NUMBERS 35 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun emuh Moab duhzhe mushkoodang cheeguhyeëe Jordaning pashoo goo emuh Jerichoïng, oo‐oo keënaud,

² Kuhgaunzoom Israel oonejahnesun, emuh oodebandahsoowinewaung cheöonjemeenahwaud enewh Levitun oodanuhwun emuh cheduhnuhkenid; kegahmeenahwaug kuhya egewh Levitug wegewaumun kewetahuhyeëe emuh oodanaung kaühtagin.

³ Enewh dush oodanuhwun oogahuhyahnahwaun emuh dush cheduhnuhkewand; enewh dush wegewaumun kewetahuhyeëe oodanaung atagin me emuh cheühyahnid ooduhwuhkaunewaun, kuhya enewh ooduhyeëemewaun, kuhya kuhkenuh enewh bamenahwahjin.

⁴ Enewh dush emuh uhtagin enewh wegewaumun kewetahuhyeëe oodanaung, kameenagwah egewh Levitug, medahswauk dussoonik tahenegookoodasinoon kewetahuhyeëe emuh oodanuhwahkahkeneguning oonjetebuhegang.

⁵ Emuh dush uhgwuhjeeng oodanaung wahbunoong enuhguhkayah kegahoonjetebuhegam neezhing medahswauk dussoonik, apungishemoog kuhya enuhguhkayah neezhing medahswauk dussoonik, kewadinoong kuhya enuhguhkayah neezhing medahswauk dussoonik; ewh dush oodanuh nahwuhyeëe tahuhtamuhgud: me suh oo‐oo kaëzhewabukkin enewh emuh cheühtagin wegewaumun kewetahuhyeëe emuh oodanaung kaühtagin.

⁶ Enewh dush oodanuhwun kameenagwah egewh Levitug ningoodwahswe ezhenezhemoo‐oodanuhwun tahahwunoon, kapuhgedenuhmuhwag owh nasaud enenewun emuh cheëzhenezhemood: nemeduhnuh‐uhshe‐neenzh dush kuhya oodanuhwun uhwushema kegahmeegewam.

⁷ Kuhkenuh suh enewh oodanuhwun kameenagwah egewh Levitug nemeduhnuh‐uhshe‐shwahswe oodanuhwun tahduhchinoon: kegahduhgoomeegewanahwah enewh wegewaumun uhgwuhjeeng oodanaung atagin.

⁸ Enewh dush oodanuhwun kameegewayag me emuh oodebandahsoowinewaung Israel oonejahnesun kaöondenegahdagin: egewh nebewah ayaungig nebewah kegahoodahpenuhmuhwahwaug; egewh dush ween pangeshawuhgudenig pungesha kegahoodahpenuhmuhwahwaug: anduhchewaud oogahmeenahwaun oodoodanuhwewaun enewh Levitun nahsaub egoo anandahgwudenig enewh debandahsoowinun azhedebandahsoowaud.

⁹ ¶ Jehovah dush oogekuhnoonaun enewh Mosesun, oo‐oo keënaud,

¹⁰ Kuhnoonzh Israel oonejahnesun, oo‐oo dush ezhe, Uhpe keähzhuhwuhuhmag ewh Jordan keduhgwishinag dush Canaan duhzhe uhkeeng;

¹¹ Kegahenahkoonahnahwaun oodanuhwun cheähwung ezhenezhemoo‐oodanuhwun; cheëzhenezhemood dush emuh owh nashewad, pachenesaud ahweyah bamahdezenejin.

¹² Me dush emuh oodanaung kaëzhenezhemooyag kagoo dush chedoodoosenoowag owh wahahshetuhwuhegad; cheneboosig dush nah owh nashewad, peenish egoo nebahwid emuh anahsuhmeühyahnid enewh muhyahwunjeëdenejin wetebahkoonind.

¹³ Oonoo dush oodanuhwun kameegewayag ningoodwahswe oodanuhwun kegahuhyahnahwaun emuh dush uhkoo kaëzhenezhemooyag.

¹⁴ Kegahmeegewanahwah neswe oodanuhwun oondausenuhkagaum Jordaning, neswe kuhya oodanuhwun kegahmeegewanahwah emuh Canaan duhzhe uhkeeng, ezhenezhemoo‐oodanuhwun kaähwungin.

¹⁵ Oonoo ningoodwahswe oodanuhwun ooguhezhemoo-nahwah Israel oonejahnesun, kuhya owh mayuhgezid, kuhya owh anduhnuhkeed emuh uhyahnid: anduhchewaud dush egewh pachenesahjig bamahdezenejin emuh cheëzhenezhemoowaud.

¹⁶ Kishpin dush puhketawaud gagoo pewahbik, neboonid dush, neshewa suh: owh nashewad ahbedik tahnesah.

¹⁷ Kishpin dush mezhwaud uhsineen uhpuhgenaud, enewh goo kaöonjeneboonepun, neboonid dush, neshewa suh: owh nashewad ahbedik egoo tahnesah.

¹⁸ Gamah kuhya kishpin puhketawaud gagoo metigwuhyeëe takoonuhming uhyood, ewh goo kaöonjeneboonepun, neboonid dush, neshewa suh: owh nashewad ahbedik tahnesah.

¹⁹ Ween egoo owh uhyahshetuhwuhegad oonje ewh misque kahsegesanig oogahnesaun enewh kahneshewanid: uhpe nuhquashkuhwaud, oogahnesaun.

²⁰ Kishpin dush ween puhzhebuhwaud oonje goo ewh sheenganemaud, gamuh kuhya kishpin gagoo uhpuhgeduhwaud uhkuhmuhwaud, neboonid dush;

²¹ Gamah kuhya sheenganemaud puhketawaud dush ooninj uhyood, neboonid dush: ewh kahpuhketaöowad ahbedik tahnesah; neshewa mah: owh uhyahshetuhwuhegad oonje ewh misque kahsegesanig oogahnesaun enewh kahneshewanid, uhpe nuhquashkuhwaud.

²² Kishpin dush ween chuhyuhsekah puhzhebuhwaud ewh sheenganemahsig, gamah kuhya gagoo uhpuhgeduhwaud uhkuhmuhwahsig,

²³ Gamah kuhya uhsineen uhwaud, enewh kaöonjeneboonepun enenewun, wahbuhmahsig, uhpuhgeduhwaud dush, neboonid dush, kesheenganemahsig, gamah kenunduhwanduhsig gagoo cheëzhemujjedooduhwaud:

²⁴ Egewh muhyahwunjeëdejig tahtebahkoonegawug nesuhwahyeëe emuh uhyahnid enewh kahneshewanid kuhya enewh uhyahshetuhwuheganid oonje ewh misque nahsaub egoo anandahgwukkin oonoo tebahkoonegawinun:

²⁵ Egewh dush muhyahwunjeëdejig oogahkediskenahwaun enewh kahneshewanid emuh ooninjeening enewh uhyahshetuhwuheganejin oonje ewh misque, egewh dush muhyahwunjeëdejig nayaub oogahezhewenahwaun emuh ezhenezhemoo‐oodanaung, emuh kahezhenezhemoonepun: tahuhyahwun dush emuh nuhnaunzh egoo nebood owh keche sahsahgewejega‐wenene, kahnuhmuhkoonind ewh kechetwah pemeda.

²⁶ Kishpin dush ween owh nashewad pazheduhung ewh menik azhekekenuhwahjechegahdag ewh ezhenezhemoo‐oodanowh, emuh kahezhenezhemoopun;

²⁷ Enewh dush uhyahshetuhwuheganid oonje ewh misque mekahgood uhgwuhjeeng emuh wuhyaquahsing ewh oodanowh emuh kahezhenezhemood, owh dush nashewad nesegood enewh uhyahshetuhwuheganid oonje ewh misque; kahween tahenandahgoozesewun cheneboonid:

²⁸ Tahgeühyah suh emuh oodanaung emuh kahezhenezhemoopun nuhnaunzh egoo chegeneboonepun enewh keche sahsahgewejega‐wenenewun: kahneboonid dush ween enewh keche‐sahsahgewejega‐wenenewun owh nashewad nayaub tahezhekewa emuh duhgoonig ewh uhke dabandung.

²⁹ Oonoo suh dush kegahoodenahkoonegawinenahwaun kaneähnekabemahdezeyag kuhkenuh kewegewaumewaung.

³⁰ Ahwagwan nasahgwan ahweyah bemahdezenejin, ewh nashewad tahnesah debahjemoonid enewh dabahjemoonejin: pazhig dush ween dabahjemood kahween oogahdebahjemahseen ahweyah kaöonjeneboonepun dush.

³¹ Kahween kuhya kegahoodahpenuhsenahwah gagoo tebahuhmahgawin oonje oobemahdezewin owh nashewad, anandahgoozid chenebood: ahbedik suh tahnesah.

³² Kahween kuhya kegahoodahpenuhsenahwah gagoo tebahuhmahgawin oonje ewh apuhewad emuh oodanaung emuh azhenezhemood, menuhwah dush chebeduhnuhkepun emuh uhkeeng, bahmah goo atuh kenebood owh sahsahgewejega‐wenene.

³³ Kah suh kegahwenetoosenahwah ewh uhke emuh uhyahyag: ewh mah misque oonjewenud ewh uhke: ewh dush uhke kahween gagoo tahoonjepenechegahdasenoon weëkoonegahdag ewh misque emuh kahsegesamuhguk, me atuh ewh oomisqueem owh kahsegwabenung ewh.

³⁴ Kagoo suh dush wenetookagoon ewh uhke emuh kaduhnuhkeyag, emuh anduhnuhkeyaun: neen mah Jehovah uhyahweyaun nindinduhnuhke magwaühyeëe emuh uhyahwaud Israel oonejahnesun.