OODEZHECHEGAWINEWAH 10 - Ottawa New Testament Penteteuch and Psalms 1874

¹ Keähyah pazhik enene ewede Cæsareaïng Cornelius azhenekahzood, oomenissenoo‐oogemahmewah egewh shemahgunishug Italianug azheweenzoojig,

² Manoo‐ahnuhmeäud, quasaud enewh Kesha‐Muhnedoon kuhya kuhkenuh oowegewauming kahahyahjig, kahkeche‐shahwanemaud ahnishenahban, kuhya moonzhug kahahnuhmeätuhwaud enewh Kesha‐Muhnedoon.

³ Mezheshuh dush oogewahbuhmaun emuh enahbunduhmoowining uhpe shaungusswe‐tebahegunadenig enewh oodangenemun owh Kesha‐Muhnedoo penaunzekahgood, oo‐oo keëgood, Cornelius.

⁴ Uhpe dush kahguhnuhwahbuhmaud, kesageze, oo‐oo keëkedood, Wagoonan, Tabaningayun? Oo‐oo dush oogeënaun, Kesha‐Muhnedoo suh oomequandaunun enewh kedahnuhmeähwinun kuhya enewh kemeegewawinun.

⁵ Noongoom dush ezhenahzhuh enenewug ewede Joppaïng, chenundoomahwaud enewh Simonun Peter azhenekahzoonejin:

⁶ Oowedegamaun enewh Simonun ahsaka‐wenenewun, ewede cheegekechegumme andahnejin: mesuh owh kawahweenduhmook ewh kaëzhechegayun.

⁷ Uhpe dush kahmahjaud owh angen kahguhnoonaud enewh Corneliusun, oogenundoomaun neezh enewh oobuhmeetahgunun, kuhya pazhik anuhmeähnejin shemahgunishun moonzhug kahweejewegoojin;

⁸ Uhpe dush kahweenduhmoowaud kuhkenuh oonoo uhyeëen, oogeëzhenahzhahwaun ewede Joppaïng.

⁹ Wahyahbunenig dush, magwah uhnepahbahmahdezewaud oogoo, kuhya pashoo uhneähyahwaud emuh oodanaung, keëzhequaunduhwa owh Peter emuh oogedegummig chenahkoowa‐ahnuhmeäud kahningoodwausoo‐tebahegunag:

¹⁰ Kekeche‐puhkudda dush, kuhya oogenunduhwandaun kameejid: magwah dush chebahquawaud egewh chahbah-quajig, oogeähpuggezekahgoon ewh mahzenahmoowin,

¹¹ Oogewahbundaun dush ewh kezhik chenesahkoosing, gagoo dush ahtahsoowin kepenesekahgood emuh ahyaud, debishkoo kache‐mecheguk wahbishkegining ayishquayeëe takoobejegahdag kuhya kenesahbegenegahda emuh uhkeeng;

¹² Emuh dush keähyahwug kuhkenuh nahwoosittajig ahwaseeyug uhkeeng ayahjig, kuhya puhgwuj‐ahwaseeyug, kuhya pabahmoodajig, kuhya kezhegoong duhzhe penasheyug.

¹³ Oogenoondaun dush ewh inwawin, Puhsegween, Peter; netahgan, kuhya wesenin.

¹⁴ Peter dush keëkedoo, Kahween, Tabaningayun; kah mah wekah ningemeejeseen gagoo anandahgwuhsenook chemeejing gamuh wahnuk.

¹⁵ Menuhwah dush oogenoondaun ewh inwawin oo‐oo keëgood, Ewh kahpeenetood Kesha‐Muhnedoo, kahween mahnahdud kegahedunseen.

¹⁶ Nesing dush oo‐oo keëzhewabud: menuhwah dush keëzheöodahpenegahda ewh ahtahsoowin ewede kezhegoong.

¹⁷ Magwah dush nahnahgahdahwandung wagoodoogwanedoog maunduh wazhebahbunduhmoowin kahwahbundung, benuh, egewh enenewug kahezhenahzhahoogoojig enewh Corneliusun kuhgwadwawaud tebe andahgwan owh Simon, kenebahwewug emuh dush ishquaundang,

¹⁸ Kepepahgewug dush, kekuhgwadwawaud kishpin oomah daud owh Simon Peter azhenekahzood.

¹⁹ Magwah dush kenahnahgahdahwandung owh Peter ewh wazhebahbunduhmoowin, oo‐oo oogeëgoon enewh Keche‐Oojechaugwun, Benuh, kenunduhwanemigoog neswe enenewug.

²⁰ Puhsegween dush, nesaunduhwan, uhnewejewh dush, kuhnuhga ahgoonwayanduhsewun; neen suh ningeëzhenahzhahwaug.

²¹ Keëzhenesaunduhwa dush Peter emuh ahyahnid enewh kahezhenahzhahwahjin Cornelius; oo‐oo dush keëkedood, Benuh, neen nindow owh nanduhwahbuhmag: wagoonash pahoonzekahyag?

²² Oo‐oo dush keëkedoowug, Cornelius menissenoo‐oogemah, manoo‐ezhewabezid enene, kuhya quasaud enewh Kesha‐Muhnedoon, manwahjemegood dush kuhkenuh enewh Jewyun, oogeëgoon dush enewh kachetwahwezenejin angenun chenundoomik ewede andaud cheëzhahyun, cheöonjenoondung enewh ekedoowinun kaëkedooyun.

²³ Peter dush oogeënaun chepeendeganid, oogeguhnuhwanemaun dush. Bahnemah dush wuhyahbunenig Peter oogeühneweejewaun, oogeweejewegoon dush ahnind wejekewaëmaun ewede Joppaïng ayahnejin.

²⁴ Menuhwah dush wahyahbunenig ketuhgwishenoog ewede Cæsareäïng. Cornelius dush oogenundahwanemaun, oogenundoomahbuneen dush ahnind oodenuhwamahgunun kuhya weejekewaün.

²⁵ Uhpe dush paundegad owh Peter, oogepenuhquashkahgoon enewh Corneliusun, keähpuggezoonid dush emuh oosittaung, keöojecheengwunetahgood.

²⁶ Peter dush oogepuhsegwindenaun, oo‐oo keëkedood, Puhsegween; kuhya neen suh nindenenewh.

²⁷ Magwah dush guhnoonaud, keühnepeendega, oogemekahwaun dush nebewah kahmahwunjeëdenejin.

²⁸ Oo‐oo oogeënaun, Kekekandahnahwah ewh enandahgwussenook Jew‐enene cheweejewaud, gamuh chenaunzekahwaud pukkaun azheweenzoonejin enenewun: ningewahbunduhik dush owh Kesha‐Muhnedoo mahzhandahgooze gamuh weeneze cheënahsewug ahweyah enene.

²⁹ Mesuh pahoonjenaunzekoonaun ahgoonwatunsewaun, uhpe kenundoomegooyaun: kekuhgwajeminim dush wagoonash wanjenundoomeyaig?

³⁰ Cornelius dush oo‐oo keëkedoo, Noongoom newoogoonuhgud pahahkoo‐keëquishemooyaun nahnauzh oo‐oo ahpeech‐kezheguk; shaungussoo‐tebahegunag ningeähnuhmeäh emuh newegewauming, benuh dush, kenebahwe enahsuhmeyaun pazhik enene wuhyahbishkookunuhyad,

³¹ Oo‐oo dush keëkedoo, Cornelius, kebezinduhmahgoo kedahnuhmeähwin, kuhya keshahwanjega‐meegewawinun oomequandaunun owh Kesha‐Muhnedoo.

³² Ezhenahzhuh dush egewh enenewug ewede Joppaïng, chenundoomind owh Simon, Peter azhenekahzood: dah emuh oogewauming owh Simon ahsaka‐wenene ewede cheege‐kechegumme: uhpe dush penaunzekook kegahguhnoonik.

³³ Bahbega dush ningeähnooke chenundoomegooyun; kegemenoochega dush peëzhahyun. Noongoom dush kuhkenuh nindahyahmin oomah anahsuhmuhbid Kesha‐Muhnedoo, chenoonduhmaung kuhkenuh oonoo uhyeëen kahkuhgaunzoomikin Kesha‐Muhnedoo chedebahdooduhmun.

³⁴ Me dush uhpe ketahwuneed owh Peter, oo‐oo keëkedood, Kagate newahbundaun ewh, Kesha‐Muhnedoo pekinoong uhyenanemahsig enewh bamahdezenejin:

³⁵ Kuhkenuh dush ahnooj‐azheweenzoojig owh quasaud Kesha‐Muhnedoon kuhya mahkindung menooëzhewabezewin, mesuh enewh Kesha‐Muhnedoo wadahpenahjin.

³⁶ Ewh ekedoowin kahezheguhnoonaud owh Kesha‐Muhnedoo enewh oonejahnesun owh Israel wahweendung ewh pezaunewawin oonje Jesus Christ; (mesuh owh tabanemaud kuhkenuh:)

³⁷ Kekekandahnahwah ewh ekedoowin, kahwahweenjegahdag, emuh anegookookummegaug Judæa, Galileeïng kahoonjemahjetaung, kahishquah‐wahweendung owh John ewh baptizooëwawin;

³⁸ Kesha‐Muhnedoo kenuhmuhkoonaud enewh Jesusun Nazarething duhzhe‐enenewun enewh Keche‐Oojechaugwun kuhya mushkahwezewin: mesuh wah‐owh kahpahbahshahwanjegad, kuhya kahpahbahnoojemooäud kuhkenuh enewh mujje‐muhnedoo kahkooduggeähjin; oogeweedookahgoon muh enewh Kesha‐Muhnedoon.

³⁹ Nenuhwind dush ningewahbunjegamin kuhkenuh menik kahezhechegad emuh oodnhkeemewaung egewh Jewyug, kuhya ewede Jerusaleming; mesuh enewh kahnesahwahjin kuhya kahahgoonahwahjin emuh metikoong:

⁴⁰ Mesuh dush oonoo Kesha‐Muhnedoo kahahbejebahahjin nasoogoonahgudenig, kuhya mezheshuh kahwahbunduhewajin;

⁴¹ Kahween oogewahbundahahseen kuhkenuh enewh ahnishenahban, enewh atuh wuhyahbunjeganejin kezhah kahwuhwanahbuhmahjin owh Kesha‐Muhnedoo, nenuhwind suh, kahwedoopuhmungid kuhya kahweeje‐menequa-mungid kahahbejebaud.

⁴² Ningekuhgaunzoomegoonaun dush chekuhgeekemungidwah egewh ahnishenahbag, kuhya chedebahjemooyaung, wah‐owh ahwid kahahnoonegood enewh Kesha‐Muhnedoon chetebahkoonaud enewh bamahdezenejin kuhya naboonejin.

⁴³ Mesuh enewh dabahjemahwahjin kuhkenuh aunwahjega‐wenenewug, ahwagwan kadabwayanemahgwan, oodoonoozoowining tahoonjewabenuhmahwah oomujjeëzhewabezewinun.

⁴⁴ Magwah kayahbe kekekedood owh Peter oonoo ekedoowinun, Keche‐Oojechaugwun oogepuhgummishkahgoowaun.

⁴⁵ Egewh dush kahkekenoowahje‐kishkezhegahzoojig kahdabwayandungig kemahmahkahdanduhmoog, menik kahpemewejewahpuneeg enewh Peterun, ewh oonje kepeseegenuhmahwindwah egewh mayuggezejig oomeegewawin owh Keche‐Oojechaug.

⁴⁶ Oogenoondahwahwaun muh ezhekekedoonid pakaunukin inwawinun, kekechetwahwanemahwaud enewh Kesha‐Muhnedoon. Medush uhpe kenuhquatung owh Peter.

⁴⁷ Ahweyah nuh enene tahekedoo, Kahween tahpuggedenegahdasenoon ewh nebee, chebaptizoowahsewindwah oogoo, kahoodahpenahjig enewh Keche‐Oojechaugwun debishkoo kuhya kenuhwind?

⁴⁸ Keëkedoo dush chebaptizoomemind emuh oodezhenekahzoowining owh Tabaningad. Oogepahgoosanemahwaun dush cheduhnezenid emuh goomah menik dussoogoon.