NUMBERS 9 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun emuh Sinai duhzhe puhgwuhduhkummig, uhpe nangookeeziswuhguk naunzhoopepoonuhguk emuh Egypt duhzhe uhkeeng kahöonjemahjahwaud, oo‐oo keënaud.

² Mahnoo kuhya Israel oonejahnesun oogahkuhnuhwandahnahwah ewh kuhbekoosa‐wekoondewin ewh goo uhpe anahkoonegang chekuhnuhwanduhming.

³ Uhpe madahswe‐uhshe‐newoogoon‐uhgezid wuhowh keezis, wanahgooshig, kegahkuhnuhwandahnahwah ewh goo uhpe anahkoonegang chekuhnuhwanduhming: nahsaub egoo anandahgwukkin kuhkenuh enewh ahnuhmeä‐ezhechegawinun azhechegang koo ewh uhpe, kegahkuhnuhwandahnahwah.

⁴ Moses dush oogekuhnoonaun Israel oonejahnesun, chekuhnuhwanduhmenid ewh kuhbekoosa‐wekoondewin.

⁵ Oogekuhnuhwandahnahwah dush ewh kuhbekoosa‐wekoondewin uhpe madwahswe‐uhshe‐newoogoon‐uhgezid owh netum keezis wanahgooshig emuh Sinai duhzhe puhgwuhduhkummig: kuhkenuh goo Jehovah kahezhekuhgaunzoomaud enewh Mosesun, me ewh kahezhechegawaud Israel oonejahnesun.

⁶ ¶ Keühyahwug dush ahnind enenewug, kahweneëgoojig oojebuhyene pazhig enenewun, kekushketoosigwah dush chekuhnuhwanduhmoowaud ewh kuhbekoosa‐wekoondewin ewh kezhiguk: kebeëzhahwug dush emuh anahsuhmeühyaud Moses kuhya Aaron ewh kezhiguk:

⁷ Egewh dush enenewug oo‐oo oogeënahwaun, Ningewene-egoonaun oojebuhyun pazhig enene: wagoonan dush wanjekenuhuhmahgooyaung chesahsahgewenungid Jehovah ewh uhpe anahkoonegang chesahsahgewejegang emuh uhyahnid Israel oonejahnesun?

⁸ Moses dush oo‐oo oogeënaun, Pezaune‐gahbuhweyook, ningahnoondahga dush Jehovah kaëzheguhgaundwagwan kenuhwah oonje.

⁹ ¶ Jehovah dush oogekuhnoonaun enewh Mosesun, oo‐oo keënaud,

¹⁰ Kuhnoonzh Israel oonejahnesun, oo‐oo dush ezhe, Kishpin ahweyah kenuhwah gamuh kuhya kenejahnesewaug kaneähnekabemahdezewaud wenezid chebuhyun oonje, gamah kuhya buhbahmahdezid wahsuh, pooch egewh oogahkuhnuhwandaun ewh kuhbekoosa‐wekoondewin emuh anahsuhmeühyaud Jehovah.

¹¹ Uhpe medahswe‐uhshe‐newoogoon‐uhgezid owh neenzh keezis wanahgooshig oogahkuhnuhwandahnahwah, oogahmejenahwah dush owh wambesejegahzoozig buhquazhegun tuhgooäumwahwaud kuhya wahsuhgungin uhkeeng natahwegingin.

¹² Kahween oogahishkoonunsenahwah gagoo nuhnaunzh egoo chewahbung, kahween kuhya oogahbooquuhunsenahwah gagoo ookun: nahsaubegoo anandahgwukkinkuhkenuh enewh ahnuhmeä‐ezhechegawinun emuh kuhbekoosa‐wekoondewining oogahkuhnuhwandahnahwah.

¹³ Owh dush ween pahnezid, kuhya babahmahdezesig, kuhya kanuhwandunsig ewh kuhbekoosa‐wekoondewin, owh suh goo tahnishwuhnahjeäh emuh uhyahnid weejahnishenahban: ewh suh kebeduhwahsig enewh Jehovahun ewh sahsahgewejegun ewh uhpe anahkoonegang chesahsahgenejegang, me ewh kaöonjebemoondung owh enene oopahtahzewin.

¹⁴ Kishpin dush owh mayuhgezid uhkuhwa duhnezid emuh uhyahyag, kuhya enandung chekuhnuhwandung ewh kuhbekoosa‐wekoondewin emuh anahsuhmeühyahnid Jehovahun; nahsaubegoo anandahgwuk ewh ahnuhmeä‐ezhechegawin emuh kuhbekoosa‐wekoondining, me suh kaëzhechegad: kegahuhyahnahwah pazhig enahkoonegawin, kakuhnuhwandung owh mayuhgezid, kuhya owh kahnegid emah uhkeeng.

¹⁵ ¶ Ewh dush kezhiguk ewh puhpuhgewuhyahne‐ahnuhmeäwegummig kepuhduhkesejegahdag ewh ahnuhquud keühgwuhnesin emuh puhpuhgewuhyahne‐ahnuhmeäwegummigoong: emuh suh goo debahjemoowine‐puhpuhgewuhyahne‐gummigoong; wanahgooshig dush kenahgwud wuhgijuhyeëe emuh puhpuhgewuhyahne‐ahnuhmeä‐wegummigoong nindegoo ishkooda, nuhnaunzh egoo kekekezhabahwuhguk.

¹⁶ Me suh ewh uhpuhna kahezhewabuk: ewh ahnuhquud keühgwuhnesin emah kahzhegukin, ewh dush ishkoodang kahezhenahgwuk tabekukin.

¹⁷ Uhpe dush ewh ahnuhquud emuh puhpuhgewuhyahne‐ahnuhmeä‐wegummigoong kahoonjeöombenegahdag, me dush ewh uhpe Israel oonejahnesun kemahjahnid: emuh dush kebezaunuhgoodag ewh ahnuhquud, me emuh Israel oonejahnesun kebuhduhkesedoowaud oopuhpuhgewuhyahne‐gummigoowaun.

¹⁸ Uhpe kahguhgaundwad Jehovah Israel oonejahnesun kemahjahwun, uhpe kuhya kahguhgaundwad Jehovah kekuhbashewun: menik egoo ewh ahnuhquud kahuhgwuhnesing emah puhpuhgewuhyahne‐ahnuhmeäwegummigoong keühyahwun emuh oopuhpuhgewuhyahne gummigooning.

¹⁹ Uhpe dush ewh ahnuhquud kenwanzh kahuhyahmuhguk wuhgij‐puhpuhgewuhyahne‐ahnuhmeä‐wegummigoong nebewah suh goo dussoogoon, me Israel oonejahnesun keühkuh-wahbenid emuh anahsuhmeühyahnid Jehovahun, kahween kuhya kemahjahsewun.

²⁰ Me dush ewh kahezhewabuk, uhpe ewh ahnuhquud pungesha dussoogoon kahuhtag wuhgij‐puhpuhgewuhyahne‐ahnuhmeäwegummigoong; kahezhekuhgaundwanid enewh Jehovahun kedahwug oopuhpuhgewuhyahne‐gummigoowaung, kuhya kahezhekuhgaundwanid enewh Jehovahun kemahjah wug.

²¹ Me dush ewh kahezhewabuk, uhpe ewh ahnuhquud kahuhtag wanahgooshig nuhnaunzh egoo kakezhabahwuhguk, uhpe dush ewh ahnuhquud kahoombenegahdag kakezhabahwuhguk, me ewh uhpe kemahjahwaud: nuhmunj egoo uhpe ewh ahnuhquud kahoombenegahdag magwah kezheguk gamah kuhya magwah tebekuk kemahjahwug.

²² Gamah kuhya neenzhoogoon, gamah kuhya ningookee zis, gamah kuhya ningoopepoon, ewh ahnuhquud kahuhtag wuhgij‐puhpuhgewuhyahne‐ahnuhmeäwegummigoong, wuhgij‐uhyeëe emuh uhtag, Israel oonejahnesun kedahwug oopuhpuhgewuhyahne‐gummigoowaung, kah dush kemahjahsewug: uhpe dush ween kahoombenegahdag, kemahjahwug.

²³ Kahkuhgaunzoomegoowahjin Jehovahun keäunwabewug oopuhpuhgewuhyahne‐gummigoowaung, kuhya kahkuhgaunzoomegoowahjin Jehovahun kemahjahwug: oogekuhnuhwandahnahwah kahezhekuhgaunzoomegoowaud Jehovahun, kahezhekuhgaunzoomahnid enewh Mosesun.