NUMBERS 32 - Ottawa New Testament Penteteuch and Psalms 1874

¹ Reuben suh oonejahnesun, kuhya Gad oonejahnesun kekootahmegwenoowun enewh ooduhwuhkaunewaun: uhpe dush wuhyuhbunduhmoowaud ewh Jazer duhzhe uhke, kuhya ewh Gilead duhzhe uhke, oonezheshig emuh cheühyahwahpun ahwahkahnug.

² Gad oonejahnesun kuhya Reuben oonejahnesun oogebekuhnoonahwaun Mosesun kuhya Eleazarun enewh sahsahgewejega‐wenewun, kuhya enewh oodoogemahmewaun egewh muhyahwunjeëdejig, oo‐oo keënahwaud,

³ Ataroth, kuhya Dibon, kuhya Jazer, kuhya Nimrah, kuhya Heshbon, kuhya Elealeh, kuhya Shebam, kuhya Nebo, kuhya Beon.

⁴ Ewh suh goo uhke Jehovah kahpuhketaüng emuh anahsuhmeühyahnid enewh muhyahwunjeëdenid Israelun, oonezheshin emuh cheühyahwahpun uhwuhkaunug, egewh kuhya kebuhmetahgunug ooduhwuhkaunewug:

⁵ Kishpin suh dush, keëkedoowug, manwandahgoozewaungan emuh anahsuhmeyun, mahnoo oo‐oo uhke tahmeenahwug kebuhmetahgunug ckedebanduhmoowaud, kagoo kuhya ezhewezheshekaungan ahgaum Jordan.

⁶ ¶ Moses dush oo‐oo oogeënaun Gad oonejahnesun kuhya Reuben oonejahnesun, Egewh nuh kekahnisewaug tahuhwemegahzoowug, oomah nuh dush kegahnuhmuhduhbim?

⁷ Wagoonan suh kuhya wanjeshahgwanemooägwah Israel oonejahnesun ewh weëzhahwaud emuh uhkeeng ewh kahmeenegoowaud Jehovahun?

⁸ Me suh oo‐oo kahezhechegawahpun koosewahbuneeg, uhpe anoonugwah ewede Kadesh‐barneaïng cheühwewahbun-duhmoowaud ewh uhke.

⁹ Uhpe mah azhahwaud emuh duhwuhdedahnig Eshcol, uhpe dush wuhyahbunduhmoowaud ewh uhke, oogeshahgwanemooähwaun Israel oonejahnesun, chepeendegasenig emuh uhkeeng ewh kahmeenegoowahpun Jehovahun.

¹⁰ Jehovah dush oonishkahdezewin ewh goo uhpe kebiskuhnane, kemushkuhwe‐keezhwa kuhya, oo‐oo keëkedood,

¹¹ Egewh enenewug emuh Egypting kahoonjesahguhungig, neeshtuhnuh andussoo‐pepoon‐uhgezejig kuhya uhwuhshema, ahbedakummig kahween oogahwahbundunsenahwah ewh uhke kahwahweenduhmuhwuhgwahbun Abraham, Isaac, kuhya Jacob; kah mah wawane ningenoopenuhnegooseeg:

¹² Me atuh Caleb oogwissun Jephunneh owh Kenezite, kuhya Joshua oogwissun Nun: wawane mah oogenoopenuhnahwaun enewh Jehovahun.

¹³ Jehovah dush oogenishkeëgoon Israelun, oogeënanemaun dush chebuhbahmahdezenid emuh buhgwuhduhkummig nemeduhnuh dussoo‐pepoon, nuhnaunzh egoo kejahgenawaud kuhkenuh egewh bamahdezejig, kahmujjeëzhechegajig emuh anahsuhmeühyaud Jehovah.

¹⁴ Benuh dush kegepuhsegweem nahsaub egewh koosewahbuneeg kahezhechegawaud, ashkum dush bahtuhyenoowaud egewh majeëzhewabezejig enenewug, kayahbe chemechahtooyag ewh ookechenishkahdezewin Jehovah azhenishkeëgood Israelun.

¹⁵ Kishpin mah quakegahbuhwetuhwag, menuhwah ingooding oogahnuhguhnaun emuh buhgwuhduhkummig; kegahbuhnahjeähwaug dush kuhkenuh oogoo ahnishenahbag.

¹⁶ ¶ Pashoo dush oogebeëzhahnahwaun, oo‐oo dush oogeënahwaun, Ninduhwuhkaunenahnig ningahoozhetuhmuh-wahnahnig oomah mahnishtahnishewegummigoon, kuhya nindahbenoojeyemenahnig oodanuhwun:

¹⁷ Nenuhwind dush ween oozheetahyaung kuhya uhshweyaung negaun ningahbemoosamin emuh kaneëzhahwaud Israel oonejahnesun, nuhnaunzh egoo keduhgwishemungidwah emuh wahuhyahwaud: nindahbenoojeyemenahnig dush tahduhnuhkewug emuh oodanaung enewh wuhyahkahkenegahdagin oonje egewh anduhnuhkejig emuh uhkeeng.

¹⁸ Kahween nayaub ningahkewasemin andahyaung, bahmah goo atuh anduhchewaud Israel oonejahnesun kedebanduhmoowaud ewh kadebanduhmoowaud.

¹⁹ Kah mah gagoo ningahdebanduhmookahzoosemin uhwusenuhkagaum Jordan, gamah kuhya negaun, cheweeje-debandahsoomungidwahbun dush; ewh mah nindebandahsoowinenaun oondaus‐enuhkagaum Jordan uhtamuhgud wahbunoong enuhguhkayah.

²⁰ ¶ Moses dush oo‐oo oogeënaun, Kishpin suh oo‐oo weëzhechegayag kishpin weähwemegahzooyag ushweyag emuh anahsuhmeühyaud Jehovah,

²¹ Kishpin kuhya kuhkenuh kenuhwah weähzhuhwuhuhmag ewh Jordan uhshweyag emuh anahsuhmeühyaud Jehovah, nuhnaunzh egoo kesahgejenaunzhuhwaud enewh mahgahnegoojin emuh anahsuhmeühyaud,

²² Ewh dush uhke muhmaunzhechegahdag emuh anahsuhmeühyaud Jehovah: me dush bahmah chekewayag, kah dush kegahuhnaumemegooseem emuh anahsuhmeühyaud Jehovah, kuhya Israel; oo‐oo dush uhke kegahdebandahnahwah emuh anahsuhmeühyaud Jehovah.

²³ Kishpin dush ween oo‐oo weëzhechegasewag, benuh kegemujje‐dooduhwahwah Jehovah: quuhyukwanduhmook dush ewh chemekahgooyag kemujjeëzhewabezewinewah.

²⁴ Oozhetuhmuhwik kedahbenoojeyemewaug oodanuhwun, kuhya egewh kemahnishtahnishemewaug mahnishtahnishe‐wegummigoon; ezhechegayook dush ewh kedoonewaung kahoonjesahguhuhmoomuhguk.

²⁵ Gad dush oonejahnesun kuhya Reuben oonejahnesun oogekuhnoonahwaun Mosesun, oo‐oo dush keënahwaud, Kebuhmetahgunug suh tahezhechegawug nindoogemahmenaun egoo azhekuhgaundwad.

²⁶ Nindahbenoojeyemenahnig, newedagamahgunenahnig, nemahnishtahnishemenahnig, kuhya kuhkenuh ninduhwuhkaunenahnig, tahuhyahwug ewede Gilead duhzhe oodanaung:

²⁷ Egewh dush ween kebuhmetahgunug tahahzhuhwuhoowug, anduhchewaud egewh enenewug uhshwewaud wemegahzoowaud, emuh anahsuhmeühyaud Jehovah, nahsaub suh goo akedood nindoogemahmenaun.

²⁸ Moses suh dush oogekuhgaunzoomaun Eleazarun enewh sahsahgewejega‐wenenewun, kuhya Joshuaün oogwissun Nun, kuhya enewh nahgaunezekunduhmenejin enewh oodenoodawezewinewah Israel oonejahnesun:

²⁹ Moses dush oo‐oo oogeënaun, Kishpin Gad oonejahnesun kuhya Reuben oonejahnesun weejewenagwah kuhya wenuhwah dush ahzhuhwuhmoowaud ewh Jordan, anduhchewaud egewh enenewug uhshwewaud wemegahzoowaud, emuh anahsuhmeühyaud Jehovah, ewh dush uhke muhmauzhe-tuhmahgooyag: me chemeenagwah ewh Gilead duhzhe uhke chedebanduhmoowaud:

³⁰ Kishpin dush ween weejewesenagwah ahzhuhwuhunzigwah dush uhshwesigwah, tahdebandahsoowug magwaühyeëe emuh uhyahyag emuh Canaan duhzhe uhkeeng.

³¹ Gad dush oonejahnesun kuhya Reuben oonejahnesun kenuhquatuhmoog, oo‐oo keëkedoowaud, Nahsaub egoo Jehovah kahenaud enewh kebuhmetahgunun, me ewh kaëzhechegayaung.

³² Ningahezhahmin emuh Canaan duhzhe uhkeenguhshweyaung emuh anahsuhmeühyaud Jehovah, cheühyahmaung dush nah ewh wahdebandahsooyaung oondausenuhkagaum Jordan.

³³ Moses dush oogemeenaun Gad oonejahnesun, kuhya Reuben oonejahnesun, kuhya ahbetuh oodenoodawezewin Manasseh oogwissun Joseph, ewh uhke kahoogemahkundungebun Sihon egewh Amoritug oodoogemahmewaun, kuhya ewh uhke kahoogemahkundungebun Og owh Bashan duhzhe kecheöogemah, ewh uhke, kuhya enewh oodanuhwun emuh anduhgoogin, enewh suh goo oodanuhwun anduhgoogin emuh uhkeeng kewetahuhyeëe.

³⁴ ¶ Gad dush oonejahnesun oogeözhetoonahwah Dibon, kuhya Atoroth, kuhya Aroer,

³⁵ Kuhya Atroth. Shophan, kuhya Jaazer, kuhya Jogbehah,

³⁶ Kuhya Bethnimrah, kuhya Bethharan, wuhyahkahkenegahdagin oodanuhwun: kuhya mahnishtahnishe‐wegummigoon,

³⁷ Reuben dush oonejahnesun oogeöozhetoonahwah Heshbon, kuhya Elealeh, kuhya Kirjathaim,

³⁸ Kuhya Nebo, kuhya Baal‐meon, (kaäunjenekahdawun oonoo,) kuhya Shibmah: buhkaun dush oogeëzhenekahdahnah waun enewh oodanuhwun kahoozhetoowahjin.

³⁹ Oonejahnesun dush Machir oogwissun Manasseh Gileading keëzhahwug, oogetuhkoonahnahwah dush, oogesahgeche‐wabenahwaun kuhya enewh Amoritun emuh kahuhyahnid.

⁴⁰ Moses dush oogemeenaun Machirun oogwissun Manasseh ewh Gilead; keduhnuhkewun dush emuh.

⁴¹ Jair dush Manasseh oogwissun oogeühwetuhkoonahnun enewh oodanaunsun emuh dabandahgwukkin, Havoth‐jair dush oogeëzhenekahdaunun.

⁴² Nobah dush oogeühwetuhkoonaun Kenath, kuhya enewh oodanaunsun dabandahgwukkin emuh, Nobah dush oogeëzhenekahdaun, nahsaub egoo ween azhenekahzood.