NUMBERS 31 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun oo‐oo keënaud,

² Ahzheduhwuh egewh Midianitug oonje Israel oonejahnesun: bahmah dush kegahezhewenegoo emuh uhyahwaud kedahnishenahbamug.

³ Moses dush oogekuhnoonaun enewh ahnishenahban, oo‐oo keënaud, Uhshweyook ahnind kenuhwah wemegahzooyag, mahnoo dush oogahmuhwenawahwaun enewh Midianitun, mahnoo kuhya oogahahzheduhwuhahwaun Midianun oonje enewh Jehovahun.

⁴ Anduhchingin ewh enoodawezewinun medahswauk, anduhchingin Israel oodenoodawezewinun, kegahnundoobuhneähwaug.

⁵ Keöodahpenahwug suh dush emuh uhyahwaud nebewah dusswauk egewh Israelitug, medahswauk anduhchingin enewh enoodawezewinun, medahswe‐ushe‐neenzh duhching medahswauk ashwejig wemegahzoowaud.

⁶ Moses dush oogenundoobuhneäun, medahswauk anduhchingin onewh enoodawezewinun, kuhya Phineasun oogwissun Eleazar owh sahsahgewejega‐wenene, kegezenid enewh kechetwahuhnookahzoowinun, kuhya enewh poodahjegunun kapoodahduhming emah ooninjeening.

⁷ Oogemegahnahwaun dush enewh Midianitun, debishkoo Jehovah kahezhekuhgaunzoomaud enewh Mosesun; oogenesahwaun dush kuhkenuh enewh enenewun.

⁸ Oogeduhgoonesahwaun kuhya enewh Midian duhzhe kecheöogemaun, uhpe nasahwaud enewh ahnind; Evi, kuhya Kekem, kuhya Zur, kuhya Hur, kuhya Keba, nahnun Midian duhzhe kocheöogemaug; oogenesahwaun kuhya Balaamun oogwissun Beor uhshuhwashk keuhyoowaud.

⁹ Israel dush oonejahnesun oogetuhkoonahwaun kuhkenuh enewh Midian duhzhe equan, kuhya enewh ooduhbenoojeyemene, oogeöodahpenahwaun kuhya kuhkenuh enewh ooduhwuhkaunene, kuhya kuhkenuh oomahnishtahnishemene, kuhya kuhkenuh ooduhyeëemene.

¹⁰ Oogesuhkuhuhmuhwahwaun kuhya kuhkenuh oodoodanuhwene emuh kahduhnuhkenid, kuhya kuhkenuh enewh oowahkahegunene quanahjewunenigin, ishkooda keühyoowaud.

¹¹ Oogeöodahpenahmahwah dush kuhkenuh ewh kahtuhkoonuhmoowaud, enenewun kuhya uhwuhkaunun.

¹² Oogebenahwaun dush enewh kahtuhkoonahwahjin, kuhya ewh kahtuhkoonuhmoowaud, emuh uhyahnid enewh muhyahwunjeëdenejin Israel oonejahnesun, emuh kuhbashewining emuh mushkoodawung Moab anduhgoog, cheguhyeëe Jordaning debishkoo Jerichoing.

¹³ ¶ Moses dush, kuhya Eleazar owh sahsahgewejega‐wenene, kuhya kuhkenuh egewh wagemahwejig emuh uhyahwaud egewh muhyahwunjeëdejig, oogeühwenuhquashkuhwahwaun uhgwuhjeeng kuhbashewining.

¹⁴ Moses dush oogenishkeëgoon oodoogemaumene enewh shemahgunishun, enewh shemahgunishe‐oogemaun mamedahswauk kanuhwanemahnejin; emuh kahduhzhemegahding kahoonjebahnejin.

¹⁵ Moses dush oo‐oo oogeënaun, Kuhkenuh nuh egewh equawug kegebemahjeähwaug?

¹⁶ Benuh oogoo kekuhgaunzoomegoowaud enewh Balaamun, oogewekoojeähwaun Israel oonejahnesun chemujje‐dooduhwahnid Jehovahun Peorun oonje, kemujjeënahpenawenuhgud dush emuh uhyahnid Jehovah oodahnishenahbamun.

¹⁷ Umba suh dush nesik anduhchewaud egewh quewezansug emah uhyahwaud egewh babewezhayejig, nesik kuhya anduhchewaud egewh equawug kahkekanemahjig enenewun kewepamahwaud.

¹⁸ Kuhnuhwanduhmahdezooyook dush ween kuhkenuh egewh equa‐uhbenoojeyug, kahkekanemahsegoog enenewun kewepamahsigwah.

¹⁹ Uhgwuhjeeng dush kuhbashewining uhyahyook neenzhwahsoogoon: ahwagwan kahnesahgwan ahweyah, ahwagwan kuhya kahtaungenahgwan ahweyah, ahwagwan kuhya kahtaungenahgwan ahweyah kahnesememindjin, peneëdezooyook kenuhwah kuhya egewh kahtuhkoonagoog uhpe nesookezhiguk, uhpe kuhya neenzhwahsookezhiguk.

²⁰ Penetooyook kuhya kuhkenuh keduhgwewinewah, kuhya kuhkenuh uhsuhying wanjeöozhechegahdag, kuhya kuhkenuh metigoouhyeëen.

²¹ ¶ Eleazar dush owh sahsahgewejega‐wenene oo‐oo oogeënaun enewh megahzoo‐wenenewun kahuhwemegahzoonejin, Me suh oo‐oo enahkoonegawin Jehovah kahezhekuhgaunzoomaud enewh Mosesun;

²² Ewh atuh oozahweshooneyah, kuhya ewh shooneyah, oozahwahbik, pewahbik, waubahbik, kuhya ushekekoomaun,

²³ Anduhchingin enewh kaühtagebuneen ishkoodang, ishkoodang kegahuhtoonahwaun, tahpenahbikudoon dush: pooch edush egoo kuhya tahpenechegahdawun ewh puhkaëdewine‐nebe uhyoong: kuhkenuh dush enewh ishkoodang kadaühtasenoogebuneen nebeeng kegahuhtoonahwaun.

²⁴ Kegahkezebegenahnahwaun dush keduhgwewinewaun uhpe neenzhwahsookezhiguk, kegahpenezim dush, bahmah dush kegahbeendegam emuh kuhbashewining.

²⁵ ¶ Jehovah dush oogekuhnoonaun enewh Mosesun oo‐oo keënaud,

²⁶ Uhgindun suh anduhching ewh kahtuhkoonegahdag, enenewug kuhya uhwuhkaunug, keen, kuhya Eleazar owh sahsahgewejega‐wenene, kuhya nahgaunezejig wayoosemindjig emah uhyahwaud egewh muhyahwunjeëdejig:

²⁷ Neenzhing dush ezheühtuhmowh ewh kahoodahpenegahdag; egewh kahmegahzoojig, kahuhwenundoobunejig, kuhya kuhkenuh egewh muhyahwunjeëdejig:

²⁸ Mahwunjetuhmuhwik kuhya Jehovah ewh kapuhgedenegawaud egewh megahzoo‐wenenewugkahuhwemegahzoojig; pazhig ewh nahnwauk, nuhyanzh egewh bamahdezejig, kuhya egewh mamaungeshayug, kuhya egewh mahnishtahnishug:

²⁹ Ewh suh ahbetuh wenuhwah dabanduhmoowaud me emah oonjeoodahpenun, meenzh dush Eleazar owh sahsahgewejegawenene, cheöombenegahsahsahgewenind dush Jehovah.

³⁰ Ewh dush ween ahbetuh dabanduhmoowaud Israel oonejahnesun, kegahoodahpenaun pazhig menik ewh nahnemeduhnuh, egewh bamahdezejig, egewh muhkuhda‐pezhekewug, egewh mamaungeshayug, kuhya egewh mahnishtahnishug, anduhchewaud suh goo egewh uhwuhkaunug, kegahmeenaug dush egewh Levitug, kanuhwandungig Jehovah oopuhpuhgewuhyahne‐ahnuhmeäwegummig:

³¹ Moses dush kuhya Eleazar owh sahsahgewejega‐wenene keëzhechegawug kahezhekuhgaunzoomaud egoo Jehovah enewh Mosesun.

³² Ewh dush kahduhkoonegahdag, ewh suh goo kahishkoonegahdag, egewh megahzoo‐wenenewug kahduhkoonuh-moowaud, me suh oo‐oo, ningoodwahswauk duhching medahswauk uhshe neenzhwahsemeduhnuh uhshe nahnun duhching medahswauk mahnishtahnishug,

³³ Kuhya neenzhwahsemeduhnuh uhshe neenzh duhching medahswauk muhkuhda‐pezhekewug,

³⁴ Kuhya ningoodwahsemeduhnuh uhshe pazhig duhching medahswauk mamaungeshayug,

³⁵ Kuhya nesemeduhnuh uhshe neenzh duhching medahswauk bamahdezejig mahmuhwe, equawug kahkekanemahsegoog enenewun ewh wepamahmahwaud.

³⁶ Ewh dush ahbetuh, kahdebanduhmoowaud egewh kahuhwemegahzoojig, me oo‐oo kahduhching, neswauk duhching medahswauk uhshe nesemeduhnuh uhshe neenzhwahswe duhching medahswauk uhshe nahnwauk mahnishtahnishug:

³⁷ Enewh dush mahnishtahnishun Jehovah kahpuhgedenemuhwind ningoodwahswauk uhshe neenzhwahsemeduhnuh uhshe nahnun keduhchewun.

³⁸ Egewh dush muhkuhda‐pezhekewug nesemeduhnuh uhshe ningoodwahswe duhching medahswauk keduhchewug; neenzhwahsemeduhnuh uhshe neenzh oonoo Jehovah kepuhgedenuhmuhwah.

³⁹ Egewh dush mamaungeshayug nesemeduhnuh duhching medahswauk uhshe nahnwauk keduhchewug; ningoodwahsemeduhnuh uhshe pazhig oonoo Jehovah kepuhgedenuhmuhwah.

⁴⁰ Egewh dush bamahdezejig medahswe uhshe ningoodwahswe duhching medahswauk keduhchewug; nesemeduhnuh uhshe neenzh oonoo Jehovah kepuhgedenuhmuhwah.

⁴¹ Moses dush oogemeenaun Eleazarun enewh sahsahgewejega‐wenenewun ewh puhgedenegawin, Jehovah oodoombenega‐sahsahgewejegun kahahwunenig, kahezhekuhgaunzoomaud egoo Jehovah enewh Mosesun.

⁴² Ewh dush ahbetuh Israel oonejahnesun kahdebanduhmoowaud, Moses kahuhtood puhkaühyeëe keöodahpenuhmuhwaud enewh enenewun kahmegahzoonejin,

⁴³ (Ewh dush ahbetuh egewh muhyahwunjeëdejig kahdebandungig, me oo‐oo kahduhching, neswauk duhching medahswauk uhshe nesemeduhnuh uhshe neezhwahswe duhching medahswauk uhshe nahnwauk mahnishtahnishug,

⁴⁴ Kuhya nesemeduhnuh uhshe ningoodwahswe duhching medahswauk pezekewug.

⁴⁵ Kuhya nesemeduhnuh duhching metauswauk ahshe naunwauk mamaungeshaüg.

⁴⁶ Kuhya medahswe ahshe ningoodwahswe duhching medahswauk bamahdezejig;)

⁴⁷ Ahbetuh suh goo ewh Israel oonejahnesun kahdebanduhmoowaud, nahnemeduhnuh duhching ooquesechegahdag, Moses oogeöodahpenaun ingooding ooquesing, nuhyanzh enewh enenewun kuhya enewh uhwuhkaunun, oogemeenaun dush enewh Levitun, kahkuhnuhwanduhmenid Jehovah oopuhpuhgewuhyahne‐ahnunmeäwegummigoom; nahsaub suh goo Jehovah kahezhekuhgaunzoomaud enewh Mosesun.

⁴⁸ ¶ Egewh dush shemahgunishe‐öogemaug kahkuhnuhwanemahwaud nebewuh dusswauk enewh muhyahmuhwenoonejin, egewh shemahgunishe‐öogemaug mamedahswauk kahkuhnuhwanemahwahjin, kuhya ningoodwauk kahkunuhwanemahwahjin pashoo oogepeëzhahnahwaun enewh Mosesun:

⁴⁹ Oo‐oo dush oogeënahwaun Mosesun, Kebuhmetahgunug suh oogeühgemahwaun enewh megahzoo‐wenenewun nenuhwind kanuhwanemungidwah, kah dush kuhnuhga pazhig enene ningwenuhwahbuhmahsenaun.

⁵⁰ Ningebeduhwahnaun suh dush Jehovah ewh puhgedenegawin, anduhcheyaung kahuhyahmaung, oozahwe‐shooneyah‐suhsagahchegunun, tuhkoobejegunun, kuhya uhnaunun, tetebeninjebezoonun, nahbeshabezoonun, kuhya tasahbikoonsun, chesahsahgewejegang dush ninjechaugoonahnig oonje emuh anahsuhmeühyaud Jehovah.

⁵¹ Mosesun dush kuhya Eleäzarun enewh sahsahgewejega‐wenenewun oogeöodahpenuhmahgoowaun ewh oozahweshooneyah, kuhkenuh suh goo suhsagahchegunun ahnooj kahezhetoong.

⁵² Kuhkenuh dush ewh oozahwe‐shooneyah kahpuhgedenegahdag enewh Jehovahun kahpuhgedenuhmuhwahwahjin, egewh shemahgunishe‐öogemaug mamedahswauk kanuhwanemahwahjin, kuhya egewh shemahgunishe‐öogemaug naningoodwauk kanuhwanemahwahjin, medahswe uhshe ningoodwahswe duhching medahswauk ahshe neenzhwahswauk ahshe nahnemeduhnuh shekelug keühpetinahgwud.

⁵³ (Egewh mah megahzoo‐wenenewug anduhchewaud keöodahpenuhmahzoogwahbun ewh kahtahkoonuhmoowaud.)

⁵⁴ Moses dush kuhya Eleazar owh sahsahgewejega‐wenene oogeöodahpenuhmuhwahwaun oodoozahwe‐shooneyahmene enewh shemahgunishe‐öogemaun mamedahswauk kuhya naningoodwauk kanuhwanemahnejin, oogepeendeguhdoonahwah dush emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig, chemuhmequanduhmoowaud dush Israel oonejahnesun emuh anahsuhmeühyahnid Jehovahun.