NUMBERS 5 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Kuhgaunzoom Israel oonejahnesun, chesahgejewabenahwaud emuh kuhbashewining anduhchenid enewh wamegenejin, kuhya anduhchenid enewh penezekah sahgesanig oomenekaunene, kuhya uhwagwanewedooganun enewh naboonejin wanjewenezenid:

³ Nuhyazh owh enene kuhya owh equa keguhsahgejewabenahwaug, uhgwuhjeeng kuhbashewining kegahpuhgedenahwaug; cheöonjewenetoosigwah enewh ookuhbashewinewaun, nahwuhyeëe emuh andahyaun.

⁴ Israel dush oonejahnesun ewh keëzhechegawug, kuhya oogesahgejewabenahwaun enewh uhgwuhjeeng kuhbashewining: nahsaub egoo Jehovah kahezhekuhnoonaud enewh Mosesun, me ewh kahezhechegawaud Israel oonejahnesun.

⁵ ¶ Jehovah dush oogekuhnoonaun enewh Mosesun, oo‐oo keënaud,

⁶ Kuhnoonzh Israel oonejahnesun, Uhpe enene gamah kuhya equa ezhechegawaud gagoo mujje‐ezhechegawin azhechegawaud koo bamahdezejig, chemujjedooduhwahwaud Jehovahun, owh dush enandahgoozid chetebahkoonindebun;

⁷ Me cheweenduhmoowaud oomujjeëzhechegawinewah ewh kahezhechegawaud: oogahdebuhaun dush nayaub, oomujjeëzhechegawin oonje, ewh kahoodahpenung, kuhya oogahduhgoomeegewan punge uhwushema, oogahmeenaun dush ewh enewh kahmujje‐dooduhwahjin.

⁸ Kishpin dush owh enene uhyahsenid weejuhneshenahban kadebuhuhmuhwahpun oonjekebahtahzid, mahnoo Jehovah tahdebuhuhmuhwad oonje ewh bahtahzewin, owh suh goo sahsahgewejega‐wenene; owh suhyahsahgewejegang uhyahba‐mahnishtahnish kahween tuhgwuhgemahse, owh kasahsahgewejegang ween oonje.

⁹ Anduhchingin dush enewh meegewawinun uhkeknuh kachetwahwandahgwukkin pagedenuhmoowaud Israel oonejahnesun, enewh pahduhmuhwahwaud enewh sahsahgewejega wenenewun, ween oogahdebandahnun.

¹⁰ Kuhya enewh kachetwahwandahgwukkin ooduhyeëemewaun anduhchewaud egewh enenewug ween oogahdebandahnun: wagoodoogwan ahweyah mahnaud enewh sahsahgewejega‐wenenewun, ween oogahdebandaun ewh.

¹¹ ¶ Jehovah dush oogekuhnoonaun enewh Mosesun, oo‐oo keënaud,

¹² Kuhnoonzh Israel oonejahnesun, oo‐oo dush ezhe, Kishpin oowedegamahgunun ahweyah enene buhkanid, mujjedoodahgood dush,

¹³ Pazhig dush enene wepamaud enewh, oo‐oo dush kahduhmuhwemind oonahbamun owh equa, kuhya wawane kuhnuhwanjegahdag, ween dush weneind, ahweyah kuhya uhyahsig kadebahjemegoopun, ween dush kuhya magwaush-kuhwahsewind;

¹⁴ Kezhahwanjegawin dush puhgummishkahgood owh enene, kezhahwanemaud dush wewun, enewh dush weneëmind: gamah kuhya kishpin kezhahwanjegawin puhgummishkahgood, kezhahwanemaud dush wewun, weneëmahsewemind dush:

¹⁵ Me suh owh enene cheëzheweduhmuhwaud enewh sahsahgewejega‐wenenewun wewun, oogahbeduhmuhwaun kuhya ewh oomee‐gewawine wewun punge ewh pahseboodag meshahnusk; kahween oogahsegenunseen pemeda wuhgejuhyeëe emuh, kahween kuhya oogahuhtooseen menoomahgwahkezegun emuh; kezhahwanjega‐puhgedenegawin mah ahwun ewh, mequanjega‐puhgedenegawin, wanjemequanduhming mujjeëzhewabezewin.

¹⁶ Owh dush sahsahgewejega‐wenene pashoo oogahpeenaun, kuhya oogahuhsaun emuh anahsuhmeühyahnid Jehovahun:

¹⁷ Owh dush sahsahgewejega‐wenene oogahoodahpenaun kechetwah nebe metig‐oonahguning; ewh kuhya weyuhguhsa atag mechesug emuh puhpuhgewuhyahne‐ahnuhmeäwegummigoong owh sahsahgewejega‐wenene oogahoodahpenaun, oogahuhtoon dush emuh nebeeng:

¹⁸ Owh dush sahsahgewejega‐wenene oogahuhsaun enewh equawun emuh anahsuhmeühyahnid Jehovahun, kuhya oogahoodahpenuhmuhwaun enewh equawun ewh ayoonid ooshtegwaunening, kuhya oogahuhtuhmuhwaun ooninjeening ewh mequanjega‐puhgedenegawin, me ewh kezhahwanjega‐puhgedenegawin: owh dush sahsahgewejega‐wenene oogahtuhkoonaun ooninjeeng ewh wahsuhgahgummig nebe nahneboondewin kashketoomahguk:

¹⁹ Owh dush sahsahgewejega‐wenene oogahkuhgaunzoomaun chemushkuhwe‐wahweenduhmahganid, oo‐oo kuhya oogahenaun enewh equawun, Kishpin kahweepamesenoog ahweyah enene, kishpin kuhya kahpuhkasewun weeneezewining ewh dush cheweneïk pakahnezid owh ween kenahbam chekeminjemenudebun, mahnoo kahween kegahmujje doodahgooseen oo‐oo wahsuhgahgummig nebe nuhyahneboongamuhguk:

²⁰ Kishpin dush ween kahbuhkatahwunan cheweejewud bakahnezid owh ween kenahbam chekeweejewuhdebun, kishpin kuhya kahweneëgoowunan, ahweyah dush enene kahwepamenoogwan kahween atuh kenahbam:

²¹ Me dush owh sahsahgewejega‐wenene chekuhgaunzoomaud enewh equawun cheëkedoonid ewh nahneboondewine-mushkuhwewahweenduhmahgawin, owh dush sahsahgewejega‐wenene oo‐oo oogahenaun enewh equawun, Owh Jehovah kegahezheïg chekuhgwahnesuhganemikwah kuhya chemujje-duhzhemikwah keejuhneshenahbag, uhpe Jehovah enandung kebwaum chepegishkuhnuk, kuhya kemesud chebahgesing:

²² Oo‐oo dush nebe wanjekuhgwahnesahgandahgoozing tahezhahmuhgud kenuhgezheeng, kaöonjebahgesing dush kemesud, kuhya kaöonjepegishkuhnuk kebwaum. Owh dush equa oo‐oo tahekedoo, Amen, amen.

²³ Owh dush sahsahgewejega‐wenene oogahoozhebeähnun oonoo kuhgwahnesuhgandahgoozewinun muzzenuheguning, oogahkahseähnun dush ewh wahsuhgahgummig nebe uhyood:

²⁴ Oogahmenequaäun dush enewh equawun ewh wahsuhgahgummig nebe wanjekuhgwahnesuhgandahgoozing: ewh dush nebe wanjekuhgwahnesuhgandahgoozing tahpeendegamuhgedene weyowening, kuhya tahwesuhgahgummene.

²⁵ Me dush owh sahsahgewejega‐wenene cheöodahpenuhmuhwaud enewh equawun ooninjeening ewh kezhahwanjega‐puhgedenegawin, kuhya cheöombenung ewh puhgedenegawin emuh anahsuhmeähyaud Jehovah, kuhya chepuhgedenung emuh sahsahgewejegun‐ahbikoong:

²⁶ Owh dush sahsahgewejega‐wenene ingooding oogahgenekenaun ewh puhgedenegawin, ewh suh goo wanjemequanjegang, oogahchahgezaun dush emuh sahsahgewejegunahbikoong, pahmah dush oogahmenequaäun enewh equawun ewh nebe.

²⁷ Uhpe dush kemenequaäud ewh nebe, me dush chepuhgumme‐uhyahmahguk, kishpin kahweneähwindan, kuhya kahmujjedooduhwahgwan oonahbamun, ewh nebe wanjekuhgwahnesuhgandahgoozing chepeendegamuhguk weyowing, kuhya chewesuhgahgummig, ewh dush oomesud tahbahge-sinene, kuhya oobwaum tahpegishkuhnudene: owh dush equa oogahkuhgwahnesuhganemegoon weejahneshenahban.

²⁸ Kishpin dush owh equa kahweneähsewindan, penezid atuh; me gagoo cheëzheühyahsig, kuhya cheünjegood.

²⁹ Me suh oo‐oo kezhahwanjega‐enahkoonegawin, uhpe equa bakajin cheweejewaud bakahnezenejin kahween ween oonahbamun, weneïnd dush;

³⁰ Gamah kuhya uhpe kezhahwanjegawin puhgummishkahgood, kezhahwanemaud dush wewun, oogahuhsaun dush enewh equawun emuh anahsuhmeühyahnid Jehovahun, owh dush sahsahgewejega‐wenene oogahdooduhwaun nahsaub akedoomuhguk kahkenuh oo‐oo enahkoonegawin.

³¹ Me dush owh enene kaëzheühnahmuhmahsewind cheühyaunzig bahtahzewin, wuhowh dush equa oogahbemoondaun oomujje‐ezhewabezewin.