OODEZHECHEGAWINEWAH 17 - Ottawa New Testament Penteteuch and Psalms 1874

¹ Uhpe dush kahshahbooshkuhmoowaud Amphipolis kuhya Apollonia, ketuhgwishenoog emuh Thessalonicaïng, kahahtanig oodahnuhmeä‐weguhmegoowaun egewh Jewyug:

² Paul dush, debishkoo moonzhug kahezhechegad, oogepeendegahwaun, kuhya nesing aunwabe‐kezheguk oogeguhnoonaun ewh oonje azhebeëgahdag emuh kechetwah‐oozhebeëguning,

³ Kewahbundahewad kuhya kewahweendahmahgad, ewh nundahwandahgwuk Christ chekooduggetood, kuhya nayaub cheähbejebaud; mahbuh dush Jesus dabahjemug kuhgekemenenuhgoog, owh Christ ahwe.

⁴ Ahnind dush kedabwayanduhmoog, kuhya oogeweedookahwahwaun enewh Paulun kuhya enewh Silasun; kuhya anuhmeähjig Greekug keche nebewah, punge nunga egewh kachetwahwezejig equawug.

⁵ Egewh dush Jewyug kahdabwayanduhsigoog, kekuhgahwanjegawaud, oogeöodahpenahwaun ahnind kakebahdezenejin eneneweeshun, oogeöoqueenooähwaun dush nebewah bamahdezenejin kemegooshkahjetoowaud dush ewh keche‐oodanah, oogemegahdahnahwah dush oowegewaumene enewh Jasonun, keënanduhmoog chesahgeje‐weenahwaud emuh anduhzhe‐ahyahnid enewh waqueenoonejin.

⁶ Uhpe dush kahmekahwahsigwah, oogeëzheweenahwaun enewh Jasonun kuhya ahnind wejekewaëmaun emuh anahsuhmuhbenid enewh wagemahkundemenejin keche‐oodanah, oo‐oo keëzhepepahgewaud, Egewh kahquakesetoojig ewh uhkee zhuhyegwah kepetuhgwishenoog oomah;

⁷ Me enewh kahpeendegahnahjin Jason: oogoo dush oobahnahjetoonahwah oodenahkoonegawinun owh Cæsar, ekedoowaud cheähyaud pakahnezid keche‐oogemah, Jesus azhenekahzood.

⁸ Oomegooshkahjeähwaun dush enewh waqueenoonejin, kuhya enewh wagemahkundahmenejin ewh keche‐oodanah, uhpe kahnoonduhmenid oonoo uhyeëen.

⁹ Uhpe dush mamashquaud kahpuggedenuhmahgoowaud enewh Jasonun kuhya enewh ahnind ooweyowene cheöonjepuggedenindwah, oogepuggedenahwaun.

¹⁰ Kazhetena dush wejekewaëmaug oogeëzhenahzhahwahwaun enewh Paulun kuhya enewh Silasun magwah nebah‐tebekudenig ewede Bereaïng: uhpe dush Kahtuhgwishenoowaud emuh kepeendegawug emuh oodahnuhmeä‐weguhmigoowaung egewh Jewyug.

¹¹ Nahwuj dush oogoo keminwandahgoozewug dush ween egewh Thessalonicaïng duhzhe enenewug, minwanduhmoowining muh oogeëzheöodahpenahnahwah ewh ekedoowin, kewahbunduhmoowaud kechetwah‐oozhebeëgun anduhsoo‐kezhegudenig, kishpin oo‐oo azhewabudoogwan.

¹² Mesuh kahoonjedabwayanduhmoowaud nebewah; kuhya punge nunga egewh kachetwahwezejig equawug kah‐Greekewejig, kuhya egewh enenewug.

¹³ Uhpe dush egewh Thessalonicaïng duhzhe‐Jewyug kahkekanduhmoowaud ewh kewahweendung owh Paul ewh oodekedoowin owh Kesha‐Muhnedoo ewede Bereaïng, kepeëzhahwug kuhya emuh, keöombahzoomahwaud dush enewh waqueenoonejin.

¹⁴ Kazhetena dush egewh wejekewaëmaug oogemahjenahzhahwahwaun enewh Paulun cheëzhahnid emuh kechegummeeng: Silas dush kuhya Timotheus kayahbe emuh keduhnezewug.

¹⁵ Egewh dush kahuhnemahjeweenahjig enewh Paulun oogeëzheweenahwaun emuh Athensing, kahoodahpenuhmoowaud mejejedwawin waweeb chepeëzhahnid Silasun kuhya Timotheusun, kemahjahwug.

¹⁶ Magwah dush Paul duhzhe‐peeäud emuh Athensing, kekushkandum emuh oojechaugoong, uhpe wuhyahbundung keche‐oodanah ahpeche puhgedenegahdag emuh muhnetookawining.

¹⁷ Me dush kahoonjeguhnoonaud enewh Jewyun emuh ahnuhmeä‐weguhmigoong kuhya enewh mayuggezenejin kahmekinduhmenejin Jew‐ezhetwahwin, emuh ahtaundewining anduhsoo‐kezhegudenig enewh kahnuhquashkahwahjin.

¹⁸ Ahnind dush nebwahkah‐wenenewug Epicureänug, kuhya Stoickug, oogeähgoonwatahwahwaun. Ahnind dush keëkedoowug, Ahneen kaëkedood mahbuh kakebahje‐kezhwad? menuhwah dush ahnind, Enootahgooze debishkoo debahjemaud mayuggezenejin muhnedoon, oonje kedebahjemootahwaud Jesusun, kuhya ewh ahbejebahwin.

¹⁹ Oogeöodahpenahwaun dush, kuhya oogeëzheweenahwaun emuh Mars wahjewing, oo‐oo keëkedoowaud, Nindahkekandahmin nuh wagoodoogwanedoog maunduh ooshke‐kuhgequawin dabahdooduhmun?

²⁰ Kepedebahdoodahnun muh mamukkahdandahgwukkin emuh netuhwuggahnaung; newekekandahmin dush nuhmunj azhewabudoogwan oo‐oo ezhetwahwin.

²¹ (Kuhkenuh muh egewh Athenianug kuhya mayuggezejig ewede kahahyahjig kahween gagoo pakaunuk oogemekinduhsenahwah, me atuh chewahweenduhmoowaud gamuh chenoonduhmoowaud gagoo ooshke‐debahjemoowin.)

²² Me dush Paul kenebahwid emuh nesuhwuhyeëe Mars wahjewing oo‐oo keëkedood, Kenuhwah Athensing duhzhe‐enenewedoog kekekanemenim moonzhug netuh-koosagwah muhnedoog.

²³ Magwah muh kepemoosayaun, kewahbunduhmaun dush enewh anuhmeätuhmagoon, ningewahbundaun pazhik sahsahgewejegun‐ahbik oo‐oo azhebeëgahdag, OWH KAKANDAHGOOZESIG MUHNEDOO. Owh dush anuhmeätuhwag ahnahween goo kekanemahsewag, mesuh dabahjemootuhmoonenuhgoog.

²⁴ Kesha‐Muhnedoo kahoozhetood uhkee kuhya kuhkenuh emuh atagin, ween egoo tabandung kezhik kuhya uhkee, kahween dahse emuh ahnuhmeä‐weguhmigoong kahoonjeöozhechegahdagin ooneenjemaung;

²⁵ Kahween dush enenewug ooneenjewaung oonjebuhmeetahwahse, debishkoo gagoo muhnazid, ween begoo ahwe owh mahnaud kuhkenuh bamahdezenejin ewh bemahdezewin, kuhya nasawin, kuhya kuhkenuh enewh uhyeëen;

²⁶ Pazhigwunoong cheöonjeoomisqueemenid oogeëzheaun kuhkenuh ahnooj azheweenzoonejin enenewun cheduhnuhkeenid emuh anegookookummegaug ewh uhkee, kuhyet keënahkoonegad uhpe kadebishkoosanig chebemahdezenid kuhya menik kaähbetuhmenid;

²⁷ Chenundoonawahwaud enewh Tabaninganejin, koonemah nunduhmoozheähwaud oodahmekahwahwaun, ahnooween goo wahsuh ahyahsig kenuhwind anduhsheyung ayahyung:

²⁸ Me muh owh wanjebemahdezeyung, wanje‐mahmahjeyung kuhya wanjeëneneweyung, debishkoo ahnind kenuhguhmoo‐wenenemewaug keëkedoowaud, Me muh wah‐owh wandahdezeyung.

²⁹ Kesha‐Muhnedoong dush oondahdezeyung, kaöonjeënanduhsewung owh Kesha‐Muhnedoo cheëzhenahgoozid debishkoo oozahwah‐shooneäh gamuh shooneäh gamuh ahsin mazenechegahzood emuh enene oonebwahkahwining.

³⁰ Magwah dush kuhnuhga gagoo kekekanduhsigwah egewh enenewug kahween oogepahbahmanduhseen owh Kesha‐Muhnedoo; noongoom dush ween ookuhgaunzoomaun ween kuhkenuh enewh enenewun mezewakummig ayahnejin cheäunwanindezoonid:

³¹ Oogewahweendaun muh ewh kezhik, uhpe katebahkoondung ewh uhkee emuh quuhyukezhewabezewining oonje-enewh enenewun kahwuhwanahbuhmahjin; me ewh kahenahjemootahwaud kuhkenuh enenewun, ewh keähbejebahaud enewh.

³² Uhpe dush kahnoonduhmoowaud ewh oodahbejebahwinewah egewh naboojig, ahnind oogebahpeähwaun; ahnind dush oo‐oo keëkedoowug, Menuhwah kegahbezindahgoo oo‐oo ekedoowin.

³³ Me dush Paul keöonjemahjaud anduhzhe‐ahyahnid.

³⁴ Ahnind enenewug dush oogeweejewahwaun enewh kuhya kedabwayanduhmoog: me suh owh pazhik Dionysius owh Areopagite, kuhya pazhik equa Damaris azhenekahzood, kuhya dush ahnind pakahnezejig.