NUMBERS 7 - Ottawa New Testament Penteteuch and Psalms 1874

¹ Kepuhgummeühyahmuhgud dush ewh kezhiguk Moses wawane kepuhduhkesedood ewh puhpuhgewuhyahne‐ahnuhmeäwegummig, kuhya kenoomenung kuhya kekechetwahwetood, kuhya kuhkenuh enewh ahbuhjechegunun dabandahgwukkin emuh, nuhyanzh ewh sahsahgewejegun‐ahbik kuhya kuhkenuh enewh ahbuhjechegunun dabandahgwukkin emuh, kuhya kenoomenung enewh, kuhya kekechetwahwetood;

² Ewh kepuhgedenegawaud egewh Israelitug oodoogemahmewaun, nahgahnezekundungig oowegewaumene oosewahbuneen, kahoogemahkundungig enewh oodawezewinun, kuhya kahnegaunezekunduhwahjig enewh kahuhgememindjin:

³ Oogebedoonahwah dush ewh oomegewawinewah emuh anahsuhmeühyahnid Jehovahun, ningoodwahswe agwuhnuhegahdagin tetebe‐dahbaunun, kuhya medahswe uhshe neenzh uhnooke‐pezhekewug; pazhig tetebe‐dahbaun me neenzh egewh oogemaug, kuhya papazhig egewh pazhig uhnooke‐pezheke: oogepenahwaun dush emuh anahsuhmeühyahmuhguk ewh puhpuhgewuhyahne‐ahnuhmeäwegummig.

⁴ Jehovah dush oogekuhnoonaun enewh Mosesun, oo‐oo keënaud,

⁵ Oodahpenuhmowh, gagoo cheënahbuhdukin buhmetahgang emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig; kegahmeenaug dush enewh egewh Levitug, anduhchewaud egewh enenewug nahsaub egoo anandahgwudenig oobuhmetahgawinewah.

⁶ Moses dush oogeöodahpenaunun enewh tetebe‐dahbaunun kuhya enewh uhnooke‐pezhekewun, oogemeenaun dush enewh Levitun.

⁷ Neenzh tetebe‐dahbaunun kuhya newin uhnooke‐pezhekewun oogemeenaun Gershon oogwissun, nahsaub egoo anandahgwudenig oobuhmetahgawinene:

⁸ Kuhya newin tetebe‐dahbaunun kuhya shwahswe uhnooke‐pezhekewun oogemeenaun Merari oogwissun, nahsaub egoo anandahgwudenig oobuhmetahgawinene, enewh wagemahkunduhwahjin owh Ithamar oogwissun owh Aaron owh sahsahgewejega‐wenene.

⁹ Enewh dush ween oogwissun owh Kohath kahween gagoo oogemeenahseen: ewh mah azhebuhmetahgawaud emuh kechetwah wegewauming me ewh chebemewuhnawaud oodenemaungunewaung.

¹⁰ ¶ Egewh dush oogemaug kepuhgedenegawug cheöonjekechetwahwetoong ewh sahsahgewejegun‐ahbik ewh kezhiguk kenoomenegahdag, egewh suh goo oogemaug oogepuhgedenahnahwah oomegawawinewah emuh anahsuhmesing ewh sahsahgewejegun‐ahbik.

¹¹ Jehovah dush oo‐oo oogeënaun enewh Mosesun, Oogahpuhgedenahnahwah oomeegewawinewah, anduhchewaud egewh oogemaug ookezhigudoomewaung, cheöonjekechetwahwetoong ewh sahsahgewejegun‐ahbik.

¹² ¶ Nahshon dush Amminadab oogwissun, dabandahgoozid emuh oodenoodawezewining owh Judah, oogepuhgedenaun oopungedenegawin ewh netum kezhiguk:

¹³ Ewh dush oomeegewawin me ewh pazhig shooneyah‐kecheöonahgun, ningoodwauk uhshe nesemeduhnuh shekelug apetenegwuk, pazhig shooneyah oonahgaunse neenzhwahsemeduhnuh shekelug apetenegwuk, owh shekel awind emuh kechetwah‐wegewauming me owh tabuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenegahdag pemeda kaöonjemejime‐sahsahgewejegang.

¹⁴ Pazhig oozahweshooneyah‐amequaun medahswe shekelug apetenegwuk, mwaushkenag menoo‐mahgwahkezegun:

¹⁵ Pazhig uhyahba pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgedag sahsahgewejegun:

¹⁶ Pazhig mesahboozoonse wandenind emuh uhyahwaud egewh mesahboozoog oonje ewh pahtahzewine‐sahsahgewejegun:

¹⁷ Kuhya oonje ewh pazauneëwawine‐sahsahwejegun, neenzh uhnooke‐pezhekewug, nahnun uhyahba mahnishtahneshug, nahnun uhyahba‐mesahboozoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin owh Nahshon, Amminadab oogwissun.

¹⁸ ¶ Naunzhookezhiguk Nethaneel Zuar oogwissun, Issacharing duhzhe oogemah, kepuhgedenega:

¹⁹ Ewh oomeegewawin kahpuhgedenung me ewh pazhig shooneyah‐keche‐oonahgun, ningoodwauk uhshe nesemeduhnuh shekelug apetenegwuk, pazhig shooneyah oonahgaunse neenzhwahsemeduhnuh shekelug apetenegwuk, owh shekel awind emuh kechetwah wegewauming me owh tahbuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenuhming pemeda kaöonjemejimesahsahgewejegang:

²⁰ Pazhig oozahweshooneyah‐amequaun medahswe shekelug apetenegwuk, mwaushkenag menoo‐mahgwahkezegun:

²¹ Pazhig uhyahba pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgedag sahsahgewejegun:

²² Pazhig mesahboozoonse wandenind emuh uhyahwaud egewh mesahboozoog oonje ewh bahtahzewine‐sahsahgewejegun:

²³ Kuhya oonje ewh pezauneëwawine‐sahsahgewejegun: neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐mesahboozoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Nethaneel Zuar oogwissun.

²⁴ ¶ Nasookezhiguk Eliab, Helon oogwissun, Zebulun oonejahnesun oodoogemahmewaun, kepuhgedenega:

²⁵ Ewh oomeegewawin me ewh pazhig shooneyah‐keche-oonahgun, ningoodwauk uhshe nesemeduhnuh shekelug apetenegwuk, pazhig shooneyah oonahgaunse neenzhwahsemeduhnuh shekelug apetenegwuk, owh shekel uhyahbuhjeïnd emah kechetwah‐wegewauming me owh tabuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenegahdag pemeda kaöonjemejime‐sahsahgewejegang:

²⁶ Pazhig oozahweshooneyah amequaun medahswe shekelug apetenegwuk, mwaushkenag menoo‐mahgwahkezegun:

²⁷ Pazhig uhyahba pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgedag sahsahgewejegun:

²⁸ Pazhig mesahboozoonse wandenind emuh uhyahwaud egewh mesahboozoog oonje ewh pahtahzewine‐sahsahgewejegun:

²⁹ Kuhya oonje ewh pezaunëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐mesahboozoog, nahnun mahnishtahnisheensug nangoopepoon‐uhgezejig: me suh oo‐oo oomeegewawin Eliab oogwissun owh Helon.

³⁰ ¶ Nahwookezhiguk Elizur oogwissun owh Shedeur, oodoogemahmewaun Reuben oonejahnesun, kepuhgedenega:

³¹ Ewh oomeegewawin me ewh pazhig shooneyah kecheoonahgun, ningoodwauk uhshe nesemeduhnuh shekelug apetenegwuk, pazhig shooneyah‐oonahgaunse neenzhwahsemeduhnuh shekelug apetenegwuk, Ewh shekel uhyahbuhjeïnd emuh kechetwah‐wegewauming me owh tabuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenuhming pemeda kaöonjemejime‐sahsahgewejegaug:

³² Pazhig oozahweshooneyah amequaun medahswe shekelug apetenegwuk, mwauskenad ewh menoo‐mahgwahkezegun:

³³ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezejig, oonje ewh chuhyahgedag sahsahgewejegun:

³⁴ Pazhig mesahboozoonse wandenind emuh uhyahwaud egewh mesahboozoog oonje ewh pahtahzewine‐sahsahgewejegun:

³⁵ Kuhya oonje ewh pezauneëwawine sahsahgewejegun, neenzh uhnooke‐pezhekewug, nahnun uhyahba mahnishtahnishug, nahnun uhyahba mesahboozoog, nahnun mahnishtahnisheensug nangoopepoon‐uhgezejig: me suh oo‐oo oomeegewawin Elizur oogwissun owh Shedeur.

³⁶ ¶ Nahnookezhiguk Shelumiel oogwissun owh Zurishaddai, oodoogemahmewaun Simeon oonejahnesun, kepuhgedenega:

³⁷ Me oo‐oo oomegewawin pazhig shooneyah keche‐oonahgun, ningoodwauk uhshe nesemeduhnuh shekelug apetenegwuk, pazhig shooneyah oonahgaunse neenzhwahsemeduhnuh shekelug apetenegwuk, me owh shekel uhyahbuhjeïnd emuh kechetwah‐wegewauming tabuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenegahdag pemeda kaöonjemejime‐sahsahgewejegang:

³⁸ Pazhig oozahweshooneyah amequaun medahswe shekelug apetenegwuk, mwaushkenag menoo‐mahgwahkezegun:

³⁹ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁴⁰ Pazhig mesahboozoonse wandenind emuh uhyahwaud egewh mesahboozoog oonje ewh pahtahzewine‐sahsahgewejegun:

⁴¹ Kuhya oonje ewh pezauneëwawine‐sahsahgewejegun neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐mesahboozoog, nahnun mahnishtahnisheensug nangoopepoon‐uhgezejig: me suh oo‐oo oomeegewawin Shelumiel oogwissun owh Zurishaddai.

⁴² ¶ Nangoodwahsookezhiguk Eliasaph oogwissun owh Deuel, oodoogemahmewaun Gad oonejahnesun, kepuhgedenega:

⁴³ Me suh oo‐oo oopuhgedenegawin pazhig shooneyah kecheoonahgun ningoodwauk uhshe nesemeduhnuh shekelug apetenegwuk, pazhig shooneyah oonahgaunse neenzhwahsemeduhnuh shekelug apetenegwuk, me owh shekel uhyahbuhjeïnd emuh kechetwah‐wegewauming tabuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenuhming pemeda kaöonjemejime‐sahsahgewejegang:

⁴⁴ Pazhig oozahweshooneyah‐amequaun medahswe shekelug apetenegwuk, mwaushkenag menoo‐mahgwahkezegun:

⁴⁵ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁴⁶ Pazhig mesahboozoonse wandenind emuh uhyahwaud egewh mesahboozoog oonje ewh pahtahzewine‐sahsahgewejegun:

⁴⁷ Kuhya oonje ewh pezauneëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐mesahboozoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Eliasaph oogwissun owh Deuel.

⁴⁸ ¶ Naunzhwahsookezhiguk Elishama oogwissun owh Ammihud, oodoogemahmewaun Ephraim oonejahnesnn kepuhgedenega:

⁴⁹ Me suh oo‐oo oopuhgedenegawin pazhig shooneyah keche‐oonahgun, ningoodwauk uhshe nesemeduhnuh shekelug apetenegwuk, pazhig shooneyah oonahgaunse neenzhwahsemeduhnuh shekelug apetenegwuk, me owh shekel uhyahbuhjeïnd emuh kechetwahwegewauming tahbuhegang; nuhyanzh enewh kemooshkenawun wanezheshing pahsaug buhquazhegun ewh emuh keneguhwenuhming pemeda kaöonjemejimesahsahgewejegang:

⁵⁰ Pazhig oozahweshooneyah amequaun medahswe shekelug apetenegwuk, mwaushkenag menoomahgwahkezegun:

⁵¹ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁵² Pazhig mesahboozoonse wandenind emuh uhyahwaud egewh mesahboozoog oonje ewh pahtahzewine‐sahsahgewejegun:

⁵³ Kuhya oonje ewh pezauneëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐meshahboozoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Elishama oogwissun owh Ammihud.

⁵⁴ ¶ Shwahsookezhiguk kepuhgedenega Gamaliel oogwissun owh Pedahzur, oodoogemahmewaun Manasseh oonejahnesun:

⁵⁵ Me suh oo‐oo oopuhgedenegawin, pazhig keche‐shooneyah‐oonahgun ningoodwauk uhshe nesemeduhnuh dussoo shekel apetenegwuk, pazhig shooneyah‐oonahgaunse neenzhwahsemeduhnuh dussoo shekel apetenegwuk, me owh shekel uhyahbuhjeïnd emuh kechetwah wegewauming tabuhegang; nuhyanzhenewh kemooshkenawun ewh wanezheshing pahsaug buhquazhegun pemeda kuhya duhgoonegahdag, oonje ewh mejime‐sahsahgewejegun:

⁵⁶ Pazhig oozahweshooneyah‐amequaun medahsoo‐shekel apetenegwuk, mwaushkenag ewh menoomahgwahkezegun:

⁵⁷ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁵⁸ Pazhig meshahboozoonse wandenind emuh uhyahwaud egewh meshahboozoog oonje ewh bahtahzewine‐sahsahgewejegun:

⁵⁹ Kuhya oonje ewh pezauneëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐meshahboozoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Gamaliel oogwissun owh Padahzur.

⁶⁰ ¶ Shuhyaunguhsoo‐kezhiguk kepuhgedenega Abidan oogwissun owh Gideoni, oodoogemahmewaun Benjamin oonejahnesun:

⁶¹ Me suh oo‐oo oopuhgedenegawin pazhig keche‐shooneyah‐oonahgun, ningoodwauk uhshe nesemeduhnuh dussoo shekel apetenegwuk, pazhig shooneyah‐oonahgaunse neenzhwahsemeduhnuh dussoo shekel apetenegwuk, me owh shekel uhyahbuhjeïnd emah kechetwah wegewauming tabuhegang; nuhyanzh enewh kemooshkenawun ewh wanezheshing pahsaug buhquazhegun pemeda kuhya kahtuhgoonegang, oonje ewh mejime‐sahsahgewejegun:

⁶² Pazhig oozahweshooneyah‐amequaun medahsoo‐shekel apetenegwuk, mwaushkenag ewh menoomahgwahkezegun:

⁶³ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁶⁴ Pazhig meshahboozoonse wandenind emuh uhyahwaud egewh meshahboozoong oonje ewh pahtahzewine‐sahsahgewejegun:

⁶⁵ Kuhya oonje ewh pezauneëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐meshahboezoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Abidan oogwissun owh Gideoni.

⁶⁶ ¶ Madahsookezhiguk kepuhgedenega Ahiezer oogwissun owh Ammishaddai, oodoogemahmewaun Dan oonejahnesun:

⁶⁷ Me suh oo‐oo oopuhgedenegawin, pazhig keche‐shooneyah‐oonahgun, ningoodwauk uhshe nesemeduhnuh du‐soo shekel apetenegwuk, pazhig shooneyah‐oonahgaunse neenzh wahsemeduhnuh dussoo shekel apetenegwuk, me owh shekel uhyahbuhjeïnd emuh kechetwah‐wegewauming tabuhegang; nuhyanzh enewh kemooshkenawun ewh wanezheshing pahsaug buhquazhegun ewh emuh keduhgoonegahdag pemeda oonje ewh mejime‐sahsahgewejegun:

⁶⁸ Pazhig oozahweshooneyah‐amequaun medahsoo‐shekel apetenegwuk, mwaushkenag ewh menoo‐mahgwahkezegun:

⁶⁹ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁷⁰ Pazhig meshahboozoonse wandenind emah uhyahwaud egewh meshahboozoog oonje ewh pahtahzewine‐sahsahgewejegun:

⁷¹ Kuhya oonje ewh pezauneëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐meshahboozoog nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Ahiezer oogwissun owh Ammishaddai.

⁷² ¶ Madahswe‐uhshe‐pazhigoonuhguk kepuhgedenega Paziel oogwissun owh Ocran, oodoogemahmewaun Asher oonejahnesun:

⁷³ Me suh oo‐oo oopuhgedenegawin, pazhig keche shooneyah‐oonahgun, ningoodwauk uhshe nesemeduhnuh dussoo shekel apetenegwuk, pazhig shooneyah oonahgaunse neenzhwahsemeduhnuh dussoo shekel apetenegwuk, me owh shekel uhyahbuhjeïnd emuh kechetwah wegewauming tabuhegang; nuhyanzh enewh kemooshkenawun ewh wanezheshing pahsaug buhquazhegun ewh emuh keduhgoonegahdag pemeda oonje ewh mejime‐sahsahgewejegun:

⁷⁴ Pazhig oozahweshooneyah‐amequaun medahsoo‐shekel apetenegwuk, mwaushkenag ewh menoo‐mahgwahkezegun:

⁷⁵ Pazhig uhyahba‐pezhekeense, pazhig uhyahba‐mahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁷⁶ Pazhig meshahboozoonse wandenind emuh uhyahwaud egewh meshahboozoog oonje ewh pahtahzewine‐sahsahgewejegun:

⁷⁷ Kuhya oonje ewh pezauneëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐meshahboozoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Paziel oogwissun owh Ocran.

⁷⁸ ¶ Madahswe‐uhshe‐neenzhoogoonuhguk kepuhgedenega Ahira oogwissun owh Enan, oodoogemahmewaun Naphtali oonejahnesun:

⁷⁹ Me suh oo‐oo oopuhgedenegawin, pazhig keche‐shooneyah‐oonahgun, ningoodwauk uhshe nesemeduhnuh dussoo shekel apetenegwuk, pazhig shooneyah‐oonahgaunse neenzhwahsemeduhnuh dussoo shekel apetenegwuk, me ewh shekel uhyahbuhjeïnd emah kechetwah wegewauming tabuhegang; nuhyanzh enewh kemooshkenawun ewh wanezheshing pahsaug buhquazhegun ewh emuh keduhgoonegahdag pemeda oonje ewh mejime‐sahsahgewejegun:

⁸⁰ Pazhig oozahweshooneyah‐amequaun medahsoo‐shekel apetenegwuk, mwaushkenag ewh menoo‐mahgwahkezegun:

⁸¹ Pazhig uhyahba‐pezhekeense, pazhig uhyahba‐wahnishtahnish, pazhig mahnishtahnisheense nangoopepoon‐uhgezid, oonje ewh chuhyahgezuhming sahsahgewejegun:

⁸² Pazhig meshahboozoonse wandenind emah uhyahwaud egewh meshahboozoog oonje ewh pahtahzewine‐sahsahgewejegun:

⁸³ Kuhya oonje ewh pezauneëwawine‐sahsahgewejegun, neenzh uhnooke‐pezhekewug, nahnun uhyahba‐mahnishtahnishug, nahnun uhyahba‐meshahboozoog, nahnun mahnishtahnisheensug nangoopepoon‐uhgezejig: me suh oo‐oo oopuhgedenegawin Ahira oogwissun owh Enan.

⁸⁴ Me suh oonoo kahpuhgedenuhmoowahjin egewh wagemahwejig emuh Israeling, weöonjekechetwahwetoong ewh sahsahgewejegun‐ahbik, ewh uhpe kezheguk kahnoomenegahdag: medahswe‐uhshe neenzh keche‐shooneyah‐oonahgunun medahswe uhshe neenzh shooneyah‐oonahgaunsun, medahswe uhshe neenzh shooneyah‐oonahgaunsun, medahswe uhshe neenzh oozahweshooneyah‐amequaunun:

⁸⁵ Anduhchingin enewh keche shooneyah‐oonahgunun ningoodwauk uhshe nesemeduhnuh dussoo shekel keühpetenegwudoon, anduhchingin enewh oonahgaunsun neenzhwahsemeduhnuh: kuhkenuh enewh shooneyah‐ahbuhjechegunun neenzhing medahswauk uhshe newauk dussoo shekel keühpetenegwudoon, me owh shekel uhyahbuhjeïnd emuh kechetwah wegewauming tabuhegang:

⁸⁶ Enewh oozahweshooneyah‐amequaunun medahswe uhshe neenzh keduhchenoon, kemooshkenawun ewh menoomahgwahkezegun, medahsoo shekel papazhig keühpetenegwudoon, me owh shekel uhyahbuhjeïnd emuh kechetwah wegewauming tabuhegang: kuhkenuh owh oozahweshooneyah dabandahgoozid emuh amequauming ningoodwauk ahshe neeshtuhnuh dussoo shekel keduhche.

⁸⁷ Kuhkenuh egewh uhnooke‐pezhekewug oonje ewh chuhyahgezuhming sahsahgewejegun medahswe uhshe neenzh keduhchewug egewh uhyahba pezhekeensug, egewh uhyahba mahnishtahnishug medahswe uhshe neenzh, egewh mahnishtahnisheensug nangoopepoon‐uhgezejig medahswe uhshe neenzh, kuhya enewh oomejime‐sahsahgewejegunewah: kuhya egewh meshahboozoonsug wandeninjig emuh uhyahwaud egewh meshahboozoog oonje ewh pahtahzewine‐sahsahgewejegun medahswe uhshe neenzh.

⁸⁸ Kuhya kuhkenuh egewh uhnooke‐pezhekewug oonje ewh pezauneëwawine‐sahsahgewejegun neeshtuhnuh uhshe newin keduhchewug egewh uhyahba‐pezhekeensug, egewh uhyahba‐mannishtahnishug ningoodwahsemeduhnuh, egewh uhyahba‐meshahboozoog ningoodwahsemeduhnuh, egewh mahnishtahnisheensug nangoopepoon‐uhgezejig ningoodwahsemeduhnuh. Me suh oo‐oo kahezhekechetwahwetoong ewh sahsahgewejegun‐ahbik, uhpe kahnoomenegahdag.

⁸⁹ Uhpe dush Moses paundegad emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig wekuhnoonaud, me ewh uhpe kenoondung oodinwawinene pazhig kanoonegood emuh shahwanjega‐uhgweduhbewining oonje, ewh atag wuhgejuhyeëe emuh debahjemoowine‐muhkuhkoong, nesuhwuhyeëe emuh uhyahwaud egewh cherubug: oogekuhnoonegoon dush.