OODEZHECHEGAWINEWAH 11 - Ottawa New Testament Penteteuch and Psalms 1874

¹ Egewh dush Apostleüg kuhya wejekewaëmaug kahahyahjig emuh Judæäing kenoonduhmoog kuhya enewh mayuggezenejin keöodahpenuhmenid ewh oodekedoowin owh Kesha‐Muhnedoo.

² Uhpe dush kahpetuhgwishing owh Peter emuh Jerusaleming, enewh kahkekenoowahje‐kishkizhegahzoonejin oogekekahmegoon.

³ Oo‐oo keëkedoonid, Kegepeendegahwaug egewh enenewug pwahyah‐kekenoowahje‐kishkizhegahzoojig, kuhya dush kegeweedoopuhmaug.

⁴ Peter dush oogedebahjemootahwaun ewh kahezhewabuk wahyashkud mahjesing, kuhya oogeähneka‐wahweenduhmoowaun, oo‐oo keëkedood,

⁵ Nindahyahnahbnn emuh Joppa aduhming oodanaung keähnuhmeähyaun: magwah dush nekahbunduhmaun nengewahbundaun enahbunduhmoowin, Pazhik ahtahsoowin debishkoo kechewahbishkegining kezhegoong keöonjenesahbegenegahda ayishquayeëe; ningepuhgummishkahgoon dush:

⁶ Uhpe dush anegook kahguhnuhwahbunduhmaun, ningenahnahgahdahwandaun, ningewahbuhmaug dush egewh nawookahdajig ahwaseeyug uhkeeng ayahjig, kuhya puhgwuj‐ahyahahjig, kuhya pabahmoodajig, kuhya kezhegoong duhshe penasheyug.

⁷ Ningenoondaun dush ewh inwawin oo‐oo keëgooyaun, Puhsegween, Peter; netahgan wesenin dush.

⁸ Oo‐oo dush ningeëkid, Kahween, Tabaningayun: kah muh wekah kepeendegamahgussenoon emuh nindooning gagoo anandahgwuhsenook chemeejing gamah wahnuk.

⁹ Menuhwah dush kezhegoong oonje inwawin oo‐oo ningenuhquatahgoon, Ewh kahpeenetood owh Kesha Muhnedoo, kahween mahnahdud kegahedunseen.

¹⁰ Nesing dush oo‐oo keëzhewabud: menuhwah keëzheöodahbenahwug kuhkenuh ewede kezhegoong.

¹¹ Benuh dush, bahbega ketuhgwishenoog neswe enenewug emuh wahkaheguning kahdahyaun, Cesareaïng kahoonje‐ezhenahzhahoondjig chepenundoomewaud.

¹² Ningekuhgaunzoomik dush owh Keche‐Oojechaug cheühneweejewugwah, kuhnuhga cheähgoonwayanduhsewaun. Oogoo dush ningoodwauswe wejekewaëmaug ningeühneweejewegoog, ningepepeendegamin emuh owh enene oowahkaheguning.

¹³ Ningewahbundahegoomin dush ewh kewahbuhmahpun enewh angenun emuh oowahkaheguning, kahpenebahwenid oo‐oo dush keëgood, Ahnookeen cheëzhahwaud enenewug ewede Joppaïng, chenundoomahwaud enewh Simonun, Peter azhenekahzoonejin;

¹⁴ Me suh wah‐owh kawahweenduhmook enewh ekedoowinun, kaöonjebemahdezeyun keen kuhya kuhkenuh emuh kewahkaheguning ayahjig.

¹⁵ Uhpe dush mahyahje‐kekedooyaun oogeähpuggesekahgoowaun enewh Keche‐Oojechaugwun, debishkoo kuhya kenuhwind wuhyashkud.

¹⁶ Me dush uhpe kemequanduhmaun ewh oodekedoowin owh Tabaningad, oo‐oo keëkedood, John gooshah kebaptizooëwa nebee ahyood; kenuhwah dush kegahbaptizoomegoom enewh Keche‐Oojechaugwun.

¹⁷ Uhpe dush Kesha‐Muhnedoo kahmeenaud ewh nahsaub meegewawin kahmeenenung kenuhwind, kahdabwayanemung owh Tabanemenung Jesus Christ, ahneen neen kahenandahgoozeyaun, chemegahnugebun owh Kesha‐Muhnedoo?

¹⁸ Uhpe dush kahnoonduhmoowaud oonoo uhyeëen, kepezaun‐uhbewug, kuhya oogewahwezhanemahwaun enewh Kesha‐Muhnedoon oo‐oo keëkedoowaud, Kagate Kesha‐Muhnedoo oogemeenaun enewh mayuggezenejin ewh aunwanindezoowin cheoonjebemahdezenid.

¹⁹ Egewh dush kahsuhswashkahwindjig uhpe kahkooduggeïndwah egewh anuhmeähjig uhpe kahnesind owh Stephen kebahbahmahdezewug nahnauzh Phenice, kuhya Cyprus, kuhya Antioch, kekuhgeekemahwaud enewh Jewyun atuh, kedebahdooduhmoowaud ewh ekedoowin.

²⁰ Ahnind dush Cyprusing kuhya Cyreneïng keduhzhe‐enenewewug, oogoo dush uhpe tagwishenoowaud ewede Antioching, oogeguhnoonahwaun enewh Hellenistun, kedebahjemahwaud enewh Tabaninganejin Jesusun.

²¹ Oogeweedookahgoowaun dush ooneenj owh Tabaningad: keche‐nebewah dush kedabwayanduhmoog, kuhya oogekwakekahbahwetahwahwaun enewh Tabaninganejin.

²² Uhpe dush kahnoonduhmoowaud egewh anuhmeähjig kahahyahjig ewede Jerusaleming oonoo uhyeëen: oogeëzhenahzhahwahwaun enewh Barnabasun, cheëzhahnid nahnauzh emuh Antioching.

²³ Uhpe dush kahpetuhgwishing, kahwahbundung dush ewh ooshahwanjegawin owh Kesha‐Muhnedoo, kewahwezhandum, oogeënaun dush kuhkenuh, cheäunwahjenid emuh oodaëning chedebandahgoozenid emuh Tabaningang.

²⁴ Kemenoo‐ezhewabeze suh owh enene, kuhya oogemooshkenashkahgoon enewh Keche‐Oojechaugwun kuhya dabwayanduhmoowin: keche‐nebewah dush ahnishenahbag ketuhquahkoonahwug emuh oodezhetwahwining owh Tabaningad.

²⁵ Me dush Barnabas kahezhemahjaud ewede Tarsusing, cheähweöondoonaäud enewh Saulun:

²⁶ Uhpe dush kahmekahwaud, oogepeëzheweenaun ewede Antioching. Kepuhgumme‐ahyahmahgud dush, ningoo‐kekenoonoowin kepuhpeendegawug emuh anduhzhe‐mahoonjeëdewaud egewh anuhmeähjig, oogekekenooähmahwaun dush nebewah ahnishenahban. Netum dush ewede Antioching Christianug keëzheweenahwug egewh kekenooähmahgunug.

²⁷ Uhpe dush oonoo kezhegudoon kepeëzhahwug Jerusaleming duhzhe aunwahjega‐wenenewug ewede Antioching.

²⁸ Pazhik dush Agabus azhenekahzood kepuhsegwe, Keche‐Oojechaugwun kahoonjewahweenduhmahgad, wepukkuddakummegaug emuh anegookookummegaug uhkee: oo‐oo suh kepuggumme‐ahyahmahgud uhpe ookezhegudoomun owh Claudius Cæsar.

²⁹ Me dush keënahkoonegawaud egewh kekenooähmahgunug, anduhchid enene menik kashkechegad chenindahahwaud enewh wejekewaëmaun ewede Judæäïng anduhkeenejin ewh shahwanjegawin:

³⁰ Mesuh kahezhechegawaud, kenindahahwaud dush enewh katezenejin emuh ooneenjewaung owh Barnabas kuhya Paul.