NUMBERS 8 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Kuhnoonzh owh Aaron, oo‐oo dush ezhe, Uhpe sakuhuh-munin enewh wahsuhkoonanjegunun, enewh neenzhwahswe wahsuhkoonanjegunun tahwahsuhkoonawun debishkoo emuh wahsuhkoonanjegun‐ahbikoong.

³ Aaron dush ewh keëzhechega; oogesuhkuhahnun enewh wahsuhkoonanjegunun dabandahgwukkin emuh debishkoo emuh wahsuhkoonanjegunahbikoong, nahsaub suh goo Jehovah kahezhekuhgaunzoomaud enewh Mosesun.

⁴ Oo‐oo dush wahsuhkoonanjegun‐ahbik ewh nabuhgeguh-naunduhming oozahweshooneyah keöonjeöozhechegahda, ewh emuh weyowewung, kuhya enewh wahwahsuhkoonang azhenahgwukkin dabandahgwukkin emuh, kenuhbuhgeguhnaunjegam keöozhetoong: nahsaub egoo anandahgwuk ewh kekenuhwahbunjegun Jehovah kahwahbunduhaud enewh Mosesun, me suh ewh kahezhetood ewh wahsuhkoonanjegunahbik.

⁵ Jehovah dush oogekuhnoonaun enewh Mosesun, oo‐oo keënaud,

⁶ Oodahpin egewh Levitug emuh uhyahnid Israel oonejahnesun, peneh edush.

⁷ Oo‐oo dush kegahdooduhwaug wepeneüdwah: Suhswabeguhundowh ewh peneëwa‐nebe, mahnoo dush oogahgaushkebahdahnahwah kuhkenuh ooweyowewah, mahnoo kuhya oogahkezebegenahnahwah ooduhgwewinewah, chepeneëdezoowaud edush.

⁸ Mahnoo dush oogahoodahpenahwaun uhyahba‐pezhekeensun kuhya oomejime‐sahsahgewejegun, ewh suh goo wanezheshing pahsaug buhquazhegun, ewh emuh duhgoonegahdag bemeda, kuhya menuhwah pazhig uhyahba‐pezhekeense kegahoodahpenah oonje ewh pahtahzewine‐sahsahgewejegun.

⁹ Kegahpenaug dush egewh Levitug emuh anahsuhmesing ewh oopuhpuhgewuhyahne‐ahnuhmeäwegummigoowah egewh muhyahwunjeëdejig: kegahmahwunjeäug dush kuhkenuh egewh muhyahmuhwenoojig Israel oonejahnesun.

¹⁰ Kegahpenaug dush egewh Levitug emuh anahsuhmeühyaud owh Jehovah: Israel dush oonejahnesun oogahuhtuhmuhwahwaun ooninjeewaun enewh Levitun:

¹¹ Aaron dush oogahpuhgedenaun enewh Levitun emuh anahsuhmeühyahnid Jehovahun, me ewh oopuhgedenega-winewah Israel oonejahnesun, chemekinduhmenid dush ewh ooduhnookewin Jehovah.

¹² Egewh dush Levitug oogahuhtoonahwaun ooninjewaun emuh ooshtegwaunening enewh uhyahba‐pezhekeensun: pazhig dush kegahsahsahgewejeganun oonje ewh pahtahzewine‐sahsahgewejegun, owh dush menuhwah pazhig oonje ewh chuhyahgezegahdag sahsahgewejegun, emuh anahsuhmeühyaud Jehovah, cheähnuhmeätuhmuhwudwahe gewh Levitug.

¹³ Kegahpuhgedenaug dush egewh Levitug emuh anuhsuhme‐uhyaud owh Aaron, kuhya emuh anahsuhmeühyahnid enewh oogwissun, kuhya kegahpnhgedenuhmuhwah Jehovah enewh oonje ewh puhgedenegawin.

¹⁴ Me suh oo‐oo puhkaühyeëe kaëzheühsudwah egewh Levitug emuh uhyahnid Israel oonejahnesun: egewh dush Levitug neen ningahtebanemaug.

¹⁵ Me dush egewh Levitug chepeendegawaud chemekinduhmoowaud ewh uhnookewin emuh oopuhpuhgewuhyahne‐ahnuhmeä‐wegummigoowaung egewh muhyahwunjeëdejig: kegahpeneäug dush, kuhya kegahpuhgedeneganug oonje ewh puhgedenegawin.

¹⁶ Wawane mah nemenegoo egewh emuh uhyahnid Israel oonejahnesun; ningeöodahpenaug egewh mashquud, egewh ween natum nahgeïnjig, egewh suh goo oonetumoonzhahnewaun kuhkenuh Israel oonejahnesun chekeöodahpenugwahbun.

¹⁷ Kuhkenuh mah oonetumoonzhahnewaun Israel oonejahnesun neen nindebanemaug, nuhyanzh owh bamahdezid kuhya owh uhwuhkaun: ewh uhpe kezhiguk kepuhketawugwah anduhchewaud netumoonzhahnug emuh Egypt duhzhe uhkeeng ningekechetwahweäug neen oonje.

¹⁸ Ningeöodahpenaug kuhya egewh Levitug mashquud kuhkenuh ween enewh oonetumoonzhaunewaun Israel oonejahnesun chegeöodahpenuhmuhwuhgwahbun.

¹⁹ Ningemeenah dush Aaron kuhya enewh oogwissun enewh Levitun, me enewh kahmeenugwah emuh uhyahnid Israel oonejahnesun, chemekinduhmenid ewh oobuhmetahgawinene Israel oonejahnesun, emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, kuhya chesahsahgewejegawaud cheöonjepoonanememind Israel oonejahnesun: cheühyahmuhgussenoog mujje‐enahpe-nawin emuh uhyahwaud Israel oonejahnesun, uhpe Israel oonejahnesun pashoo buhezhahnid emuh kechetwah wegewauming.

²⁰ Moses dush, kuhya Aaron, kuhya kuhkenuh egewh muhyahwunjëedejig Israel oonejahnesun, oogedooduhwahwaun enewh Levitun nahsaub kuhkenuh Jehovah kahezhekuhgaunzoomaud enewh Mosesun enewh Levitun keduhzhemaud, me ewh Israel oonejahnesun kahdooduhwahwaud.

²¹ Egewh dush Levitug kepeneähwug, oogekezebegenahnahwaun kuhya ooduhgwewinewaun; Aaron dush oogepuhgedeneganun enewh tahnahsug ewh puhgedenegawin emuh anahsuhmeühyahnid Jehovahun; Aaron kuhya kesahsahgewejega chepeneëmind.

²² Me dush ewh uhpe kepeendegawaud egewh Levitug chemekinduhmoowaud ooduhnookewinewah emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig emuh anahsuhmeühyahnid Aaron, kuhya enewh oogwissun, kahezhekuhgaunzoomahpun egoo Jehovah enewh Mosesun, enewh Levitun keduhzhemaud, me ewh kahdooduhwahwaud enewh.

²³ ¶ Jehovah dush oogekuhnoonaun enewh Mosesun, oo‐oo keënaud,

²⁴ Me suh oo‐oo kaëzhewabezewaud egewh Levitug: uhpe neeshtuhnuh uhshe nahnun andussoopepoon‐uhgezewaud kuhya uhwushema tahpeendegawug chemekinduhmoowaud ewh buhmeetahgawin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig:

²⁵ Uhpe dush nahnemeduhnuh andussoopepoon‐uhgezewaud tahpoonebuhmeetahgawug emuh, kah dush menuhwah tahbuhmeetahgasewug:

²⁶ Oogahwedookuhwahwaun dush ween enewh wekahnesewaun uhnookenid emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, chekuhnuhwanduhmoowaud enewh anandahgoozewaud chekuhnuhwanduhmoowaud, kah dush oogahmekindunsenahwah gagoo buhmeetahgawin. Me suh oo‐oo kadooduhwudwah egewh Levitug oonje enewh kakuhnuhwanduhmoowahjin.