OODEZHECHEGAWINEWAH 15 - Ottawa New Testament Penteteuch and Psalms 1874

¹ Ahnind dush enenewug kahpeöonjebahjig emuh Judæaïng oogekekenooähmahwahwaun enewh wejekewaëmaun, Kishpin, kekenoowahje‐kishkezhegahzoosewag debishkoo kahenahkoonegagoobunan Moses, kahween kegahbemahjeëgooseem.

² Uhpe dush Paul kuhya Barnabas kahkeche‐ahgoonwatahwahwaud kuhya kahkeche‐guhnoonahwaud enewh, keënahkoonegawug enewh Paulun kuhya Barnabasun kuhya ahnind pakaunezenejin, cheëzhahnid emuh Jerusaleming chekuhgwajemahnid enewh apostleün kuhya katezenejin oo‐oo kuhgwadwawin

³ Uhpe kahmezissekahgoowaud enewh anuhmeähnejin uhneähpesuhkahwaud, oogeshahbooshkahnahwah Phenice kuhya Samaria, pahbahdebahjemahwaud enewh mayuggezenejin keähnuhmeähnid: oogekeche‐moojegezeähwaun dush kuhkenuh wawejekewaïndenejin.

⁴ Uhpe dush kahtuhgwishenoowaud ewede Jerusaleming, keöodahpenegoowaud dush enewh anuhmeähnejin, kuhya enewh apostleün, kuhya enewh katezenejin, oogedebahdooduhnahwah kuhkenuh enewh uhyeëen kahezhechegawaud keweedookahgoowaud enewh Kesha‐Muhnedoon.

⁵ Kepuhsegwewug dush ahnind kahPhariseewejig duhyabwayandungig, keëkedoowaud, chenunduhwandahgwudenig chekekenoowahje‐kishkezhegahzoonid, chekahgaun-zoomemind cheguhnuhwanduhmenid Moses ootebahkoonegawin.

⁶ Egewh dush apostleüg kuhya katezejig kemahwunjeëdewug chenahnahgahdahwanduhmoowaud oo‐oo.

⁷ Uhpe dush kahkeche‐ahgoonwatahdewaud, Peter kepuhsegwe, oo‐oo dush keënaud, Enenewedoog wejekewaëmahdoog, kekekandahnahwah ewh maweshah Kesha‐Muhnedoo kewuhwanahbuhmid neen nindooning egewh mayuggezejig cheöonjenoonduhmoowaud ewh minwahjemoowine‐ekedoowin, chedabwayanduhmoowaud dush.

⁸ Kesha‐Muhnedoo dush, owh kakandung enewh oodaemaun, oogedebahjemaun ewh minwandahgoozenid, ewh kemeenaud enewh Keche‐Oojechaugwun, debishkoo kahezhemeenenung;

⁹ Kah dush pekinoong oogedoodahwahseen dush ween kenuhwind, kepeenetood oodaëwaun dabwayanduhmoowin oonje.

¹⁰ Wagoonash dush wanjekuhgwatebanemag Kesha‐Muhnedoo, chenahbekahwagwah egewh kekenooahmahgunug ewh nahbekahwahgun kahkushketoosigwah kooseminahbuneeg chepemewetoowaud kuhya kenuhwind kahkushketoosewung?

¹¹ Kedabwayandahmin dush ewh ooshahwanjegawining owh Tabaningad Jesus Christ cheweoönjebemahjeëgooyung kenuhwind, debishkoo wenuhwah.

¹² Me dush kuhkenuh egewh mahyahwunjeëdejig kepezaunuhbewaud, kebezindahwahwaud dush enewh Barnabasun kuhya Paulun, kedebahdooduhmenid kahezhemahmaundahwejegad owh Kesha‐Muhnedoo magwa ayahwaud mayuggezejig wenuhwah keähnookeewaud.

¹³ Bahnemah dush kahishquah‐kekedoowaud, James oogeguhnoonaun, oo‐oo keënaud, Enenewedoog wejekewaëmahdoog, bezinduhweshig:

¹⁴ Simeon oogewahweendaun ewh Kesha‐Muhnedoo netum kepemoowuddissaud enewh mayuggezenejin, cheoondenaud enewh ahnishenahban kadabwayanduhmenejin oodezhenekahzoowin.

¹⁵ Me nahsaub akedoomahgudenig oodekedoowinewaun egewh aunwahjega‐wenenewug; debishkoo azhebeëgahdag.

¹⁶ Nahguch dush ningahpiskaub menuhwah dush ningahoozhetoon oodahnuhmeä‐weguhmig owh David, kahkahwesamahguk; nayaub dush ningahoozhetoon kahbahnahduk, kuhya ningahaunjetoon:

¹⁷ Egewh ashkoonindjig enenewug chenundoonawahwaud enewh Tabaninganejin, kuhya kuhkenuh egewh mayuggezejig, wahyahweendungig nindezhenekahzoowin, ekedoo owh Tabaningad owh azhechegad kuhkenuh oonoo uhyeëen.

¹⁸ Kesha‐Muhnedoo ookekandaunun kuhkenuh oodahnookewinun pahahkoomahje‐uhkeewung.

¹⁹ Nindenahkoonega dush, chemegooshkahjeähsewungwah egewh mayuggezejig kahquakekahbahwetahwahjig enewh Kesha‐Muhnedoon:

²⁰ Chemahjebeähmahwungwah dush, chemewetoowaud enewh muhnedookawine‐weneëgoowinun, kuhya peshegwahdezewin, cheäumwahsigwah dush kabenawabenegahzoonejin kuhya misquee.

²¹ Moses muh mawezhah oodahyahwaun emuh anduhching oodanah enewh dabahjemegoojin, ahginjegahdanewun oodoozhebeëgawinun anduhsoo aunwabe‐kezheguk emuh ahnuhmeä‐weguhmigoong.

²² Medush keminwanduhmoowaud egewh apostleüg kuhya katezejig, mahmahwe kuhkenuh anuhmeähjig, cheëzhenahzhahwahwaud enewh enenewun kahweedookahgoo wahjin ewede Antioching mahmahwe enewh Paulun kuhya enewh Barnabasun; Judas owh kahtuhgoo‐weenzood Barsabas, kuhya Silas, nahgahnezegig emuh anduhshewaud egewh wejekewaëmaug:

²³ Kemahjebeähmahgawug dush enewh muzzeneëgunun, kamahjetoonid, oo‐oo keëzhebeëgawug; Egewh apostleüg kuhya katezejig kuhya wejekewaëmaug ooduhnuhmekahwahwaun enewh wejekewaëmaun mayuggezenejin ewede Antioching kuhya Syriaïng kuhya Ciliciaïng:

²⁴ Ningenoondahmin gooshah, ahnind nenuhwind ahyahyaung kahoonjebahjig kemegooshkahjeënagwah enewh ekedoowinun, uhnegahahwaud enewh kejechaugoowaun, oo‐oo keëkedoowaud, Kenundahwandahgoozeem chekekenoowahje‐kishkezhegahzooyag, kuhya cheguhnuhwanduhmag ewh tebahkoonegawin? kah wekah ningeënahsenahnig oo‐oo cheëzhekuhgekemenagwah:

²⁵ Ningeminwandahmin, kemahoonjeëdeyaung mahmahwe enahkoonegayaung, cheëzhenahzhahoomoonenuhgoog kahwahwanahbuhmindjig enenewug kahweejewahjig enewh suhyahgeüngejin Barnabasun kuhya Paulun.

²⁶ Enenewug kahnuhneezaunesetoojig oobemahdezewinewah oonje oodoonoozoowin owh Tabanemenung Jesus Christ.

²⁷ Ningeëzhenahzhahwahnahnig dush Judas kuhya Silas, cheweenduhmoonagwah nahsaub uhyeëen emuh oodoonewaung.

²⁸ Oogeminwandaun suh owh Keche‐Oojechaug kuhya nenuhwind ningeminwandahmin, chepemoondahegoosewag nahwuj kwasegwungin mewunekaunun, me dush atuh oonoo nandahwandahgwukkin uhyeëen;

²⁹ Chemeejesewag ewh meejim kahsahsahgewetuhmoowindwah muzzeneneeg, kuhya misque, kuhya kabenawabenindjig ooweyausewah, kuhya chemewetooyag pezhegwahdezewin: kishpin mewetooyag oonoo kegahmenoojegam. Keduhnuhmekahgoom.

³⁰ Uhpe dush kahpuggedenindwah, kepeëzhahwug emuh Antioching: uhpe dush kahmahwunjeähwaud enewh ahnishenahban, oogemeenahwaun ewh mahjebeëgun:

³¹ Uhpe dush kahahginduhmoowaud, kemoojeganduhmoog ewh aungwahmetahgoozewin oonje.

³² Judas kuhya Silas, keäunwahjega‐wenenewewug, kekuhgekemahwaud dush enewh wejekewaëmaun nebewah ekedoowinun, kuhya dush kesoongekahbahweähwaud.

³³ Wanebik kahduhnezewaud ewede, oogepuggedenahmahgoowaun enewh wejekewaëmaun emuh pezaunewawining cheëzhahnid enewh apostleün.

³⁴ Ahnoo keminwandum owh Silas kayahbe cheähyaud ewede.

³⁵ Paul dush kuhya Barnabas kuhya nebewah ahnind bakahnezejig keduhnezewug emuh Antioching kekenooähmahgawaud kuhya kedebahdooduhmoowaud ewh oodekedoowin owh Kesha‐Muhnedoo.

³⁶ Goomahpe dush anduhsoogoonahguk Paul oo‐oo oogeënaun enewh Barnabasun, Umba menuhwah mahjahdah cheähwemahwuddissungwah kejekewaënahnig anduhsing oodanahwun kahduhzhe‐debahdooduhmung Tabaningad oodekedoowin, cheähwewahbuhmungwah, nuhmunj azhebemahdezewahgwan.

³⁷ Barnabas dush keënandum cheühneweejewegoowaud enewh Johnun, kahtuhgoo‐weenzoonejin Marcus.

³⁸ Kah dush keminwanduhse owh Paul cheühneweejewegoowaud enewh kahnuhguhnegoowahjin ewede Pamphyliaïng, kah dush oogeühneweejewegoosewaun emuh ahnookewining.

³⁹ Apeech dush kekeche‐ahgoonwatahdewaud, kepuh-kaëdewug: Barnabas oogeühneweejewaun enewh Marcusun, keënahshe dush ewede Cyprusing.

⁴⁰ Paul dush oogewahwanahbuhmaun enewh Silasun, kemahjah dush, kahezheähnuhmeätahmahgood enewh wejekewaëmaun cheshahwanemegood enewh Kesha‐Muhnedoon.

⁴¹ Keühneëzhah dush emuh anegookookummegaug Syria kuhya Cilicia, kepahpahsoongekahbahweäud kuhkenuh dabandahgoozenejin emuh ahnuhmeähwining.