NUMBERS 36 - Ottawa New Testament Penteteuch and Psalms 1874

¹ Egewh dush nahgaunezekundungig enewh oodenoodawezewinene oonejahnesun Gilead, oogwissun Machir, oogwissun Manasseh, dabandahgoozejig emuh oodenoodawezewinening Joseph oogwissun, pashoo kebeëzhahwug, kekekedoowug dush emuh anahsuhmeühyahnid enewh Mosesun, kuhya enewh oogemaun, nahgaunezekunduhwahnejin Israel oonejahnesun:

² Oo‐oo dush keëkedoowug, Jehovah oogekuhgaunzoomaun nindoogemaumenahnin chemeenahnid ewh uhke enewh Israel oonejahnesun chedebandahsoonid, uhtahding: nindoogemaumenaun kuhya oogekuhgaunzoomegoon Jehovahun chemeenaud ewh oodebandahsoowin owh Zelophehad nekahnisenaun enewh oodaunene.

³ Kishpin dush wedegamahwaud ahweyah enewh wagwissememindjin dabandahgoozenejin emuh enewh ahnind oodenoodawezewinewaun Israel oonejahnesun, ewh oodebandahsoowinewah emuh oodebandahsoowinewaung egewh noosenahnig tahoonjeöodahpenegahda, tahduhgwahkoonegahda dush emuh oodebandahsoowining ewh enoodawezewin emuh oodahpenindwah: me suh ewh kaëzheöodahpenegahdag emuh nindebandahsoowinenaung.

⁴ Uhpe dush oojechesamuhgudenig ewh oojubilemene enewh Israel oonejahnesun, ewh oodebandahsoowinewah tahduhgwahkoonegahdane emuh oodebandahsoowinening ewh enoodawezewin emuh oodahpenindwah: me suh ewh oodebandahsoowinewah kaëzheöodahpenegahdanig emuh oodebandahsoowining ewh oodenoodawezewinewah noosenahnig.

⁵ Moses dush oogekuhgaunzoomaun Israel oonejahnesun nahsaub egoo kahekedoonid enewh Jehovahun, oo‐oo keënaud, Oonezheshin suh kahekedoomuhguk ewh oodenoodawezewinewah Joseph oonejahnesun.

⁶ Me suh oo‐oo Jehovah azhekuhgaundwad oonje Zelophehad oodaunun, oo‐oo ekedood, Mahnoo oogahwedegamahwaun ahwagwanewedooganun manwanemahwahgwan; me atuh enewh kawedegamahwahjin dabandahgoozenejin emuh oodenoodawezewining oosewahbuneen.

⁷ Me suh ewh oodebandahsoowinewah Israel oonejahnesun kaëzheühyekoonegahdasenoonig emuh pazhig enoodawezewining menuhwah dush pazhig enoodawezewining cheduhgwahkoonegahdanig: anduhchewaud suh Israel oonejahnesun oogahminjemenahnahwah ewh debandahsoowin dabandahgwuk emuh oodenoodawezewinening oosewaun.

⁸ Anduhchewaud kuhya egewh wadahnemindjig, ayaungig debandahsoowin emuh oodenoodawezewinening Israel oonejahnesun, oogahwedegamahwaun enewh dabandahgoozenid emuh oodenoodawezewinening oosewaun, Israel dush oonejahnesun, anduhchewaud cheühyahmoowaud ewh oodebandahsoowinene oosewaun.

⁹ Kahween kuhya ewh debandahsoowin tahuhyekoonegah-dasinoon emuh pazhig enoodawezewining menuhwah dush pazhig enoodawezewining cheduhgwahkoonegahdag; anduhchingin suh enewh oodenoodawezewinewaun Israel oonejahnesun oogahminjemenahnahwaun.

¹⁰ Jehovahun suh kahezhekuhgaunzoomahnid enewh Mosesun, me ewh kahezhecheganid Zelophehad oodaunun:

¹¹ Mahlah mah, kuhya Tirzah, kuhya Hoglah, kuhya Milcah, kuhya Noah, Zelophehad oodaunun, oogewedegamahwaun oogwissene oomeshoomayewaun:

¹² Keëzhewedegandewug dush emuh oodenoodawezewinening oogwissun Manasseh oogwissun Joseph, ewh dush oodebandahsoowinewah kayahbe keühtane emuh oodenoodawezewinening oosewahbuneen.

¹³ Me suh oonoo kuhgequawinun kuhya tebahkoonegawinun, Jehovah kahezhekuhgaunzoomaud Israel oonejahnesun enewh Mosesun keühnoonaud, emuh Moab duhzhe mushkoodang cheeguhyeëe Jordaning, pashoo goo Jerichoing.