebishkoosamahguk ewede Jerusaleming; kebiskahbeyaun dush kegahbenaunzekoonenim kishpin enandung owh Kesha‐Muhnedoo. Keöonjemahjeyahshe emuh Ephesusing.

²² Uhpe dush kahkuhbaud emuh Cesareaïng, kahkoopeed dush, kahahweähnuhmekahwaud enewh anuhmeähnejin, keëzhah emuh Antioching.

²³ Wanebik kahduhnezid emuh, keühnemahjah, keëzhah dush emuh anegookookummegaug Galatia kuhya Phrygia, kemushkahwanduhmooäud kuhkenuh enewh kekenooähmahgunun.

²⁴ Pazhik dush Jew Apollos azhenekahzood kahduhzhe‐negid emuh Alexandriäïng, natuh‐kekedood, kuhya mashkahwezid emuh kechetwah‐oozhebeëguning, kepeëzhah emuh Ephesusing.

²⁵ Mahbuh enene kekekenooähmahgooze emuh oomeekunaung owh Tabaningad: keäunwahdandung dush emuh oojechaugoong, keduhzhindung kuhya kekekenooähmahgad oodezhetwahwinun owh Tabaningad, kekekandung atuh ewh oobaptizooëwawin owh John.

²⁶ Mezheshuh dush kemahje‐kekedoo emuh ahnuhmeä‐weguhmigoong: Uhpe dush Aquila kuhya Priscilla kahnoonduhwahwaud enewh oogeöodahpenahwaun, kuhya nahwuj wawane oogekekenooähmahwaun ewh oodezhetwahwin owh Kesha‐Muhnedoo.

²⁷ Uhpe dush enandung cheëzhaud emuh Achaiaïng, keöozhebeëgawug egewh wejekewaëmaug, keënahwaud enewh kekenooähmahgunun cheöodahpenahnid: uhpe dush tagwishing, oogekeche‐weedookahwaun enewh kahdabwayanduhmenejin oonje shahwanjegawine‐wedookahgoowining:

²⁸ Emuh mushkahwezewining oogeëzheguhnoonaun enewh Jewyun, mezheshuh suh kewahbunduhewad oonje kechetwah‐oozhebeëguning owh Jesus ahwid Christ.