NUMBERS 6 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Kuhnoonzh Israel oonejahnesun, oo‐oo dush ezhe, Uhpe enene gamah kuhya equa wepuhgedenedezoowaud chewahweenduhmahgawaud azhewahweenduhmahgad owh Nazarite, chepuhgedenuhmuhwahwaud Jehovahun enewh weyowhewaun:

³ Kahween oogahmekindunseen shooweminahboo kuhya mashkuhwahgummig menequawin, kahween kuhya ooguhme-nequaseen shewahboo shoowemenahboong wanjeöozhechegahdag, gamah kuhya shewahboo mashkuhwahgummig menequawin wanjeöozhechegahdag, kahween kuhya oogahmenequaseen gagoo menequawin shoowemining wanjeöozhechegahdag, kahween kuhya oogahmeejesenun adetagin shooweminun, gamah kuhya puhyahtagin.

⁴ Kuhkenuh goo enewh kezhigudoon menik nezheka kaühyaud kahween oogahmeejeseem gagoo shooweminuhgahwunzheeng wanjeöozhechegahdag, ewh emuh meejimemuhguk kuhya ewh uhgwuhjuhyeëe natahweging.

⁵ Kuhkenuh enewh kezhegudoon menik wuhyahweenduhmahgad kuhya menik nezheka wahuhyaud kahween kaushkebahjegun oogahtaungishkahgooseen ooshtegwauning: nuhnaunzh egoo enewh kezhegudoon kedebishkoosagin, ewh menik pagedenuhmuhwaud Jehovahun ewh weyowh, tahpeeneze, kuhya oogahnetahwegetoonun weenezesun ooshtegwauning.

⁶ Kuhkenuh enewh kezhegudoon menik pagedenuhmuhwaud Jehovahun ewh weyowh kahween oogahnaunzekuhwahseen ahweyah chebuhyun.

⁷ Kahween tahweneëdezoose oonje enewh oosun, gamuh kuhya oogeen, wekahnesun, gamah kuhya ooduhwamaun, uhpe neboonid: ewh mah azhepuhgedenuhmuhwaud ooKesha‐Muhnedoomun ewh weyowh uhtane ooshtegwauning.

⁸ Kuhkenuh enewh kezhegudoon menik nezheka ayaud peeneze emuh anahsuhmeühyahnid Jehovahun.

⁹ Kishpin kuhya ahweyah enenewun chuhyuhsekah neboonid pashoo emuh uhyaud, wenetood dush ewh ooshtegwaun kahpuhgedenung; me dush chekaushkebahdung ooshtegwaun ewh kezheguk uhpe peneïnd, neenzhwahsookezhiguk oogahkaushkebahdaun.

¹⁰ Shwausookezhiguk dush oogahbeduhwaun neenzh keche‐oomemeen, gamah kuhya neenzh oomemeensun, enewh sahsahgewejega‐wenenewun, emuh ishquaundamewung ewh oopuhpuhgewuhyahne‐ahnuhmeäwegummigoowah egewh muhyahwunjeëdejig:

¹¹ Owh dush sahsahgewejega‐wenene oogahsahsahgewejeganun enewh pazhig cheähwenid dush pahtahzewine‐sahsahgewejegun, kuhya enewh menuhwah pazhig cheähwenid chuhyahgedag sahsahgewejegun, tahpoonanemahwun dush, kemujjeëzhewabezewun mah emah uhyahnid enewh kabneboonejin, oogahpenetoon dush ooshtegwaun ewh goo nahsaub kezheguk.

¹² Oogahpuhgedenuhmuhwaun dush Jehovahun enewh kezhigudoon ewh uhpe wahnezhekawezid, oogahpenaun kuhya mahnishtahnesheensun nangoopepoon‐uhgezenejin chesahsahgewejegad oonje bahtahzewin: enewh dush kezhigudoon kahkahbekoosagebun tuhwuhnesenoon, ewh mah oonezheka-wezewin kewenechegahdane.

¹³ ¶ Me suh oo‐oo oodenahkoonegawin owh Nazarite, uhpe enewh kezhigudoon ewh uhpe nezhekawezid kekuhbekoosagin: tahezhewenah emuh ishquaundamewung ewh oopuhpuhgewuhyahne‐ahnuhmeäwegummigoowah egewh muhyahwunjeëdejig:

¹⁴ Oogahpuhgedenuhmuhwaun dush Jehovahun ewh oosahsahgewejegun, pazhig uhyahba‐mahnishtahnisheense nangoopepoon‐uhgezid muhyahkezesig ewh oosahsahgewejegun cheähwunenig ewh chuhyahgedag sahsahgewejegun, kuhya pazhig equa‐mahnishtahnisheense nangoopepoon‐uhgezid muhyahkezesig, oonje pahtahzewine‐sahsahgewejegun, kuhya pazhig uhyahba‐mahnishtahnish muhyahkezesig oonje pezauneëwawine‐sahsahgewejegunun,

¹⁵ Kuhya pazhig uhkookoobenahgun emah uhbid wambesejegahzoosig buhquazhegun, buhquazhegaunsug ewh wanezheshing pahsaug buhquazhegun keneguhwenegahdag pemeda wanjeoozheïndwah, kuhya nabuhgezejig buhquazhegaunsug wambesejegahzoosig buhquazhegun bamedawenind wanjeöo-zheïndwah, kuhya oomeejime‐puhgedenegawinewah, kuhya enewh oomenequawine‐puhgedenegawinewaun.

¹⁶ Owh dush sahsahgewejega‐wenene oogahbedoonun emah anahsuhmeühyahnid Jehovahun, oogahsahsahgewejega dush ewh oopahtahzewine‐sahsahgewejegun, kuhya ewh chuhyahgedag oosahsahgewejegun:

¹⁷ Oogahsahsahgewejeganun dush enewh uhyahba‐mahnishtahnishun oonje ewh pezauneëwawine‐sahsahgewejegun, enewh Jehovahun sahsahgewenaud, kuhya ewh uhkookoobenahgun emuh uhbid wambesejegahzoosig buhquazhegun: owh sahsahgewejega‐wenene oogahsahsahgewejegan, kuhya ewh oomejime‐sahsahgewejegun, kuhya ewh oomenequawine sahsahgewejegun.

¹⁸ Owh dush Nazarite oogahkaushkebahdaun ooshtegwaun pagedenung emuh ishquaundamewung ewh oopuhpuhgewuhyahne‐ahnuhmeäwegummigoowah egewh muhyahwunjeëdejig, oogahoodahpenaunun dush enewh menezesun ooshtegwauning ewh pagedenung kahoondenung, kuhya oogahuhtoonun emuh ishkoodang atag uhnaumuhyeëe uhtagin enewh pezauneëwawine‐sahsahgewejegunun.

¹⁹ Owh dush sahsahgewejega‐wenene oogahoodahpenaun ewh kabahchegahdag oodenemaungun owh uhyahba‐mahnishtahnish, kuhya pazhig wambesejegahzoosig buhquazhegaunse emuh uhkookoobenahguning, kuhya pazhig wambesejegahzoosig nabuhgezid buhquazhegaunse, oogahuhsaun dush emuh ooninjeening enewh Nazaritun, kahishquahkaushkebahdagin wenezissun kahpuhgedenungin:

²⁰ Owh dush sahsahgewejega‐wenene uhyahzhook oogahezhewabenahnun oonje ewh uhyahzhook azhewabenuhming sahsahgewejegun emuh anahsuhmeühyaud Jehovah: oo‐oo kechetwahwandahgwud oonje owh sahsahgewejega‐wenene, kuhya ewh uhyahzhook azhewabenuhming ookahkegun kuhya ewh wambenuhming oodenemaungun: me dush owh Nazarite chemenequapun shoowemenahboo kishpin enandung.

²¹ Me suh oo‐oo oodenahkoonegawin owh Nazarite kahwahweenduhmahgad, kuhya ewh pagedenuhmuhwaud Jehovahun oonje ewh buhkagahbuhwid, ewh ween kakushketoopnu ooninj uhyood: nahsaub egoo anandahgwudenig ewh wahweenduhmahgawin kahwahweenduhmahgad, me suh ewh kaëzhechegad nahsaub anandahgwudenig ewh oobuhkagah-buhwewine‐enahkoonegawin.

²² ¶ Jehovah dush oogekuhnoonaun enewh Mosesun, oo‐oo keënaud.

²³ Kuhnoonzh owh Aaron kuhya enewh oogwissun, oo‐oo dush ezhe, Oo‐oo kegahenahwaug Israel oonejahnesun weöonjeshuhwandahgoozewaud, oo‐oo enagwah,

²⁴ Pagizh Jehovah shahwanemik, kuhya kuhnuhwanemik:

²⁵ Pagizh Jehovah oodangwuhy wahsashkahgooyun, kuhya shahwanemik:

²⁶ Pagizh Jehovah ezheöombenung oodangwuhy emuh enahkuhka uhyahyun, kuhya meenik pezauneëwawin.

²⁷ Oogahuhtoonahwah dush nindezenekahzoowin emuh uhyahwaud Israel oonejahnesun; ningahshahwanemaug dush.