NUMBERS 34 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Kuhgaunzoom Israel oonejahnesun, oo‐oo dush ezhe, Uhpe tuhgwishenag Canaan duhzhe uhkeeng; (me suh oo‐oo uhke kaëenandahgoozeyag chedebandahsooyag, ewh suh goo Canaan duhzhe uhke anegookummegesing:)

³ Ewh keduhkeemewah shahwunoong enuhguhkayah emuh buhgwuhduhkummig Zining tahoonjemahjesin, cheeguhyeëe emuh Edom duhzhe uhkeeng, ewh dush keduhkeemewah shahwunoong enuhguhkayah me ewh kabemeëzhesing emuh shewetahgune‐kechegummeeng wahbunoong enuhguhkayah:

⁴ Ewh dush keduhkeemewah emuh shahwunoong tuhwushkesin tahezhesin dush emah Akrabbiming aneëzhewuhgedah-kewang, Zining kuhya tuhneëzhesin: emuh dush shahwunoong tahoonjemahjesin Kadesh‐barneaing dush tahneëzhesin, tahneëzhahmuhgud dush dush Hazar‐addaring, Azmoning kuhya tahneëzhesin:

⁵ Ewh dush uhke Azmoning tahoonjewushkesin emuh dush Egypt duhzhe sebeeng tahneëzhesin, me dush emuh kechegummeeng chemuhdahbesing.

⁶ Ewh dush ween kabemeëzhesing apungishemoog enuhguhkayah, me suh goo ewh keche‐kechegumme kabemeëzhesing: me suh oo‐oo kabemeëzhesing apungishemoog enuhguhkayah.

⁷ Me dush oo‐oo kewadinoong kabemeëzhesing: emuh keche‐kechegummeeng oonjemahjahyag kegahezhetebuhegam ewede wuhjewing Horing.

⁸ Emuh wuhjewing Horing oonjemahjahyag kegahezhetebuhegam emuh wanjepeendegamoog Hamath; Zedading dush tahneëzhesin ewh uhke:

⁹ ¶ Ziphroning dush tahneëzhahmuhgud ewh uhke, Hazar‐enaning dush tahwuhyaquahsin: me oo‐oo uhke kaneëzhesing kewadinoong enuhguhkayah.

¹⁰ Emuh dush Hazar‐enaning kegahoonjetebuhahnahwah keduhkeemewah wahbunoong enuhguhkayah, Shephaming dush kegahneëzhaum:

¹¹ Ewh dush uhke emuh Shephaming tahoonjemahjahmuhgud Riblahing dush tahezhahmuhgud, emuh wahbunoong enuhguhkayah Aining; ewh dush uhke tahnesahkewamuhgud, tahtuhgwishinoomuhgud dush emuh oopemasing ewh kechegumme Chinnereth wahbunoong enuhguhkayah:

¹² Ewh dush uhke Jordaning tahezhahmuhgud, me dush emuh shewetahgune‐kechegummeeng chewuhyaquahsing: me suh oo‐oo kaöoduhkeemeyag anegookookummegaug kewetahuhyeëe.

¹³ Moses dush oogekuhgaunzoomaun Israel oonejahnesun, oo‐oo keënaud, Me suh oo‐oo uhke kadebanduhmag uhtahdeyag, ewh Jehovah kahkuhgaundwad chemeenindwah egewh shaunguhswe enoodawezewinug, kuhya ewh ahbetuh enoodawezewin:

¹⁴ Ewh mah oodenoodawezewinewah Reuben oonejahnesun nahsaub egoo anandahgwudenig oowegewaumene oosewahbuneen, kuhya ewh oodenoodawezewinewah Gad oonejahnesun nahsaub egoo anandahgwudenig oowegewaumene oosewahbuneen, oogeühyahnahwah oodebandahsoowinewah; ewh kuhya ahbetuh oodenoodawezewin Manasseh oogeühyahnahwah oodebandahsoowinewah:

¹⁵ Enewh neezh enoodawezewinun kuhya ewh ahbetuh enoodawezewin oogeühyahnahwah oodebandahsoowinewah oondaus enuhkagaum Jordan cheeguhyeëe Jerichoïng wahbunoong enuhguhkayah, ewede wanjemookuhung keezis enuhguhkayah.

¹⁶ Jehovah dush oogekuhnoonaun Mosesun, oo‐oo keënaud,

¹⁷ Me suh oo‐oo azhenekahzoowaud egewh enenewug kamahduhoonuhmoonagwah ewh uhke: Eliazar owh sahsahgewejega‐wenene, kuhya Joshua oogwissun Nun.

¹⁸ Kegahoodahpenahwah dush pazhig oogemah anduhchingin enewh enoodawezewinun, chemahduhookewaud ewh uhke uhtahding.

¹⁹ Me suh oo‐oo azhenekahzoowaud egewh enenewug: Emuh Judah oodenoodawezewining, Caleb oogwissun Jephunneh.

²⁰ Emuh dush oodenoodawezewinewaung Simeon oonejahnesun, Shemuel oogwissun Ammihud.

²¹ Emuh Benjamin oodenoodawezewinewaung Eledad Chislon oogwissun.

²² Owh dush nahgaunezekundung ewh oodenoodawezewinewah Dan oonejahnesun, Bukki oogwissun Jogli.

²³ Oodoogemaumewaun Joseph oonejahnesun, oonje ewh oodenoodawezewinewah Manasseh oonejahnesun, Hanniel oogwissun Ephod.

²⁴ Owh kuhya nahgaunezekundung ewh oodenoodawezewinewah Ephraim oonejahnesun, Kemnel oogwissun Shiphtan,

²⁵ Owh kuhya nahgaunezekundung ewh oodenoodawezewinewah Zebulun oonejahnesun, Elizaphan oogwissun Parnach.

²⁶ Owh kuhya nahgaunezekundung ewh oodenoodawezewinewah Issachar oonejahnesun, Paltiel oogwissun Azzan.

²⁷ Owh kuhya nahgaunezekundung ewh oodenoodawezewinewah Asher oonejahnesun, Ahihud oogwissun Shelomi.

²⁸ Owh kuhya nahgaunezekundung ewh oodenoodawezewinewah Naphtali oonejahnesun, Pedahel oogwissun Ammihud.

²⁹ Me suh oonoo Jehovah kahkuhgaunzoomahjin chemahduhoonuhmuhwahnid Israel oonejahnesun ewh uhke emuh Canaan duhzhe uhkeeng.