NUMBERS 4 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun kuhya enewh Aaronun, oo‐oo keënaud,

² Uhgim oogwissun owh Kohath emuh uhyahnid Levi oogwissun, nahsaub egoo anandahgwudenig oodenoodawezewinewaun, kuhya oowegewaumene enewh oosewahbuneen,

³ Egewh nesemeduhnuh andussoo‐pepoon‐uhgezejig kuhya uhwushema nuhnaunzh egoo nahnemeduhnuh andussoo-pepoon‐uhgezejig, kuhkenuh paundegajig emuh uhyahwaud egewh waqueenoojig, chemekinduhmoowaud ewh ahnookeewin emuh puhpuhgewuhyahne‐ahnuhmeä‐wegummegoong emuh koo anduhzhe‐mahwunjeëding.

⁴ Me suh oo‐oo kaënuhnookenid Kohath oogwissun emuh puhpuhgewuhyahne‐ahnuhmeäwegummegoong emuh koo anduhzhemahwunjeëding, enewh muhyahmuhwe‐peenukin uhyeëen:

⁵ ¶ Uhpe dush muhyahjeeshkahmuhguk ewh kuhbashewin, Aaron tahpeëzhah, kuhya enewh oogwissun, oogahnesenah-nahwah dush ewh kebuhgoojegun agwuhnuhewamuhguk, kuhya oogahuhgwuhnuhahnahwah ewh debahjemoowine‐kechetwah‐muhkuk ewh uhyoowaud:

⁶ Kuhya oogahuhtoonahwah wuhgejuhyeëe ewh uhkuhkoojeeshewuhyaune‐uhgwuhnuhegun, kuhya oogahduhzhwagese doonahwah emuh muhnedoowagin wazhahwushquaug egoo atuh, kuhya oogahpeenjesedoonahwah enewh metigoonsun dabandahgwukkin emuh.

⁷ Kuhya emuh wahbunduhewawine‐buhquazhegune‐uhdoo-poowining oogahduhzhwagesedoonahwah wazhahwushquaguk muhnedoowagin, kuhya oogahuhtoonahwah wuhgejuhyeëe enewh oonahgunun, kuhya enewh amequaunun, kuhya enewh oonahgaunsun, kuhya uhgwuhnuhegunun kaöonjeühgwuhnuhegang: kuhya ewh kahgenig buhquazhegun emuh tahuhbe:

⁸ Oogahduhzhwagesedoonahwah dush emah ewh masquaguk muhnedoowagin, kuhya oogahuhgwuhnuhahnahwah enewh uhkuhkoojeeshewuhyaune‐uhgwuhnuhegun uhyoowaud, kuhya oogahpeendahkoosedoonahwah enewh metigoonsun dabandahgwukkin emuh

⁹ Oogahooddahpenahnahwah dush oozhahwushquagin, oogahuhgwuhnuhahnahwah dush ewh wahsuhkoonanjegunahbik wuhyahsuhkoonamuhguk, kuhya enewh oowahsuhkoonanjegunun, kuhya enewh ookeeshkunzhakoojegunun, kuhya enewh ookeeshkunzhakoojegune‐oonahgaunsun, kuhya kuhkenuh enewh oopemeda‐oonahgaunsemun, enewh ayoowahjin ewh uhnooketahmoowaud:

¹⁰ Oogahuhtoonahwah dush ewh kuhya kuhkenuh enewh oodahbuhjechegunun peenjuhyeëe uhkuhkoojeeshewuhyahne‐uhgwuhnuheguning, kuhya oogahuhtoonahwah wuhgejuhye e metigoonsing.

¹¹ Wahgejuhyeëe dush emuh oozahmeshooneyah‐sahsahge-wejegunahbikoong oogahduhzhwagesedoonahwah oozhahwushquagin, kuhya oogahuhwuhnuhahnahwah uhkuhkoojeeshewuhyahnun uhwahwaud, kuhya oogahpeendahkoosedoonahwah enewh metigoonsun dabandahgwukkin emuh:

¹² Oogahoodahpenahnahwah dush kuhkenuh enewh ahbuhjechegunun, ayoowaud uhnookewaud emuh kechetwah wegewauming, kuhya oogahuhtoonahwah peenjuhyeëe oozhahwushquagenoong, kuhya oogahuhgwuhnuhahnahwaun uhkuhkoojeeshewuhyahnun uhwahwaud, kuhya oogahahtoonahwaun wuhgij‐metigoonsing:

¹³ Oogahoodahpenahnahwah dush ewh pingwe emuh sahsahgewejegunahbikoong, kuhya oogahduhzhwagesedoonahwah menaundawagin wuhgejuhyeëe emah:

¹⁴ Oogahuhtoonahwah dush wuhgejuhyeëe emuh kuhkenuh enewh ahbuhjechegunun dabandahgwukkin emuh, enewh ahyoowahjin ewh uhnooketuhmoowaud, enewh menoomahgwahbekezegunun, enewh weyaus‐puhdukebejegunun, kuhya enewh nuhbuhgahbikoon, kuhya enewh oonahgaunsun, kuhkenuh enewh sahsahgewejegunahbikoo‐ahbuhjechegunun; oogahduhzhwagesedoonahwah dush wuhgejuhyeëe emuh uhkuhkoojeeshewahyaune‐uhgwuhnuhegun, kuhya oogahpeendahkoosedoonahwah enewh metigoonsun dabandahgwukkin emah.

¹⁵ Uhpe dush Aaron kuhya enewh oogwissun keïshquahuhgwuhnuhuhmoowaud ewh kechetwah wegewaum, kuhya kuhkenuh enewh ahbuhjechegunun dabandagwukkin emuh kechetwah wegewauming, zhegwuh wemahjahwaud egewh kahkuhbashejig; me dush enewh oogwissun owh Kohath chebeëzhahnid ewh chebemewedoonid: kah dush ween oogahtaungenunsenahwah gagoo kachetwahwandahgwuk, cheöonjeneboosigwah dush. Me suh oonoo kabemewedoonejin Kohath oogwissun emuh puhpuhgewuhyahne‐ahnuhmeäwegummegoong emuh koo anduhzhe‐mahwunjeëding.

¹⁶ ¶ Eleazar dush oogwissun owh Aaron owh sahsahgewejega‐wenene oogahkuhnuhwandaun ewh pemeda wanjewahsuh-koonanjegang, kuhya ewh manoomahgwuk menoomahgwahkezegun, kuhya ewh meejime‐puhgedenegawin anduhsoo-kezheguk pagedenuhming, kuhya ewh noomenega‐pemeda, kuhya kuhkenuh ewh puhpuhgewuhyahne‐annuhmeäwegummig, kuhya kuhkenuh emuh atag, emuh kechetwah wegewauming, kuhya emuh ahbuhjecheguning dabandahgwukkin emuh.

¹⁷ ¶ Jehovah dush oogekuhnoonaun enewh Mosesun kuhya enewh Aaronun, oo‐oo keënaud,

¹⁸ Kagoo ween nishwuhnahjetookagoon oodenoodawezewinewaun egewh Kohathitug emuh magwaühyeëe uhyahwaud egewh Levitug:

¹⁹ Oo‐oo atuh doodowh, chebemahdezewaud, cheneboosigwah dush, uhpe pashoo nuhyaunzekuhmoowahjin enewh muhyahmuhwe‐kechetwahwandahgwukkin: Aaron kuhya enewh oogwissun tahpeendegawug, oogahweenduhmuhwahwaun dush enewh kuhkenuh anduhchenid kaëzheühnookenid, kuhya menik kabemewejeganid:

²⁰ Kah dush ween tahpeendegasewugchewahbunjegawaud uhpe enewh kachetwahwandahgwukkin ahgwuhnuhegahdagin, cheöonjeneboosigwah.

²¹ ¶ Jehovah dush oogekuhnoonaun enewh Mosesun, oo‐oo keënaud,

²² Uhgim kuhya Gershon oogwissun, emuh oowegewaumening oosewahbuneen, emuh oodenoodawezewinewaung;

²³ Nesemeduhnuh andussoopepoon‐uhgezejig kuhya uhwushema nuhnaunzh egoo egewh nahnemeduhnuh andussoo-pepoon‐uhgezejig kegahuhgemaug; kuhkenuh egewh paundegajig cheühnookewaud, chemekinduhmoowaud ewh uhnookewin emuh puhpuhgewuhyahne‐ahnuhmeäwegummigoong emuh koo anduhzhemahwunjeëding.

²⁴ Me suh oo‐oo ooduhnookewinewah oodenoodawezewinewaun egewh Gershonitug, cheühnooketahgawaud, kuhya chebemewejegawaud:

²⁵ Oogahpemewedoonahwah dush enewh puhpuhgewuhyahne‐ahnuhmeäwegummigoo‐uhgoobejegunun, kuhya ewh oopuhpuhgewuhyahne‐ahnuhmeäwegummigoowah egewh muhyahwunjeëdejig, ooduhgwuhnuhegun, kuhya ewh uhkuhkoojeeshewuhyaune‐uhgwuhnuhegun wuhgejuhyeëe emuh atag, kuhya ewh agoodag emuh ishquaundamewung ewh oopuhpuhgewuhyaune‐ahnuhmeäwegummigoowah egewh muhyahwunjeëdejig,

²⁶ Kuhya enewh uhgoobejëgunun dabandahgwukkin emuh ewh wuhyahkahkenegahdag, kuhya ewh agoodag emuh ishquaundamewung ewh wuhyahkahkenegahdag, ewh atag pashoo emuh uhyaug ewh puhpuhgewuhyaune‐ahnuhmeäwegummig kuhya pashoo emah uhtag ewh sahsahgewejegunahbik kewetahuhyeëe, kuhya enewh ooduhsuhbaubemewaun, kuhya kuhkenuh enewh ahbuhjechegunun ayoongin enewh uhnooketuhming, kuhya kuhkenuh enewh wanjeöozhechegahdag: me suh oo‐oo kaëzhebuhmeetahgawaud.

²⁷ Aaron kuhya enewh oogwissun tahweenduhmahgawug kuhkenuh kaënuhnookenid oogwissine egewh Gershonitug, kuhkenuh kaëzhebemewuhnanid, kuhya kuhkenuh kaënuhnookenid: kegahweenduhmuhwahwaug dush menik kabemewuhnawaud.

²⁸ Me suh oo‐oo kaënuhnookenid oodenoodawezewinene Gershon oogwissun emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig: Ithamarun dush oogwissun owh Aaron owh sahsahgewejega‐wenene ooguhkuhnuhwanemegoowaun.

²⁹ ¶ Kegahuhgemaug Merari oogwissun, nahsaub anandahgwudenig oodenoodawezewinewaun, kuhya oowegewaumene oosewahbuneen;

³⁰ Egewh nesemeduhnuh andussoopepoon‐uhgezejig kuhya uhwushema, nuhnaunzh egoo egewh nahnemeduhnuh andussoopepoon‐uhgezejig kegahuhgemaug, kuhkenuh egewh wahuhnookeejig, chemekinduhmoowaud ewh ahnookewin emuh oopuhpuhzewuhyahne‐ahnuhmeäwegummigoowaung egewh muhyahwunjeëdejig.

³¹ Me suh oonoo kakuhnuhwanduhmoowahjin enewh kabemenedoowahjin, nahsaub egoo anandahgwudenig kuhkenuh ooduhnookewinewah emuh oopuhpuhgewuhyaune‐ahnuhmeäwegummegoowaung egewh muhyahwunjeëdejig; egewh puhpuhgewuhyahne‐ahnuhmeäwegummigoong duhzhe nuhbuhgesugoog, kuhya enewh bemedahquuhegunun dabandahgwukkin emuh, kuhya enewh ahswahquuhegunun dabandahgwukkin emuh, kuhya enewh uhshoojesejegunun dabandahgwukkin emuh,

³² Kuhya enewh ahswahquuhegunun dabandahgwukkin emuh ewh wuhyahkahkenegahdag kewetahuhyeëe, kuhya enewh ooduhshoojesejegunewaun, kuhya enewh oosuhgahquuhegunewaun, kuhya enewh ooduhsuhbaubemewaun, kuhya kuhkenuh oodahbuhjechegunewaun, kuhya kuhkenuh ayoong enewh uhnooketuhming: kuhya kegahuhgindahnahwah enewh ahbuhjechegunun kakuhnuhwanduhmoowahjin kuhya kabemewedoowahjin, weenduhmag azhenekahdagin.

³³ Me suh oo‐oo kaënuhnookenid oodenoodawezewinene Merari oogwissun, nahsaub egoo anandahgwudenig kuhkenuh ooduhnookewinewah, emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, Ithamarun oogwissun owh Aaron owh sahsahgewejega‐wenene kuhnuhwanemegoowaud.

³⁴ ¶ Moses dush kuhya Aaron kuhya oonegaunezemewaun egewh muhyahwunjeëdejig oogeühgemahwaun oogwissewaun egewh Kohathitug nahsaub egoo anandahgwudenig oodenoodawezewinewaun, kuhya oowegewaumene enewh oosewahbuneen,

³⁵ Egewh nesemeduhnuh andussoopepoon‐uhgezejig kuhya uhwushema nuhnaunzh ogoo egewh nahnemeduhnuh andussoopepoon‐uhgezejig, kuhkenuh egewh wahuhnookejig, chemekinduhmoowaud ewh ahnookewin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig:

³⁶ Egewh dush wenuhwah kahuhgemindjig emuh oodenoodawezewinewaung neenzhing medahswauk ahshe neenzhwahswauk uhshe nahnemeduhnuh keduhchewug.

³⁷ Me suh oogoo kahuhgemindjig oodenoodawezewinewaun egewh Kohathitug, kuhkenuh kaühnookewahpun emuh oopuhpuhgewuhyahne‐ahnuhmeäwegummegoowaung egewh muhyahwunjeëdejig, Moses kuhya Aaron kahuhgemahwahjin nahsaub egoo kahezhekuhgaunzoomahnid Jehovah enewh Mosesun.

³⁸ Egewh dush ween Gershon oogwissun kahuhgemindjig, emuh oodenoodawezewinewaung, kuhya emuh oowegewaumening oosewahbuneen,

³⁹ Nesemeduhnuh andussoopepoon‐uhgezejig kuhya uhwushema nuhnaunzh egoo egewh nahnemeduhnuh andussoopepoon‐uhgezejig, kuhkenuh egewh wahuhnookejig, wahmekindungig ewh uhnookewin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig,

⁴⁰ Egewh suh goo wenuhwah kahuhgemindjig, emuh oodenoodawezewinewaung, emuh oowegewaumening oosewahbuneen, neenzhing medahswauk uhshe ningoodwahswauk uhshe nesemeduhnuh keduhchewug.

⁴¹ Me suh oogoo kahuhgemindjig emuh oodenoodawezewinening Gershon oogwissun, kuhkenuh kaühnookepuneeg emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, Moses kuhya Aaron kahuhgemahwahjin nahsaub egoo kahezhekuhgaundwanid Jehovahun.

⁴² ¶ Egewh dush kahuhgemindjig emuh oodenoodawezewinening Merari oogwissun, emuh oodenoodawezewinewaung, emuh oowegewaumening oosewahbuneen,

⁴³ Egewh nesemeduhnuh andussoopepoon‐uhgezejig kuhya uhwushema nuhnaunzh egoo egewh nahnemeduhnuh andussoopepoon‐uhgezejig, kuhkenuh egewh wahuhnookejig, wahmekindungig ewh uhnookewin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig,

⁴⁴ Egewh suh goo wenuhwah kahuhgemindjig emuh oodenoodawezewinewaung, nesing medahswauk uhshe neenzhwauk keduhchewug.

⁴⁵ Me suh oogoo kahuhgemindjig emuh oodenoodawezewinening Merari oogwissun, Moses kuhya Aaron kahuhgemahwahjin nahsaub egoo kahenaud Jehovah enewh Mosesun.

⁴⁶ Kuhkenuh egewh kahuhgemindjig Levitug, enewh Moses kuhya Aaron kuhya egewh nahgaunezejig emuh Israëling kahuhgemahwahjin, emuh oodenoodawezewinewaung, kuhya emuh oowegewaumening oosewahbuneen,

⁴⁷ Nesemeduhnuh andussoo pepoon‐uhgezejig kuhya uhwushema nuhnaunzh egoo egewh nahnemeduhnuh andussoo-pepoon‐uhgezejig, kuhkenuh kahbeëzhahjig chemekinduhmoowaud ewh uhnookewin, kuhya ewh uhnookewin bemewuhnawin emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig,

⁴⁸ Egewh suh goo wenuhwah kahuhgemindjig, shwahching medahswauk uhshe nahnwauk uhshe shwahsemeduhnuh keduhchewug.

⁴⁹ Nahsaub egoo kahezhekuhgaundwad Jehovah oogeühgemegewaun Mosesun, kuhkenuh anduhchewaud nahsaub egoo anandahgwudenig ooduhnookewinewah, kuhya oobemewuh-nawinewah: me suh enewh kahezheühgemegoowaud, nahsaub egoo Jehovah kahezhekuhgaunzoomahpun enewh Mosesun.